circa 1900–1700 BC

Jacob, Joseph & Egypt

Jacob wrestles with God and becomes Israel; Joseph is sold into slavery yet rises to save the world from famine.

840 vargje · 1 libër i përfshirë

Vargje nga kjo periudhë

Rendi i Shkrimit Sipas datës
  1. Zanafilla 29:23rreth 1753 p.e.s.

    Por, kur ra mbrëmja, ai mori bijën e tij Lea dhe e çoi te Jakobi, që hyri te ajo.

  2. Zanafilla 29:24rreth 1753 p.e.s.

    Përveç kësaj Labano i dha shërbyesen e tij Zilpah si shërbyese të Leas, bijës së tij.

  3. Zanafilla 29:25rreth 1753 p.e.s.

    Të nesërmen në mëngjes, ai pa se ishte Lea. Atëherë Jakobi i tha Labanos: "Çfarë më bëre? A nuk të kam shërbyer për Rakelën? Pse më mashtrove?".

  4. Zanafilla 29:26rreth 1753 p.e.s.

    Labano u përgjegj: "Nuk është zakon të veprohet kështu në vendin tonë, nuk mund të japësh më të voglën para më të madhes.

  5. Zanafilla 29:27rreth 1753 p.e.s.

    Mbaro javën e kësaj dhe do të japim edhe tjetrën, për shërbimin që do të më bësh për shtatë vjet të tjera".

  6. Zanafilla 29:28rreth 1753 p.e.s.

    Atëherë Jakobi bëri si i thanë dhe mbaroi javën e Leas; pastaj Labano i dha për grua bijën e tij Rakela.

  7. Zanafilla 29:29rreth 1753 p.e.s.

    Përveç kësaj Labano i dha shërbyesen e tij Bilhah si shërbyese Rakelës, bijës së tij.

  8. Zanafilla 29:30rreth 1753 p.e.s.

    Dhe Jakobi hyri gjithashtu te Rakela dhe e dashuroi atë më tepër se Lean; dhe shërbeu shtatë vjet të tjera te Labano.

  9. Zanafilla 29:31rreth 1753 p.e.s.

    Zoti, duke parë që për Lean nuk kishte dashuri, ia çeli barkun asaj, ndërsa Rakela ishte shterpë.

  10. Zanafilla 29:32rreth 1752 p.e.s.

    Kështu Lea u ngjiz dhe lindi një djalë që e quajti Ruben, sepse tha: "Zoti e pa trishtimin tim; prandaj tani burri im do të më dojë".

  11. Zanafilla 29:33rreth 1751 p.e.s.

    Pastaj u ngjiz përsëri dhe lindi një djalë dhe ajo tha: "Zoti e pa se nuk kisha dashuri, prandaj më dha edhe këtë bir". Dhe e quajti Simeon.

  12. Zanafilla 29:34rreth 1750 p.e.s.

    Ajo u ngjiz përsëri dhe lindi një djalë, dhe tha: "Kësaj radhe burri im do të më dojë, sepse i kam lindur tre bij". Prandaj u quajt Levi.

  13. Zanafilla 29:35rreth 1749 p.e.s.

    Ajo u ngjiz përsëri dhe lindi djalë dhe tha: "Këtë radhë do të kremtoj Zotin". Prandaj e quajti Juda. Pastaj nuk pati më fëmijë.

  14. Zanafilla 30:1

    Kur Rakela pa që nuk po i bënte fëmijë Jakobit, u bë ziliqare e motrës së saj dhe i tha Jakobit: "Më bëj me fëmijë përndryshe unë po vdes".

  15. Zanafilla 30:2

    Jakobi u mbush tërë inat kundër Rakelës dhe i tha: "Se mos jam unë në vend të Perëndisë që nuk të lejon të kesh fëmijë?".

  16. Zanafilla 30:3

    Ajo u përgjegj: "Ja shërbyesja ime Bilhah; hyr tek ajo, që ajo të lindë mbi gjunjët e mi; kështu nëpërmjet saj do të mund të bëhem me fëmijë".

  17. Zanafilla 30:4

    Kështu ajo i dha për grua shërbyesen e vetë Bilhah dhe Jakobi hyri tek ajo.

  18. Zanafilla 30:5

    Dhe Bilhah u ngjiz dhe i dha një bir Jakobit.

  19. Zanafilla 30:6rreth 1748 p.e.s.

    Atëherë Rakela tha: "Perëndia më dha të drejtë; ai dëgjoi gjithashtu zërin tim dhe më dha një bir". Prandaj i vuri emrin Dan.

  20. Zanafilla 30:7rreth 1747 p.e.s.

    Pastaj Bilhah, shërbyesja e Rakelës, u ngjiz përsëri dhe i lindi një bir të dytë Jakobit.

  21. Zanafilla 30:8rreth 1747 p.e.s.

    Atëherë Rakela tha: "Kam luftuar shumë me motrën time dhe kam dalë fitimtare". Prandaj e quajti djalin Neftali.

  22. Zanafilla 30:9rreth 1748 p.e.s.

    Por Lea, duke parë që nuk po bënte më fëmijë, mori shërbyesen e saj Zilpah dhe ia dha për grua Jakobit

  23. Zanafilla 30:10rreth 1748 p.e.s.

    Kështu Zilpah, shërbyesja e Leas, i lindi një bir Jakobit.

  24. Zanafilla 30:11rreth 1748 p.e.s.

    dhe Lea tha: "Ç'fat!". Dhe i vuri emrin Gad.

  25. Zanafilla 30:12rreth 1748 p.e.s.

    Pastaj Zilpah, shërbëtore e Leas, i lindi Jakobit një bir të dytë.