פסוקים על Young Men

347 פסוקים · 1 היבט

פסוקי מפתח

סינון לפי ספר
  1. מִשְׁלֵי כ״ד:כ״ו

    שפתים ישק משיב דברים נכחים׃

  2. מִשְׁלֵי כ״ד:כ״ז

    הכן בחוץ מלאכתך ועתדה בשדה לך אחר ובנית ביתך׃

  3. מִשְׁלֵי כ״ד:כ״ח

    אל תהי עד חנם ברעך והפתית בשפתיך׃

  4. מִשְׁלֵי כ״ד:כ״ט

    אל תאמר כאשר עשה לי כן אעשה לו אשיב לאיש כפעלו׃

  5. מִשְׁלֵי כ״ד:ל׳

    על שדה איש עצל עברתי ועל כרם אדם חסר לב׃

  6. מִשְׁלֵי כ״ד:ל״א

    והנה עלה כלו קמשנים כסו פניו חרלים וגדר אבניו נהרסה׃

  7. מִשְׁלֵי כ״ד:ל״ב

    ואחזה אנכי אשית לבי ראיתי לקחתי מוסר׃

  8. מִשְׁלֵי כ״ד:ל״ג

    מעט שנות מעט תנומות מעט חבק ידים לשכב׃

  9. מִשְׁלֵי כ״ד:ל״ד

    ובא מתהלך רישך ומחסריך כאיש מגן׃

  10. מִשְׁלֵי כ״ז:י״א

    חכם בני ושמח לבי ואשיבה חרפי דבר׃

  11. מִשְׁלֵי כ״ח:ז׳

    נוצר תורה בן מבין ורעה זוללים יכלים אביו׃

  12. מִשְׁלֵי כ״ט:ג׳

    איש אהב חכמה ישמח אביו ורעה זונות יאבד הון׃

  13. מִשְׁלֵי ל״א:א׳

    ¶ דברי למואל מלך משא אשר יסרתו אמו׃

  14. מִשְׁלֵי ל״א:ב׳

    מה ברי ומה בר בטני ומה בר נדרי׃

  15. מִשְׁלֵי ל״א:ג׳

    אל תתן לנשים חילך ודרכיך למחות מלכין׃

  16. יִרְמְיָהוּ כ״ב:י״ח

    לכן כה אמר יהוה אל יהויקים בן יאשיהו מלך יהודה לא יספדו לו הוי אחי והוי אחות לא יספדו לו הוי אדון והוי הדה׃

  17. יִרְמְיָהוּ כ״ב:י״ט

    קבורת חמור יקבר סחוב והשלך מהלאה לשערי ירושלם׃

  18. יִרְמְיָהוּ כ״ב:כ׳

    עלי הלבנון וצעקי ובבשן תני קולך וצעקי מעברים כי נשברו כל מאהביך׃

  19. יִרְמְיָהוּ כ״ב:כ״א

    דברתי אליך בשלותיך אמרת לא אשמע זה דרכך מנעוריך כי לא שמעת בקולי׃

  20. מתיו י״ט:ט״ז

    והנה איש נגש אליו ויאמר רבי הטוב אי זה הטוב אשר אעשנו לקנות חיי עולמים׃

  21. מתיו י״ט:י״ז

    ויאמר אליו מה תקראני טוב אין טוב כי אם אחד האלהים ואם חפצך לבוא אל החיים שמר את המצות׃

  22. מתיו י״ט:י״ח

    ויאמר אליו מה הנה ויאמר ישוע אלה הן לא תרצח לא תנאף לא תגנב לא תענה עד שקר׃

  23. מתיו י״ט:י״ט

    כבד את אביך ואת אמך ואהבת לרעך כמוך׃

  24. מתיו י״ט:כ׳

    ויאמר אליו הבחור את כל אלה שמרתי מנעורי ומה חסרתי עוד׃

  25. מתיו י״ט:כ״א

    ויאמר ישוע אליו אם חפצך להיות שלם לך מכר את רכשך ותן לעניים והיה לך אוצר בשמים ושוב הלם ולך אחרי׃