circa 1900–1700 BC

Jacob, Joseph & Egypt

Jacob wrestles with God and becomes Israel; Joseph is sold into slavery yet rises to save the world from famine.

840 vargje · 1 libër i përfshirë

Vargje nga kjo periudhë

Rendi i Shkrimit Sipas datës
  1. Zanafilla 30:13rreth 1747 p.e.s.

    Dhe Lea tha: "Sa e lumtur jam! Sepse gratë do të më quajnë të lumtur". Prandaj i vuri emrin Asher.

  2. Zanafilla 30:14rreth 1748 p.e.s.

    Në kohën e korrjes së grurit, Rubeni doli dhe gjeti në fushat mandragora dhe ia çoi nënës së tij, Leas. Atëherë Rakela i tha Leas: "Më jep edhe mua ca mandragora të birit tënd!".

  3. Zanafilla 30:15rreth 1748 p.e.s.

    Ajo iu përgjegj: "Të duket gjë e vogël që më more burrin, dhe tani kërkon të marrësh edhe mandragorat e djalit tim?". Rakela tha: "Mirë, pra, si shpërblim për mandragorat e birit tënd, sonte ai do të bjerë në shtrat me ty".

  4. Zanafilla 30:16rreth 1748 p.e.s.

    Kur në mbrëmje Jakobi u kthye nga arat, Lea doli ta takojë dhe i tha: "Duhet të hysh tek unë, se të kam shtënë në dorë me mandragorat e birit tim". Kështu, atë natë, ai ra në shtrat me të.

  5. Zanafilla 30:17rreth 1747 p.e.s.

    Kështu Perëndia ia plotësoi dëshirën Leas, e cila u ngjiz dhe i lindi Jakobit birin e pestë.

  6. Zanafilla 30:18rreth 1747 p.e.s.

    Dhe ajo tha: "Perëndia më dha shpërblimin që më takonte, sepse i dhashë shërbyesen time burrit tim". Dhe e quajti Isakar.

  7. Zanafilla 30:19rreth 1747 p.e.s.

    Pastaj Lea u ngjiz përsëri dhe i dha Jakobit një bir të gjashtë.

  8. Zanafilla 30:20rreth 1746 p.e.s.

    Atëherë Lea tha: "Perëndia më ka dhënë një dhunti të mirë; këtë radhë burri im do të banojë me mua, sepse i kam lindur gjashtë bij". Dhe i vuri emrin Zabulon.

  9. Zanafilla 30:21rreth 1745 p.e.s.

    Pastaj lindi një bijë dhe e quajti Dina.

  10. Zanafilla 30:22rreth 1745 p.e.s.

    Perëndia u kujtua edhe për Rakelën; dhe Perëndia ia plotësoi dëshirën dhe e bëri të frytshme;

  11. Zanafilla 30:23rreth 1745 p.e.s.

    kështu ajo u ngjiz dhe lindi një djalë, dhe tha: "Perëndia e hoqi turpin tim".

  12. Zanafilla 30:24rreth 1745 p.e.s.

    Dhe e quajti Jozef, duke thënë: "Zoti më shtoftë një bir tjetër".

  13. Zanafilla 30:25rreth 1745 p.e.s.

    Mbas lindjes së Jozefit nga Rakela, Jakobi i tha Labanos: "Më lejo të iki, që të shkoj në shtëpinë time, në vendin tim.

  14. Zanafilla 30:26rreth 1745 p.e.s.

    Më jep gratë e mia dhe bijtë e mi, për të cilët të kam shërbyer dhe lermë të iki, mbasi ti e njeh mirë shërbimin që të kam bërë".

  15. Zanafilla 30:27rreth 1745 p.e.s.

    Por Labano i tha: "Në rast se kam gjetur hir në sytë e tu, qëndro, sepse kam prekur me dorë që Zoti më ka bekuar për shkakun tënd".

  16. Zanafilla 30:28rreth 1745 p.e.s.

    Pastaj tha: "Ma cakto pagesën tënde dhe unë do të ta jap".

  17. Zanafilla 30:29rreth 1745 p.e.s.

    Jakobi iu përgjegj: "Ti e di si të kam shërbyer, dhe çfarë i ka ndodhur bagëtisë sate në duart e mia.

  18. Zanafilla 30:30rreth 1745 p.e.s.

    Sepse ajo që ti kishe para se të vija unë ishte pak, por tani është rritur shumë; dhe Zoti të ka bekuar kudo që kam qënë unë. Por tani kur do të punoj edhe për shtëpinë time?".

  19. Zanafilla 30:31rreth 1745 p.e.s.

    Labano tha: "Sa duhet të të jap?". Jakobi iu përgjigj: "Nuk duhet të më japësh asgjë; në qoftë se ti do të bësh atë që po të them, do të mbetem këtu për të kullotur kopetë e tua dhe për t'u kujdesur për to.

  20. Zanafilla 30:32rreth 1745 p.e.s.

    Do të kaloj ditën e sotme në mes tërë kopeve të tua dhe do të veçoj të gjitha kafshët laramane dhe pikalarme, të gjithë qingjat e zinj dhe të gjitha dhitë lara-lara ose pika-pika. Dhe këto kafshë do të jenë pagesa ime.

  21. Zanafilla 30:33rreth 1745 p.e.s.

    Kështu tani e tutje ndershmëria ime do të përgjigjet para teje për personin tim, kur do të vish të kontrollosh pagesën time; çdo bagëti që nuk është laramane a me pika midis dhive dhe çdo qengj jo i zi do të konsiderohet i vjedhur po të gjindet pranë meje".

  22. Zanafilla 30:34rreth 1745 p.e.s.

    Labano tha: "Mirë, le të bëhet ashtu si thua ti!".

  23. Zanafilla 30:35rreth 1745 p.e.s.

    dhe po atë ditë veçoi cjeptë vija-vija dhe me pika dhe të gjitha dhitë laramane dhe pika pika, çdo bagëti që kishte një njollë të bardhë apo çdo dele e zezë midis dhenve, dhe ua la bijve të vet.

  24. Zanafilla 30:36rreth 1745 p.e.s.

    Dhe Labano vendosi një distancë prej tri ditësh me këmbë midis vetes së tij dhe Jakobit; dhe Jakobi kulloste pjesën që mbeti nga kopetë e Labanos.

  25. Zanafilla 30:37rreth 1745 p.e.s.

    Dhe Jakobi mori disa purteka të njoma plepi, bajameje dhe rrapi; u bëri disa zhvoshkje, duke zbuluar të bardhën e purtekave.