circa 930–586 BC

The Divided Kingdom

The kingdom splits into Israel and Judah; prophets warn of judgment as both nations slowly drift into idolatry and exile.

1,722 פסוקים · 3 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 2 דִּבְרֵי הַיָּמִים י״ח:ג׳בערך תתצ״ז לפנה״ס

    ויאמר אחאב מלך ישראל אל יהושפט מלך יהודה התלך עמי רמת גלעד ויאמר לו כמוני כמוך וכעמך עמי ועמך במלחמה׃

  2. 2 דִּבְרֵי הַיָּמִים י״ח:ד׳בערך תתצ״ז לפנה״ס

    ויאמר יהושפט אל מלך ישראל דרש נא כיום את דבר יהוה׃

  3. 2 דִּבְרֵי הַיָּמִים י״ח:ה׳בערך תתצ״ז לפנה״ס

    ויקבץ מלך ישראל את הנבאים ארבע מאות איש ויאמר אלהם הנלך אל רמת גלעד למלחמה אם אחדל ויאמרו עלה ויתן האלהים ביד המלך׃

  4. 2 דִּבְרֵי הַיָּמִים י״ח:ו׳בערך תתצ״ז לפנה״ס

    ויאמר יהושפט האין פה נביא ליהוה עוד ונדרשה מאתו׃

  5. 2 דִּבְרֵי הַיָּמִים י״ח:ז׳בערך תתצ״ז לפנה״ס

    ויאמר מלך ישראל אל יהושפט עוד איש אחד לדרוש את יהוה מאתו ואני שנאתיהו כי איננו מתנבא עלי לטובה כי כל ימיו לרעה הוא מיכיהו בן ימלא ויאמר יהושפט אל יאמר המלך כן׃

  6. 2 דִּבְרֵי הַיָּמִים י״ח:ח׳בערך תתצ״ז לפנה״ס

    ויקרא מלך ישראל אל סריס אחד ויאמר מהר מיכהו בן ימלא׃

  7. 2 דִּבְרֵי הַיָּמִים י״ח:ט׳בערך תתצ״ז לפנה״ס

    ומלך ישראל ויהושפט מלך יהודה יושבים איש על כסאו מלבשים בגדים וישבים בגרן פתח שער שמרון וכל הנביאים מתנבאים לפניהם׃

  8. 2 דִּבְרֵי הַיָּמִים י״ח:י׳בערך תתצ״ז לפנה״ס

    ויעש לו צדקיהו בן כנענה קרני ברזל ויאמר כה אמר יהוה באלה תנגח את ארם עד כלותם׃

  9. 2 דִּבְרֵי הַיָּמִים י״ח:י״אבערך תתצ״ז לפנה״ס

    וכל הנבאים נבאים כן לאמר עלה רמת גלעד והצלח ונתן יהוה ביד המלך׃

  10. 2 דִּבְרֵי הַיָּמִים י״ח:י״בבערך תתצ״ז לפנה״ס

    והמלאך אשר הלך לקרא למיכיהו דבר אליו לאמר הנה דברי הנבאים פה אחד טוב אל המלך ויהי נא דברך כאחד מהם ודברת טוב׃

  11. 2 דִּבְרֵי הַיָּמִים י״ח:י״גבערך תתצ״ז לפנה״ס

    ויאמר מיכיהו חי יהוה כי את אשר יאמר אלהי אתו אדבר׃

  12. 2 דִּבְרֵי הַיָּמִים י״ח:י״דבערך תתצ״ז לפנה״ס

    ויבא אל המלך ויאמר המלך אליו מיכה הנלך אל רמת גלעד למלחמה אם אחדל ויאמר עלו והצליחו וינתנו בידכם׃

  13. 2 דִּבְרֵי הַיָּמִים י״ח:ט״ובערך תתצ״ז לפנה״ס

    ויאמר אליו המלך עד כמה פעמים אני משביעך אשר לא תדבר אלי רק אמת בשם יהוה׃

  14. 2 דִּבְרֵי הַיָּמִים י״ח:ט״זבערך תתצ״ז לפנה״ס

    ויאמר ראיתי את כל ישראל נפוצים על ההרים כצאן אשר אין להן רעה ויאמר יהוה לא אדנים לאלה ישובו איש לביתו בשלום׃

  15. 2 דִּבְרֵי הַיָּמִים י״ח:י״זבערך תתצ״ז לפנה״ס

    ויאמר מלך ישראל אל יהושפט הלא אמרתי אליך לא יתנבא עלי טוב כי אם לרע׃

  16. 2 דִּבְרֵי הַיָּמִים י״ח:י״חבערך תתצ״ז לפנה״ס

    ויאמר לכן שמעו דבר יהוה ראיתי את יהוה יושב על כסאו וכל צבא השמים עמדים על ימינו ושמאלו׃

  17. 2 דִּבְרֵי הַיָּמִים י״ח:י״טבערך תתצ״ז לפנה״ס

    ויאמר יהוה מי יפתה את אחאב מלך ישראל ויעל ויפל ברמות גלעד ויאמר זה אמר ככה וזה אמר ככה׃

  18. 2 דִּבְרֵי הַיָּמִים י״ח:כ׳בערך תתצ״ז לפנה״ס

    ויצא הרוח ויעמד לפני יהוה ויאמר אני אפתנו ויאמר יהוה אליו במה׃

  19. 2 דִּבְרֵי הַיָּמִים י״ח:כ״אבערך תתצ״ז לפנה״ס

    ויאמר אצא והייתי לרוח שקר בפי כל נביאיו ויאמר תפתה וגם תוכל צא ועשה כן׃

  20. 2 דִּבְרֵי הַיָּמִים י״ח:כ״בבערך תתצ״ז לפנה״ס

    ועתה הנה נתן יהוה רוח שקר בפי נביאיך אלה ויהוה דבר עליך רעה׃

  21. 2 דִּבְרֵי הַיָּמִים י״ח:כ״גבערך תתצ״ז לפנה״ס

    ויגש צדקיהו בן כנענה ויך את מיכיהו על הלחי ויאמר אי זה הדרך עבר רוח יהוה מאתי לדבר אתך׃

  22. 2 דִּבְרֵי הַיָּמִים י״ח:כ״דבערך תתצ״ז לפנה״ס

    ויאמר מיכיהו הנך ראה ביום ההוא אשר תבוא חדר בחדר להחבא׃

  23. 2 דִּבְרֵי הַיָּמִים י״ח:כ״הבערך תתצ״ז לפנה״ס

    ויאמר מלך ישראל קחו את מיכיהו והשיבהו אל אמון שר העיר ואל יואש בן המלך׃

  24. 2 דִּבְרֵי הַיָּמִים י״ח:כ״ובערך תתצ״ז לפנה״ס

    ואמרתם כה אמר המלך שימו זה בית הכלא והאכלהו לחם לחץ ומים לחץ עד שובי בשלום׃

  25. 2 דִּבְרֵי הַיָּמִים י״ח:כ״זבערך תתצ״ז לפנה״ס

    ויאמר מיכיהו אם שוב תשוב בשלום לא דבר יהוה בי ויאמר שמעו עמים כלם׃