Vargje biblike për Afflictions and Adversities

Sepse Zoti kënaq nevojtarët dhe nuk përçmon robërit e tij.

Ti, që më bëre të provoj shumë fatkeqësira, të rënda, do të më japësh përsëri jetën dhe do të më bësh të ngrihem lart nga humnerat e tokës.

Mishi im dhe zemra ime nuk mund të ligështohen, por Perëndia është kështjella e zemrës sime dhe pjesa ime në përjetësi.

kur zemërimi i Perëndisë shpërtheu kundër tyre, vrau më të fuqishmit prej tyre dhe rrëzoi më të mirët e Izraelit.

Megjithatë ata vazhduan të mëkatojnë dhe nuk u besuan mrekullive të tij.

Atëherë ai harxhoi ditët e tyre në kotësi dhe vitet e tyre në tmerre të papritura.

Kur i vriste, ata e kërkonin dhe ktheheshin të kërkonin Perëndinë me zell.

Ti më ke shtënë në gropën më të thellë, në vënde të errëta, në humnerat.

Mbi mua ka shpërthyer zemërimi yt, dhe ti më ke marrë me vete megjithë valët tua. (Sela)

Mbi mua ka kaluar zemërimi yt i zjarrtë; tmerret e tua më kanë asgjesuar,

Por ti na ke braktisur dhe na ke kthyer; je zemëruar shumë kundër të vajosurin tënd.

Ti ke përçmuar besëlidhjen e lidhur me shërbëtorin tënd dhe ke përdhosur kurorën e tij, duke bërë që të bjerë për tokë.

Ke shembur gjithë mbrojtjet e tij dhe i ke katandisur në gërmadha kalatë e tij.

Tërë kalimtarët e kanë plaçkitur dhe ai është bërë gazi i fqinjëve të tij.

Ke lavdëruar dorën e djathtë të kundërshtarëve të tij dhe ke bërë të gëzohen tërë armiqtë e tu.

Ke prishur tehun e shpatës së tij dhe nuk e ke ndihmuar në betejë.

I ke dhënë fund madhështisë së tij dhe ke hedhur për tokë fronin e tij.

Ke shkurtuar ditët e rinisë së tij dhe e ke mbuluar me turp. (Sela)

Sepse jemi të konsumuar nga zemërimi yt dhe jemi të tmerruar nga tërbimi yt.

Na gëzo në përpjestim me ditët që na ke pikëlluar dhe në kompensim të viteve që kemi vuajtur nga fatkeqësitë.

Lum ai njeri që ti ndreq, o Zot, dhe që ti mëson sipas ligjit tënd,

për t'i dhënë prehje në ditët e fatkeqësisë, deri sa t'i hapet gropa të pabesit.

Në qoftë se Zoti nuk do të më kishte ndihmuar, do të kisha përfunduar shpejt në vendin e heshtjes.

Kur thashë: "Këmba ime ngurron", mirësia jote, o Zot, më ka përkrahur.

Kur një numër i madh shqetësimesh më mbysnin, përdëllimet e tua më jepnin zemër.