circa 1380–1050 BC

The Judges & Ruth

Israel cycles through rebellion, oppression, and rescue under charismatic leaders—culminating in Ruth's faithful love story.

703 פסוקים · 2 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. שֹׁפְטִים י״ט:י״אבערך ת״ו לפנה״ס

    הם עם יבוס והיום רד מאד ויאמר הנער אל אדניו לכה נא ונסורה אל עיר היבוסי הזאת ונלין בה׃

  2. שֹׁפְטִים י״ט:י״בבערך ת״ו לפנה״ס

    ויאמר אליו אדניו לא נסור אל עיר נכרי אשר לא מבני ישראל הנה ועברנו עד גבעה׃

  3. שֹׁפְטִים י״ט:י״גבערך ת״ו לפנה״ס

    ויאמר לנערו לך ונקרבה באחד המקמות ולנו בגבעה או ברמה׃

  4. שֹׁפְטִים י״ט:י״דבערך ת״ו לפנה״ס

    ויעברו וילכו ותבא להם השמש אצל הגבעה אשר לבנימן׃

  5. שֹׁפְטִים י״ט:ט״ובערך ת״ו לפנה״ס

    ויסרו שם לבוא ללון בגבעה ויבא וישב ברחוב העיר ואין איש מאסף אותם הביתה ללון׃

  6. שֹׁפְטִים י״ט:ט״זבערך ת״ו לפנה״ס

    והנה איש זקן בא מן מעשהו מן השדה בערב והאיש מהר אפרים והוא גר בגבעה ואנשי המקום בני ימיני׃

  7. שֹׁפְטִים י״ט:י״זבערך ת״ו לפנה״ס

    וישא עיניו וירא את האיש הארח ברחב העיר ויאמר האיש הזקן אנה תלך ומאין תבוא׃

  8. שֹׁפְטִים י״ט:י״חבערך ת״ו לפנה״ס

    ויאמר אליו עברים אנחנו מבית לחם יהודה עד ירכתי הר אפרים משם אנכי ואלך עד בית לחם יהודה ואת בית יהוה אני הלך ואין איש מאסף אותי הביתה׃

  9. שֹׁפְטִים י״ט:י״טבערך ת״ו לפנה״ס

    וגם תבן גם מספוא יש לחמורינו וגם לחם ויין יש לי ולאמתך ולנער עם עבדיך אין מחסור כל דבר׃

  10. שֹׁפְטִים י״ט:כ׳בערך ת״ו לפנה״ס

    ויאמר האיש הזקן שלום לך רק כל מחסורך עלי רק ברחוב אל תלן׃

  11. שֹׁפְטִים י״ט:כ״אבערך ת״ו לפנה״ס

    ויביאהו לביתו ויבול לחמורים וירחצו רגליהם ויאכלו וישתו׃

  12. שֹׁפְטִים י״ט:כ״בבערך ת״ו לפנה״ס

    המה מיטיבים את לבם והנה אנשי העיר אנשי בני בליעל נסבו את הבית מתדפקים על הדלת ויאמרו אל האיש בעל הבית הזקן לאמר הוצא את האיש אשר בא אל ביתך ונדענו׃

  13. שֹׁפְטִים י״ט:כ״גבערך ת״ו לפנה״ס

    ויצא אליהם האיש בעל הבית ויאמר אלהם אל אחי אל תרעו נא אחרי אשר בא האיש הזה אל ביתי אל תעשו את הנבלה הזאת׃

  14. שֹׁפְטִים י״ט:כ״דבערך ת״ו לפנה״ס

    הנה בתי הבתולה ופילגשהו אוציאה נא אותם וענו אותם ועשו להם הטוב בעיניכם ולאיש הזה לא תעשו דבר הנבלה הזאת׃

  15. שֹׁפְטִים י״ט:כ״הבערך ת״ו לפנה״ס

    ולא אבו האנשים לשמע לו ויחזק האיש בפילגשו ויצא אליהם החוץ וידעו אותה ויתעללו בה כל הלילה עד הבקר וישלחוה בעלות השחר׃

  16. שֹׁפְטִים י״ט:כ״ובערך ת״ו לפנה״ס

    ותבא האשה לפנות הבקר ותפל פתח בית האיש אשר אדוניה שם עד האור׃

  17. שֹׁפְטִים י״ט:כ״זבערך ת״ו לפנה״ס

    ויקם אדניה בבקר ויפתח דלתות הבית ויצא ללכת לדרכו והנה האשה פילגשו נפלת פתח הבית וידיה על הסף׃

  18. שֹׁפְטִים י״ט:כ״חבערך ת״ו לפנה״ס

    ויאמר אליה קומי ונלכה ואין ענה ויקחה על החמור ויקם האיש וילך למקמו׃

  19. שֹׁפְטִים י״ט:כ״טבערך ת״ו לפנה״ס

    ויבא אל ביתו ויקח את המאכלת ויחזק בפילגשו וינתחה לעצמיה לשנים עשר נתחים וישלחה בכל גבול ישראל׃

  20. שֹׁפְטִים י״ט:ל׳בערך ת״ו לפנה״ס

    והיה כל הראה ואמר לא נהיתה ולא נראתה כזאת למיום עלות בני ישראל מארץ מצרים עד היום הזה שימו לכם עליה עצו ודברו׃

  21. שֹׁפְטִים כ׳:א׳בערך ת״ו לפנה״ס

    ¶ ויצאו כל בני ישראל ותקהל העדה כאיש אחד למדן ועד באר שבע וארץ הגלעד אל יהוה המצפה׃

  22. שֹׁפְטִים כ׳:ב׳בערך ת״ו לפנה״ס

    ויתיצבו פנות כל העם כל שבטי ישראל בקהל עם האלהים ארבע מאות אלף איש רגלי שלף חרב׃

  23. שֹׁפְטִים כ׳:ג׳בערך ת״ו לפנה״ס

    וישמעו בני בנימן כי עלו בני ישראל המצפה ויאמרו בני ישראל דברו איכה נהיתה הרעה הזאת׃

  24. שֹׁפְטִים כ׳:ד׳בערך ת״ו לפנה״ס

    ויען האיש הלוי איש האשה הנרצחה ויאמר הגבעתה אשר לבנימן באתי אני ופילגשי ללון׃

  25. שֹׁפְטִים כ׳:ה׳בערך ת״ו לפנה״ס

    ויקמו עלי בעלי הגבעה ויסבו עלי את הבית לילה אותי דמו להרג ואת פילגשי ענו ותמת׃