circa 1900–1700 BC

Jacob, Joseph & Egypt

Jacob wrestles with God and becomes Israel; Joseph is sold into slavery yet rises to save the world from famine.

840 vargje · 1 libër i përfshirë

Vargje nga kjo periudhë

Rendi i Shkrimit Sipas datës
  1. Zanafilla 30:38rreth 1745 p.e.s.

    Pastaj i vendosi purtekat që kishte zhvoshkur që të shikoheshin nga dhentë në koritë, domethënë në vendet ku kopetë vinin për të pirë ujë; dhe kafshët vinin në afsh kur vinin për të pirë.

  2. Zanafilla 30:39rreth 1745 p.e.s.

    Kështu kafshët vinin në afsh përpara purtekave dhe pillnin qengja vija-vija, lara-lara dhe pika pika.

  3. Zanafilla 30:40rreth 1745 p.e.s.

    Pastaj Jakobi i veçonte këta qengja dhe bënte që kopetë t'i kthenin sytë nga kafshët vija-vija dhe nga tërë ato të zeza në kopenë e Labanos. Ai formoi kështu kope të veçanta, që nuk i bashkoi me kopetë e Labanos.

  4. Zanafilla 30:41rreth 1745 p.e.s.

    Por ndodhte që sa herë kafshët e fuqishme të kopesë vinin në afsh, Jakobi i vinte purtekat në koritë para deleve, në mënyrë që këto të hynin në afsh afër purtekave;

  5. Zanafilla 30:42rreth 1745 p.e.s.

    Por kur kafshët e kopesë ishin të dobëta, nuk i vinte ato; kështu që qengjat e dobëta ishin të Labanos dhe ata të shëndoshë të Jakobit.

  6. Zanafilla 30:43rreth 1745 p.e.s.

    Kështu ai u bë shumë i pasur dhe pati një numër të madh kopesh, shërbëtoresh, shërbëtorësh, devesh dhe gomarësh.

  7. Zanafilla 31:1rreth 1739 p.e.s.

    Por Jakobi dëgjoi fjalët e bijve të Labanos që thoshin: "Jakobi mori gjithçka kishte ati ynë; dhe me atë që i përkiste atit tonë, ai krijoi gjithë këtë pasuri".

  8. Zanafilla 31:2rreth 1739 p.e.s.

    Jakobi vuri re edhe fytyrën e Labanos; dhe ja, ndaj tij nuk ishte si më parë.

  9. Zanafilla 31:3rreth 1739 p.e.s.

    Pastaj Zoti i tha Jakobit: "Kthehu në vendin e etërve të tu dhe te fisi yt, dhe unë do të jem me ty".

  10. Zanafilla 31:4rreth 1739 p.e.s.

    Atëherë Jakobi dërgoi e thirri Rakelën dhe Lean, që të vinin në fushat pranë kopesë së tij,

  11. Zanafilla 31:5rreth 1739 p.e.s.

    dhe u tha atyre: "Unë e shoh që fytyra e atit tuaj ndaj meje nuk është si më parë; por Perëndia i atit tim ka qenë me mua.

  12. Zanafilla 31:6rreth 1739 p.e.s.

    Dhe ju e dini se unë i kam shërbyer atit tuaj me tërë forcën time,

  13. Zanafilla 31:7rreth 1739 p.e.s.

    ndërsa ati juaj më ka mashtruar dhe ka ndryshuar pagesën time dhjetë herë, por Perëndia nuk e lejoi të më bëjë të keq.

  14. Zanafilla 31:8rreth 1739 p.e.s.

    Në qoftë se ai thoshte: "Krerët laramane do të jenë pagesa jote", e tërë kopeja pillte qengja laramane; dhe po të thoshte: "Krerët vija-vija do të jenë pagesa jote", tërë kopeja pillte qengja vija-vija.

  15. Zanafilla 31:9rreth 1739 p.e.s.

    Kështu Perëndia ia hoqi bagëtinë atit tuaj dhe ma dha mua.

  16. Zanafilla 31:10rreth 1739 p.e.s.

    Një herë, në kohën kur kopetë hynin në afsh, unë ngrita sytë dhe pashë në ëndërr që cjeptë që ndërzenin femrat ishin vija-vija, me pulla dhe lara-lara.

  17. Zanafilla 31:11rreth 1739 p.e.s.

    Dhe engjëlli i Perëndisë më tha në ëndërr: "Jakob!". Unë iu përgjigja: "Ja ku jam!".

  18. Zanafilla 31:12rreth 1739 p.e.s.

    Atëherë ai tha: "Ço tani sytë dhe shiko: tërë deshtë që ndërzejnë femrat janë vija-vija, me pulla dhe lara-lara, sepse pashë të gjitha ato që të punon Labano.

  19. Zanafilla 31:13rreth 1739 p.e.s.

    Unë jam Perëndia i Bethelit, ku ti ke vajosur një përmendore dhe më lidhe një kusht. Tani çohu, lëre këtë vend dhe kthehu në vendlindjen tënde"".

  20. Zanafilla 31:14rreth 1739 p.e.s.

    Rakela dhe Lea iu përgjigjën dhe i thanë: "Mos kemi ndoshta ne akoma pjesë dhe trashëgimi në shtëpinë e atit tonë?

  21. Zanafilla 31:15rreth 1739 p.e.s.

    A nuk na ke trajtuar si të huaja për arësye se na ka shitur dhe veç kësaj ka ngrënë edhe paratë tona?

  22. Zanafilla 31:16rreth 1739 p.e.s.

    Të gjitha pasuritë që Perëndia i hoqi atit tonë janë tonat dhe të bijve tanë; prandaj bëj të gjitha ato që Perëndia të ka thënë".

  23. Zanafilla 31:17rreth 1739 p.e.s.

    Atëherë Jakobi u ngrit dhe i vuri bijtë e tij dhe gratë e tij mbi devetë,

  24. Zanafilla 31:18rreth 1739 p.e.s.

    dhe mori me vete tërë bagëtinë e tij duke marrë me vete gjithë pasurinë që kishte vënë, bagëtinë që i përkiste dhe atë që e kishte blerë në Padam-Aram, për të vajtur tek Isaku, në vendin e Kanaanëve.

  25. Zanafilla 31:19rreth 1739 p.e.s.

    Ndërsa Labano kishte vajtur të qethte dhentë e tij, Rakela vodhi idhujt e të atit.