פסוקים על Young Men

347 פסוקים · 1 היבט

פסוקי מפתח

סינון לפי ספר
  1. מִשְׁלֵי ו׳:י״ט

    יפיח כזבים עד שקר ומשלח מדנים בין אחים׃

  2. מִשְׁלֵי ו׳:כ׳

    נצר בני מצות אביך ואל תטש תורת אמך׃

  3. מִשְׁלֵי ו׳:כ״א

    קשרם על לבך תמיד ענדם על גרגרתך׃

  4. מִשְׁלֵי ו׳:כ״ב

    בהתהלכך תנחה אתך בשכבך תשמר עליך והקיצות היא תשיחך׃

  5. מִשְׁלֵי ו׳:כ״ג

    כי נר מצוה ותורה אור ודרך חיים תוכחות מוסר׃

  6. מִשְׁלֵי ו׳:כ״ד

    לשמרך מאשת רע מחלקת לשון נכריה׃

  7. מִשְׁלֵי ו׳:כ״ה

    אל תחמד יפיה בלבבך ואל תקחך בעפעפיה׃

  8. מִשְׁלֵי ו׳:כ״ו

    כי בעד אשה זונה עד ככר לחם ואשת איש נפש יקרה תצוד׃

  9. מִשְׁלֵי ו׳:כ״ז

    היחתה איש אש בחיקו ובגדיו לא תשרפנה׃

  10. מִשְׁלֵי ו׳:כ״ח

    אם יהלך איש על הגחלים ורגליו לא תכוינה׃

  11. מִשְׁלֵי ו׳:כ״ט

    כן הבא אל אשת רעהו לא ינקה כל הנגע בה׃

  12. מִשְׁלֵי ו׳:ל׳

    לא יבוזו לגנב כי יגנוב למלא נפשו כי ירעב׃

  13. מִשְׁלֵי ו׳:ל״א

    ונמצא ישלם שבעתים את כל הון ביתו יתן׃

  14. מִשְׁלֵי ו׳:ל״ב

    נאף אשה חסר לב משחית נפשו הוא יעשנה׃

  15. מִשְׁלֵי ו׳:ל״ג

    נגע וקלון ימצא וחרפתו לא תמחה׃

  16. מִשְׁלֵי ו׳:ל״ד

    כי קנאה חמת גבר ולא יחמול ביום נקם׃

  17. מִשְׁלֵי ו׳:ל״ה

    לא ישא פני כל כפר ולא יאבה כי תרבה שחד׃

  18. מִשְׁלֵי ז׳:א׳

    ¶ בני שמר אמרי ומצותי תצפן אתך׃

  19. מִשְׁלֵי ז׳:ב׳

    שמר מצותי וחיה ותורתי כאישון עיניך׃

  20. מִשְׁלֵי ז׳:ג׳

    קשרם על אצבעתיך כתבם על לוח לבך׃

  21. מִשְׁלֵי ז׳:ד׳

    אמר לחכמה אחתי את ומדע לבינה תקרא׃

  22. מִשְׁלֵי ז׳:ה׳

    לשמרך מאשה זרה מנכריה אמריה החליקה׃

  23. מִשְׁלֵי ז׳:ו׳

    כי בחלון ביתי בעד אשנבי נשקפתי׃

  24. מִשְׁלֵי ז׳:ז׳

    וארא בפתאים אבינה בבנים נער חסר לב׃

  25. מִשְׁלֵי ז׳:ח׳

    עבר בשוק אצל פנה ודרך ביתה יצעד׃