פסוקים על Young Men

347 פסוקים · 1 היבט

פסוקי מפתח

סינון לפי ספר
  1. מִשְׁלֵי י״ט:י״ג

    הות לאביו בן כסיל ודלף טרד מדיני אשה׃

  2. מִשְׁלֵי י״ט:כ״ו

    משדד אב יבריח אם בן מביש ומחפיר׃

  3. מִשְׁלֵי י״ט:כ״ז

    חדל בני לשמע מוסר לשגות מאמרי דעת׃

  4. מִשְׁלֵי כ׳:כ״ט

    תפארת בחורים כחם והדר זקנים שיבה׃

  5. מִשְׁלֵי כ״ג:ט״ו

    בני אם חכם לבך ישמח לבי גם אני׃

  6. מִשְׁלֵי כ״ג:ט״ז

    ותעלזנה כליותי בדבר שפתיך מישרים׃

  7. מִשְׁלֵי כ״ג:י״ז

    אל יקנא לבך בחטאים כי אם ביראת יהוה כל היום׃

  8. מִשְׁלֵי כ״ג:י״ח

    כי אם יש אחרית ותקותך לא תכרת׃

  9. מִשְׁלֵי כ״ג:י״ט

    שמע אתה בני וחכם ואשר בדרך לבך׃

  10. מִשְׁלֵי כ״ג:כ׳

    אל תהי בסבאי יין בזללי בשר למו׃

  11. מִשְׁלֵי כ״ג:כ״א

    כי סבא וזולל יורש וקרעים תלביש נומה׃

  12. מִשְׁלֵי כ״ג:כ״ב

    שמע לאביך זה ילדך ואל תבוז כי זקנה אמך׃

  13. מִשְׁלֵי כ״ג:כ״ג

    אמת קנה ואל תמכר חכמה ומוסר ובינה׃

  14. מִשְׁלֵי כ״ג:כ״ד

    גול יגול אבי צדיק יולד חכם וישמח בו׃

  15. מִשְׁלֵי כ״ג:כ״ה

    ישמח אביך ואמך ותגל יולדתך׃

  16. מִשְׁלֵי כ״ג:כ״ו

    תנה בני לבך לי ועיניך דרכי תרצנה׃

  17. מִשְׁלֵי כ״ג:כ״ז

    כי שוחה עמקה זונה ובאר צרה נכריה׃

  18. מִשְׁלֵי כ״ג:כ״ח

    אף היא כחתף תארב ובוגדים באדם תוסף׃

  19. מִשְׁלֵי כ״ג:כ״ט

    למי אוי למי אבוי למי מדונים למי שיח למי פצעים חנם למי חכללות עינים׃

  20. מִשְׁלֵי כ״ג:ל׳

    למאחרים על היין לבאים לחקר ממסך׃

  21. מִשְׁלֵי כ״ג:ל״א

    אל תרא יין כי יתאדם כי יתן בכיס עינו יתהלך במישרים׃

  22. מִשְׁלֵי כ״ג:ל״ב

    אחריתו כנחש ישך וכצפעני יפרש׃

  23. מִשְׁלֵי כ״ג:ל״ג

    עיניך יראו זרות ולבך ידבר תהפכות׃

  24. מִשְׁלֵי כ״ג:ל״ד

    והיית כשכב בלב ים וכשכב בראש חבל׃

  25. מִשְׁלֵי כ״ג:ל״ה

    הכוני בל חליתי הלמוני בל ידעתי מתי אקיץ אוסיף אבקשנו עוד׃