פסוקים על Afflictions and Adversities

מפני זעמך וקצפך כי נשאתני ותשליכני׃

ענה בדרך כחו קצר ימי׃

כרחם אב על בנים רחם יהוה על יראיו׃

כי הוא ידע יצרנו זכור כי עפר אנחנו׃

זרח בחשך אור לישרים חנון ורחום וצדיק׃

זאת נחמתי בעניי כי אמרתך חיתני׃

זכרתי משפטיך מעולם יהוה ואתנחם׃

זמרות היו לי חקיך בבית מגורי׃

לולי תורתך שעשעי אז אבדתי בעניי׃

צר ומצוק מצאוני מצותיך שעשעי׃

ביום קראתי ותענני תרהבני בנפשי עז׃

אם אלך בקרב צרה תחיני על אף איבי תשלח ידך ותושיעני ימינך׃

יהוה יגמר בעדי יהוה חסדך לעולם מעשי ידיך אל תרף׃

ידעת כי יעשה יהוה דין עני משפט אבינים׃

סומך יהוה לכל הנפלים וזוקף לכל הכפופים׃

הרפא לשבורי לב ומחבש לעצבותם׃

מוסר יהוה בני אל תמאס ואל תקץ בתוכחתו׃

כי את אשר יאהב יהוה יוכיח וכאב את בן ירצה׃

בפשע שפתים מוקש רע ויצא מצרה צדיק׃

לעג לרש חרף עשהו שמח לאיד לא ינקה׃

התרפית ביום צרה צר כחכה׃

¶ ושבתי אני ואראה את כל העשקים אשר נעשים תחת השמש והנה דמעת העשקים ואין להם מנחם ומיד עשקיהם כח ואין להם מנחם׃

טוב ללכת אל בית אבל מלכת אל בית משתה באשר הוא סוף כל האדם והחי יתן אל לבו׃

טוב כעס משחק כי ברע פנים ייטב לב׃

וסכה תהיה לצל יומם מחרב ולמחסה ולמסתור מזרם וממטר׃