circa 1380–1050 BC

The Judges & Ruth

Israel cycles through rebellion, oppression, and rescue under charismatic leaders—culminating in Ruth's faithful love story.

703 פסוקים · 2 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. שֹׁפְטִים י״ז:ה׳בערך תי״ט לפנה״ס

    והאיש מיכה לו בית אלהים ויעש אפוד ותרפים וימלא את יד אחד מבניו ויהי לו לכהן׃

  2. שֹׁפְטִים י״ז:ו׳בערך תי״ט לפנה״ס

    בימים ההם אין מלך בישראל איש הישר בעיניו יעשה׃

  3. שֹׁפְטִים י״ז:ז׳בערך תי״ט לפנה״ס

    ויהי נער מבית לחם יהודה ממשפחת יהודה והוא לוי והוא גר שם׃

  4. שֹׁפְטִים י״ז:ח׳בערך תי״ט לפנה״ס

    וילך האיש מהעיר מבית לחם יהודה לגור באשר ימצא ויבא הר אפרים עד בית מיכה לעשות דרכו׃

  5. שֹׁפְטִים י״ז:ט׳בערך תי״ט לפנה״ס

    ויאמר לו מיכה מאין תבוא ויאמר אליו לוי אנכי מבית לחם יהודה ואנכי הלך לגור באשר אמצא׃

  6. שֹׁפְטִים י״ז:י׳בערך תי״ט לפנה״ס

    ויאמר לו מיכה שבה עמדי והיה לי לאב ולכהן ואנכי אתן לך עשרת כסף לימים וערך בגדים ומחיתך וילך הלוי׃

  7. שֹׁפְטִים י״ז:י״אבערך תי״ט לפנה״ס

    ויואל הלוי לשבת את האיש ויהי הנער לו כאחד מבניו׃

  8. שֹׁפְטִים י״ז:י״בבערך תי״ט לפנה״ס

    וימלא מיכה את יד הלוי ויהי לו הנער לכהן ויהי בבית מיכה׃

  9. שֹׁפְטִים י״ז:י״גבערך תי״ט לפנה״ס

    ויאמר מיכה עתה ידעתי כי ייטיב יהוה לי כי היה לי הלוי לכהן׃

  10. שֹׁפְטִים י״ח:א׳בערך ת״ו לפנה״ס

    ¶ בימים ההם אין מלך בישראל ובימים ההם שבט הדני מבקש לו נחלה לשבת כי לא נפלה לו עד היום ההוא בתוך שבטי ישראל בנחלה׃

  11. שֹׁפְטִים י״ח:ב׳בערך ת״ו לפנה״ס

    וישלחו בני דן ממשפחתם חמשה אנשים מקצותם אנשים בני חיל מצרעה ומאשתאל לרגל את הארץ ולחקרה ויאמרו אלהם לכו חקרו את הארץ ויבאו הר אפרים עד בית מיכה וילינו שם׃

  12. שֹׁפְטִים י״ח:ג׳בערך ת״ו לפנה״ס

    המה עם בית מיכה והמה הכירו את קול הנער הלוי ויסורו שם ויאמרו לו מי הביאך הלם ומה אתה עשה בזה ומה לך פה׃

  13. שֹׁפְטִים י״ח:ד׳בערך ת״ו לפנה״ס

    ויאמר אלהם כזה וכזה עשה לי מיכה וישכרני ואהי לו לכהן׃

  14. שֹׁפְטִים י״ח:ה׳בערך ת״ו לפנה״ס

    ויאמרו לו שאל נא באלהים ונדעה התצליח דרכנו אשר אנחנו הלכים עליה׃

  15. שֹׁפְטִים י״ח:ו׳בערך ת״ו לפנה״ס

    ויאמר להם הכהן לכו לשלום נכח יהוה דרככם אשר תלכו בה׃

  16. שֹׁפְטִים י״ח:ז׳בערך ת״ו לפנה״ס

    וילכו חמשת האנשים ויבאו לישה ויראו את העם אשר בקרבה יושבת לבטח כמשפט צדנים שקט ובטח ואין מכלים דבר בארץ יורש עצר ורחקים המה מצדנים ודבר אין להם עם אדם׃

  17. שֹׁפְטִים י״ח:ח׳בערך ת״ו לפנה״ס

    ויבאו אל אחיהם צרעה ואשתאל ויאמרו להם אחיהם מה אתם׃

  18. שֹׁפְטִים י״ח:ט׳בערך ת״ו לפנה״ס

    ויאמרו קומה ונעלה עליהם כי ראינו את הארץ והנה טובה מאד ואתם מחשים אל תעצלו ללכת לבא לרשת את הארץ׃

  19. שֹׁפְטִים י״ח:י׳בערך ת״ו לפנה״ס

    כבאכם תבאו אל עם בטח והארץ רחבת ידים כי נתנה אלהים בידכם מקום אשר אין שם מחסור כל דבר אשר בארץ׃

  20. שֹׁפְטִים י״ח:י״אבערך ת״ו לפנה״ס

    ויסעו משם ממשפחת הדני מצרעה ומאשתאל שש מאות איש חגור כלי מלחמה׃

  21. שֹׁפְטִים י״ח:י״בבערך ת״ו לפנה״ס

    ויעלו ויחנו בקרית יערים ביהודה על כן קראו למקום ההוא מחנה דן עד היום הזה הנה אחרי קרית יערים׃

  22. שֹׁפְטִים י״ח:י״גבערך ת״ו לפנה״ס

    ויעברו משם הר אפרים ויבאו עד בית מיכה׃

  23. שֹׁפְטִים י״ח:י״דבערך ת״ו לפנה״ס

    ויענו חמשת האנשים ההלכים לרגל את הארץ ליש ויאמרו אל אחיהם הידעתם כי יש בבתים האלה אפוד ותרפים ופסל ומסכה ועתה דעו מה תעשו׃

  24. שֹׁפְטִים י״ח:ט״ובערך ת״ו לפנה״ס

    ויסורו שמה ויבאו אל בית הנער הלוי בית מיכה וישאלו לו לשלום׃

  25. שֹׁפְטִים י״ח:ט״זבערך ת״ו לפנה״ס

    ושש מאות איש חגורים כלי מלחמתם נצבים פתח השער אשר מבני דן׃