circa 1380–1050 BC

The Judges & Ruth

Israel cycles through rebellion, oppression, and rescue under charismatic leaders—culminating in Ruth's faithful love story.

703 פסוקים · 2 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. שֹׁפְטִים ט״ו:ו׳בערך תמ״א לפנה״ס

    ויאמרו פלשתים מי עשה זאת ויאמרו שמשון חתן התמני כי לקח את אשתו ויתנה למרעהו ויעלו פלשתים וישרפו אותה ואת אביה באש׃

  2. שֹׁפְטִים ט״ו:ז׳בערך תמ״א לפנה״ס

    ויאמר להם שמשון אם תעשון כזאת כי אם נקמתי בכם ואחר אחדל׃

  3. שֹׁפְטִים ט״ו:ח׳בערך תמ״א לפנה״ס

    ויך אותם שוק על ירך מכה גדולה וירד וישב בסעיף סלע עיטם׃

  4. שֹׁפְטִים ט״ו:ט׳בערך תמ״א לפנה״ס

    ויעלו פלשתים ויחנו ביהודה וינטשו בלחי׃

  5. שֹׁפְטִים ט״ו:י׳בערך תמ״א לפנה״ס

    ויאמרו איש יהודה למה עליתם עלינו ויאמרו לאסור את שמשון עלינו לעשות לו כאשר עשה לנו׃

  6. שֹׁפְטִים ט״ו:י״אבערך תמ״א לפנה״ס

    וירדו שלשת אלפים איש מיהודה אל סעיף סלע עיטם ויאמרו לשמשון הלא ידעת כי משלים בנו פלשתים ומה זאת עשית לנו ויאמר להם כאשר עשו לי כן עשיתי להם׃

  7. שֹׁפְטִים ט״ו:י״בבערך תמ״א לפנה״ס

    ויאמרו לו לאסרך ירדנו לתתך ביד פלשתים ויאמר להם שמשון השבעו לי פן תפגעון בי אתם׃

  8. שֹׁפְטִים ט״ו:י״גבערך תמ״א לפנה״ס

    ויאמרו לו לאמר לא כי אסר נאסרך ונתנוך בידם והמת לא נמיתך ויאסרהו בשנים עבתים חדשים ויעלוהו מן הסלע׃

  9. שֹׁפְטִים ט״ו:י״דבערך תמ״א לפנה״ס

    הוא בא עד לחי ופלשתים הריעו לקראתו ותצלח עליו רוח יהוה ותהיינה העבתים אשר על זרועותיו כפשתים אשר בערו באש וימסו אסוריו מעל ידיו׃

  10. שֹׁפְטִים ט״ו:ט״ובערך תמ״א לפנה״ס

    וימצא לחי חמור טריה וישלח ידו ויקחה ויך בה אלף איש׃

  11. שֹׁפְטִים ט״ו:ט״זבערך תמ״א לפנה״ס

    ויאמר שמשון בלחי החמור חמור חמרתים בלחי החמור הכיתי אלף איש׃

  12. שֹׁפְטִים ט״ו:י״זבערך תמ״א לפנה״ס

    ויהי ככלתו לדבר וישלך הלחי מידו ויקרא למקום ההוא רמת לחי׃

  13. שֹׁפְטִים ט״ו:י״חבערך תמ״א לפנה״ס

    ויצמא מאד ויקרא אל יהוה ויאמר אתה נתת ביד עבדך את התשועה הגדלה הזאת ועתה אמות בצמא ונפלתי ביד הערלים׃

  14. שֹׁפְטִים ט״ו:י״טבערך תמ״א לפנה״ס

    ויבקע אלהים את המכתש אשר בלחי ויצאו ממנו מים וישת ותשב רוחו ויחי על כן קרא שמה עין הקורא אשר בלחי עד היום הזה׃

  15. שֹׁפְטִים ט״ו:כ׳בערך תמ״א לפנה״ס

    וישפט את ישראל בימי פלשתים עשרים שנה׃

  16. שֹׁפְטִים ט״ז:א׳בערך ת״כ לפנה״ס

    ¶ וילך שמשון עזתה וירא שם אשה זונה ויבא אליה׃

  17. שֹׁפְטִים ט״ז:ב׳בערך ת״כ לפנה״ס

    לעזתים לאמר בא שמשון הנה ויסבו ויארבו לו כל הלילה בשער העיר ויתחרשו כל הלילה לאמר עד אור הבקר והרגנהו׃

  18. שֹׁפְטִים ט״ז:ג׳בערך ת״כ לפנה״ס

    וישכב שמשון עד חצי הלילה ויקם בחצי הלילה ויאחז בדלתות שער העיר ובשתי המזוזות ויסעם עם הבריח וישם על כתפיו ויעלם אל ראש ההר אשר על פני חברון׃

  19. שֹׁפְטִים ט״ז:ד׳בערך ת״כ לפנה״ס

    ויהי אחרי כן ויאהב אשה בנחל שרק ושמה דלילה׃

  20. שֹׁפְטִים ט״ז:ה׳בערך ת״כ לפנה״ס

    ויעלו אליה סרני פלשתים ויאמרו לה פתי אותו וראי במה כחו גדול ובמה נוכל לו ואסרנהו לענתו ואנחנו נתן לך איש אלף ומאה כסף׃

  21. שֹׁפְטִים ט״ז:ו׳בערך ת״כ לפנה״ס

    ותאמר דלילה אל שמשון הגידה נא לי במה כחך גדול ובמה תאסר לענותך׃

  22. שֹׁפְטִים ט״ז:ז׳בערך ת״כ לפנה״ס

    ויאמר אליה שמשון אם יאסרני בשבעה יתרים לחים אשר לא חרבו וחליתי והייתי כאחד האדם׃

  23. שֹׁפְטִים ט״ז:ח׳בערך ת״כ לפנה״ס

    ויעלו לה סרני פלשתים שבעה יתרים לחים אשר לא חרבו ותאסרהו בהם׃

  24. שֹׁפְטִים ט״ז:ט׳בערך ת״כ לפנה״ס

    והארב ישב לה בחדר ותאמר אליו פלשתים עליך שמשון וינתק את היתרים כאשר ינתק פתיל הנערת בהריחו אש ולא נודע כחו׃

  25. שֹׁפְטִים ט״ז:י׳בערך ת״כ לפנה״ס

    ותאמר דלילה אל שמשון הנה התלת בי ותדבר אלי כזבים עתה הגידה נא לי במה תאסר׃