פסוקים על Young Men

347 פסוקים · 1 היבט

פסוקי מפתח

סינון לפי ספר
  1. מִשְׁלֵי כ״ד:א׳

    ¶ אל תקנא באנשי רעה ואל תתאו להיות אתם׃

  2. מִשְׁלֵי כ״ד:ב׳

    כי שד יהגה לבם ועמל שפתיהם תדברנה׃

  3. מִשְׁלֵי כ״ד:ג׳

    בחכמה יבנה בית ובתבונה יתכונן׃

  4. מִשְׁלֵי כ״ד:ד׳

    ובדעת חדרים ימלאו כל הון יקר ונעים׃

  5. מִשְׁלֵי כ״ד:ה׳

    גבר חכם בעוז ואיש דעת מאמץ כח׃

  6. מִשְׁלֵי כ״ד:ו׳

    כי בתחבלות תעשה לך מלחמה ותשועה ברב יועץ׃

  7. מִשְׁלֵי כ״ד:ז׳

    ראמות לאויל חכמות בשער לא יפתח פיהו׃

  8. מִשְׁלֵי כ״ד:ח׳

    מחשב להרע לו בעל מזמות יקראו׃

  9. מִשְׁלֵי כ״ד:ט׳

    זמת אולת חטאת ותועבת לאדם לץ׃

  10. מִשְׁלֵי כ״ד:י׳

    התרפית ביום צרה צר כחכה׃

  11. מִשְׁלֵי כ״ד:י״א

    הצל לקחים למות ומטים להרג אם תחשוך׃

  12. מִשְׁלֵי כ״ד:י״ב

    כי תאמר הן לא ידענו זה הלא תכן לבות הוא יבין ונצר נפשך הוא ידע והשיב לאדם כפעלו׃

  13. מִשְׁלֵי כ״ד:י״ג

    אכל בני דבש כי טוב ונפת מתוק על חכך׃

  14. מִשְׁלֵי כ״ד:י״ד

    כן דעה חכמה לנפשך אם מצאת ויש אחרית ותקותך לא תכרת׃

  15. מִשְׁלֵי כ״ד:ט״ו

    אל תארב רשע לנוה צדיק אל תשדד רבצו׃

  16. מִשְׁלֵי כ״ד:ט״ז

    כי שבע יפול צדיק וקם ורשעים יכשלו ברעה׃

  17. מִשְׁלֵי כ״ד:י״ז

    בנפל אויביך אל תשמח ובכשלו אל יגל לבך׃

  18. מִשְׁלֵי כ״ד:י״ח

    פן יראה יהוה ורע בעיניו והשיב מעליו אפו׃

  19. מִשְׁלֵי כ״ד:י״ט

    אל תתחר במרעים אל תקנא ברשעים׃

  20. מִשְׁלֵי כ״ד:כ׳

    כי לא תהיה אחרית לרע נר רשעים ידעך׃

  21. מִשְׁלֵי כ״ד:כ״א

    ירא את יהוה בני ומלך עם שונים אל תתערב׃

  22. מִשְׁלֵי כ״ד:כ״ב

    כי פתאם יקום אידם ופיד שניהם מי יודע׃

  23. מִשְׁלֵי כ״ד:כ״ג

    גם אלה לחכמים הכר פנים במשפט בל טוב׃

  24. מִשְׁלֵי כ״ד:כ״ד

    אמר לרשע צדיק אתה יקבהו עמים יזעמוהו לאמים׃

  25. מִשְׁלֵי כ״ד:כ״ה

    ולמוכיחים ינעם ועליהם תבוא ברכת טוב׃