circa 1380–1050 BC

The Judges & Ruth

Israel cycles through rebellion, oppression, and rescue under charismatic leaders—culminating in Ruth's faithful love story.

703 פסוקים · 2 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. שֹׁפְטִים כ׳:ו׳בערך ת״ו לפנה״ס

    ואחז בפילגשי ואנתחה ואשלחה בכל שדה נחלת ישראל כי עשו זמה ונבלה בישראל׃

  2. שֹׁפְטִים כ׳:ז׳בערך ת״ו לפנה״ס

    הנה כלכם בני ישראל הבו לכם דבר ועצה הלם׃

  3. שֹׁפְטִים כ׳:ח׳בערך ת״ו לפנה״ס

    ויקם כל העם כאיש אחד לאמר לא נלך איש לאהלו ולא נסור איש לביתו׃

  4. שֹׁפְטִים כ׳:ט׳בערך ת״ו לפנה״ס

    ועתה זה הדבר אשר נעשה לגבעה עליה בגורל׃

  5. שֹׁפְטִים כ׳:י׳בערך ת״ו לפנה״ס

    ולקחנו עשרה אנשים למאה לכל שבטי ישראל ומאה לאלף ואלף לרבבה לקחת צדה לעם לעשות לבואם לגבע בנימן ככל הנבלה אשר עשה בישראל׃

  6. שֹׁפְטִים כ׳:י״אבערך ת״ו לפנה״ס

    ויאסף כל איש ישראל אל העיר כאיש אחד חברים׃

  7. שֹׁפְטִים כ׳:י״בבערך ת״ו לפנה״ס

    וישלחו שבטי ישראל אנשים בכל שבטי בנימן לאמר מה הרעה הזאת אשר נהיתה בכם׃

  8. שֹׁפְטִים כ׳:י״גבערך ת״ו לפנה״ס

    ועתה תנו את האנשים בני בליעל אשר בגבעה ונמיתם ונבערה רעה מישראל ולא אבו בנימן לשמע בקול אחיהם בני ישראל׃

  9. שֹׁפְטִים כ׳:י״דבערך ת״ו לפנה״ס

    ויאספו בני בנימן מן הערים הגבעתה לצאת למלחמה עם בני ישראל׃

  10. שֹׁפְטִים כ׳:ט״ובערך ת״ו לפנה״ס

    ויתפקדו בני בנימן ביום ההוא מהערים עשרים וששה אלף איש שלף חרב לבד מישבי הגבעה התפקדו שבע מאות איש בחור׃

  11. שֹׁפְטִים כ׳:ט״זבערך ת״ו לפנה״ס

    מכל העם הזה שבע מאות איש בחור אטר יד ימינו כל זה קלע באבן אל השערה ולא יחטא׃

  12. שֹׁפְטִים כ׳:י״זבערך ת״ו לפנה״ס

    ואיש ישראל התפקדו לבד מבנימן ארבע מאות אלף איש שלף חרב כל זה איש מלחמה׃

  13. שֹׁפְטִים כ׳:י״חבערך ת״ו לפנה״ס

    ויקמו ויעלו בית אל וישאלו באלהים ויאמרו בני ישראל מי יעלה לנו בתחלה למלחמה עם בני בנימן ויאמר יהוה יהודה בתחלה׃

  14. שֹׁפְטִים כ׳:י״טבערך ת״ו לפנה״ס

    ויקומו בני ישראל בבקר ויחנו על הגבעה׃

  15. שֹׁפְטִים כ׳:כ׳בערך ת״ו לפנה״ס

    ויצא איש ישראל למלחמה עם בנימן ויערכו אתם איש ישראל מלחמה אל הגבעה׃

  16. שֹׁפְטִים כ׳:כ״אבערך ת״ו לפנה״ס

    ויצאו בני בנימן מן הגבעה וישחיתו בישראל ביום ההוא שנים ועשרים אלף איש ארצה׃

  17. שֹׁפְטִים כ׳:כ״בבערך ת״ו לפנה״ס

    ויתחזק העם איש ישראל ויספו לערך מלחמה במקום אשר ערכו שם ביום הראשון׃

  18. שֹׁפְטִים כ׳:כ״גבערך ת״ו לפנה״ס

    ויעלו בני ישראל ויבכו לפני יהוה עד הערב וישאלו ביהוה לאמר האוסיף לגשת למלחמה עם בני בנימן אחי ויאמר יהוה עלו אליו׃

  19. שֹׁפְטִים כ׳:כ״דבערך ת״ו לפנה״ס

    ויקרבו בני ישראל אל בני בנימן ביום השני׃

  20. שֹׁפְטִים כ׳:כ״הבערך ת״ו לפנה״ס

    ויצא בנימן לקראתם מן הגבעה ביום השני וישחיתו בבני ישראל עוד שמנת עשר אלף איש ארצה כל אלה שלפי חרב׃

  21. שֹׁפְטִים כ׳:כ״ובערך ת״ו לפנה״ס

    ויעלו כל בני ישראל וכל העם ויבאו בית אל ויבכו וישבו שם לפני יהוה ויצומו ביום ההוא עד הערב ויעלו עלות ושלמים לפני יהוה׃

  22. שֹׁפְטִים כ׳:כ״זבערך ת״ו לפנה״ס

    וישאלו בני ישראל ביהוה ושם ארון ברית האלהים בימים ההם׃

  23. שֹׁפְטִים כ׳:כ״חבערך ת״ו לפנה״ס

    ופינחס בן אלעזר בן אהרן עמד לפניו בימים ההם לאמר האוסף עוד לצאת למלחמה עם בני בנימן אחי אם אחדל ויאמר יהוה עלו כי מחר אתננו בידך׃

  24. שֹׁפְטִים כ׳:כ״טבערך ת״ו לפנה״ס

    וישם ישראל ארבים אל הגבעה סביב׃

  25. שֹׁפְטִים כ׳:ל׳בערך ת״ו לפנה״ס

    ויעלו בני ישראל אל בני בנימן ביום השלישי ויערכו אל הגבעה כפעם בפעם׃