circa 930–586 BC

The Divided Kingdom

The kingdom splits into Israel and Judah; prophets warn of judgment as both nations slowly drift into idolatry and exile.

1,722 פסוקים · 3 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 2 דִּבְרֵי הַיָּמִים ט״ו:ה׳

    ובעתים ההם אין שלום ליוצא ולבא כי מהומת רבות על כל יושבי הארצות׃

  2. 2 דִּבְרֵי הַיָּמִים ט״ו:ו׳

    וכתתו גוי בגוי ועיר בעיר כי אלהים הממם בכל צרה׃

  3. 2 דִּבְרֵי הַיָּמִים ט״ו:ז׳

    ואתם חזקו ואל ירפו ידיכם כי יש שכר לפעלתכם׃

  4. 2 דִּבְרֵי הַיָּמִים ט״ו:ח׳

    וכשמע אסא הדברים האלה והנבואה עדד הנביא התחזק ויעבר השקוצים מכל ארץ יהודה ובנימן ומן הערים אשר לכד מהר אפרים ויחדש את מזבח יהוה אשר לפני אולם יהוה׃

  5. 2 דִּבְרֵי הַיָּמִים ט״ו:ט׳

    ויקבץ את כל יהודה ובנימן והגרים עמהם מאפרים ומנשה ומשמעון כי נפלו עליו מישראל לרב בראתם כי יהוה אלהיו עמו׃

  6. 2 דִּבְרֵי הַיָּמִים ט״ו:י׳

    ויקבצו ירושלם בחדש השלישי לשנת חמש עשרה למלכות אסא׃

  7. 2 דִּבְרֵי הַיָּמִים ט״ו:י״א

    ויזבחו ליהוה ביום ההוא מן השלל הביאו בקר שבע מאות וצאן שבעת אלפים׃

  8. 2 דִּבְרֵי הַיָּמִים ט״ו:י״ב

    ויבאו בברית לדרוש את יהוה אלהי אבותיהם בכל לבבם ובכל נפשם׃

  9. 2 דִּבְרֵי הַיָּמִים ט״ו:י״ג

    וכל אשר לא ידרש ליהוה אלהי ישראל יומת למן קטן ועד גדול למאיש ועד אשה׃

  10. 2 דִּבְרֵי הַיָּמִים ט״ו:י״ד

    וישבעו ליהוה בקול גדול ובתרועה ובחצצרות ובשופרות׃

  11. 2 דִּבְרֵי הַיָּמִים ט״ו:ט״ו

    וישמחו כל יהודה על השבועה כי בכל לבבם נשבעו ובכל רצונם בקשהו וימצא להם וינח יהוה להם מסביב׃

  12. 2 דִּבְרֵי הַיָּמִים ט״ו:ט״ז

    וגם מעכה אם אסא המלך הסירה מגבירה אשר עשתה לאשרה מפלצת ויכרת אסא את מפלצתה וידק וישרף בנחל קדרון׃

  13. 2 דִּבְרֵי הַיָּמִים ט״ו:י״ז

    והבמות לא סרו מישראל רק לבב אסא היה שלם כל ימיו׃

  14. 2 דִּבְרֵי הַיָּמִים ט״ו:י״ח

    ויבא את קדשי אביו וקדשיו בית האלהים כסף וזהב וכלים׃

  15. 2 דִּבְרֵי הַיָּמִים ט״ו:י״טבערך תמ״א לפנה״ס

    ומלחמה לא היתה עד שנת שלשים וחמש למלכות אסא׃

  16. 2 דִּבְרֵי הַיָּמִים ט״ז:א׳בערך ת״ל לפנה״ס

    ¶ בשנת שלשים ושש למלכות אסא עלה בעשא מלך ישראל על יהודה ויבן את הרמה לבלתי תת יוצא ובא לאסא מלך יהודה׃

  17. 2 דִּבְרֵי הַיָּמִים ט״ז:ב׳בערך ת״ל לפנה״ס

    ויצא אסא כסף וזהב מאצרות בית יהוה ובית המלך וישלח אל בן הדד מלך ארם היושב בדרמשק לאמר׃

  18. 2 דִּבְרֵי הַיָּמִים ט״ז:ג׳בערך ת״ל לפנה״ס

    ברית ביני ובינך ובין אבי ובין אביך הנה שלחתי לך כסף וזהב לך הפר בריתך את בעשא מלך ישראל ויעלה מעלי׃

  19. 2 דִּבְרֵי הַיָּמִים ט״ז:ד׳בערך ת״ל לפנה״ס

    וישמע בן הדד אל המלך אסא וישלח את שרי החילים אשר לו אל ערי ישראל ויכו את עיון ואת דן ואת אבל מים ואת כל מסכנות ערי נפתלי׃

  20. 2 דִּבְרֵי הַיָּמִים ט״ז:ה׳בערך ת״ל לפנה״ס

    ויהי כשמע בעשא ויחדל מבנות את הרמה וישבת את מלאכתו׃

  21. 2 דִּבְרֵי הַיָּמִים ט״ז:ו׳בערך ת״ל לפנה״ס

    ואסא המלך לקח את כל יהודה וישאו את אבני הרמה ואת עציה אשר בנה בעשא ויבן בהם את גבע ואת המצפה׃

  22. 2 דִּבְרֵי הַיָּמִים ט״ז:ז׳בערך ת״ל לפנה״ס

    ובעת ההיא בא חנני הראה אל אסא מלך יהודה ויאמר אליו בהשענך על מלך ארם ולא נשענת על יהוה אלהיך על כן נמלט חיל מלך ארם מידך׃

  23. 2 דִּבְרֵי הַיָּמִים ט״ז:ח׳בערך ת״ל לפנה״ס

    הלא הכושים והלובים היו לחיל לרב לרכב ולפרשים להרבה מאד ובהשענך על יהוה נתנם בידך׃

  24. 2 דִּבְרֵי הַיָּמִים ט״ז:ט׳בערך ת״ל לפנה״ס

    כי יהוה עיניו משטטות בכל הארץ להתחזק עם לבבם שלם אליו נסכלת על זאת כי מעתה יש עמך מלחמות׃

  25. 2 דִּבְרֵי הַיָּמִים ט״ז:י׳בערך ת״ל לפנה״ס

    ויכעס אסא אל הראה ויתנהו בית המהפכת כי בזעף עמו על זאת וירצץ אסא מן העם בעת ההיא׃