פסוקים על Afflictions and Adversities

כי שמע אל אביונים יהוה ואת אסיריו לא בזה׃

אשר הראיתנו צרות רבות ורעות תשוב תחיינו ומתהמות הארץ תשוב תעלני׃

כלה שארי ולבבי צור לבבי וחלקי אלהים לעולם׃

ואף אלהים עלה בהם ויהרג במשמניהם ובחורי ישראל הכריע׃

בכל זאת חטאו עוד ולא האמינו בנפלאותיו׃

ויכל בהבל ימיהם ושנותם בבהלה׃

אם הרגם ודרשוהו ושבו ושחרו אל׃

שתני בבור תחתיות במחשכים במצלות׃

עלי סמכה חמתך וכל משבריך ענית סלה׃

עלי עברו חרוניך בעותיך צמתותני׃

ואתה זנחת ותמאס התעברת עם משיחך׃

נארתה ברית עבדך חללת לארץ נזרו׃

פרצת כל גדרתיו שמת מבצריו מחתה׃

שסהו כל עברי דרך היה חרפה לשכניו׃

הרימות ימין צריו השמחת כל אויביו׃

אף תשיב צור חרבו ולא הקימתו במלחמה׃

השבת מטהרו וכסאו לארץ מגרתה׃

הקצרת ימי עלומיו העטית עליו בושה סלה׃

כי כלינו באפך ובחמתך נבהלנו׃

שמחנו כימות עניתנו שנות ראינו רעה׃

אשרי הגבר אשר תיסרנו יה ומתורתך תלמדנו׃

להשקיט לו מימי רע עד יכרה לרשע שחת׃

לולי יהוה עזרתה לי כמעט שכנה דומה נפשי׃

אם אמרתי מטה רגלי חסדך יהוה יסעדני׃

ברב שרעפי בקרבי תנחומיך ישעשעו נפשי׃