פסוקים על Young Men

347 פסוקים · 1 היבט

פסוקי מפתח

סינון לפי ספר
  1. מִשְׁלֵי ה׳:י״ז

    יהיו לך לבדך ואין לזרים אתך׃

  2. מִשְׁלֵי ה׳:י״ח

    יהי מקורך ברוך ושמח מאשת נעורך׃

  3. מִשְׁלֵי ה׳:י״ט

    אילת אהבים ויעלת חן דדיה ירוך בכל עת באהבתה תשגה תמיד׃

  4. מִשְׁלֵי ה׳:כ׳

    ולמה תשגה בני בזרה ותחבק חק נכריה׃

  5. מִשְׁלֵי ה׳:כ״א

    כי נכח עיני יהוה דרכי איש וכל מעגלתיו מפלס׃

  6. מִשְׁלֵי ה׳:כ״ב

    עוונותיו ילכדנו את הרשע ובחבלי חטאתו יתמך׃

  7. מִשְׁלֵי ה׳:כ״ג

    הוא ימות באין מוסר וברב אולתו ישגה׃

  8. מִשְׁלֵי ו׳:א׳

    ¶ בני אם ערבת לרעך תקעת לזר כפיך׃

  9. מִשְׁלֵי ו׳:ב׳

    נוקשת באמרי פיך נלכדת באמרי פיך׃

  10. מִשְׁלֵי ו׳:ג׳

    עשה זאת אפוא בני והנצל כי באת בכף רעך לך התרפס ורהב רעיך׃

  11. מִשְׁלֵי ו׳:ד׳

    אל תתן שנה לעיניך ותנומה לעפעפיך׃

  12. מִשְׁלֵי ו׳:ה׳

    הנצל כצבי מיד וכצפור מיד יקוש׃

  13. מִשְׁלֵי ו׳:ו׳

    לך אל נמלה עצל ראה דרכיה וחכם׃

  14. מִשְׁלֵי ו׳:ז׳

    אשר אין לה קצין שטר ומשל׃

  15. מִשְׁלֵי ו׳:ח׳

    תכין בקיץ לחמה אגרה בקציר מאכלה׃

  16. מִשְׁלֵי ו׳:ט׳

    עד מתי עצל תשכב מתי תקום משנתך׃

  17. מִשְׁלֵי ו׳:י׳

    מעט שנות מעט תנומות מעט חבק ידים לשכב׃

  18. מִשְׁלֵי ו׳:י״א

    ובא כמהלך ראשך ומחסרך כאיש מגן׃

  19. מִשְׁלֵי ו׳:י״ב

    אדם בליעל איש און הולך עקשות פה׃

  20. מִשְׁלֵי ו׳:י״ג

    קרץ בעינו מלל ברגלו מרה באצבעתיו׃

  21. מִשְׁלֵי ו׳:י״ד

    תהפכות בלבו חרש רע בכל עת מדנים ישלח׃

  22. מִשְׁלֵי ו׳:ט״ו

    על כן פתאם יבוא אידו פתע ישבר ואין מרפא׃

  23. מִשְׁלֵי ו׳:ט״ז

    שש הנה שנא יהוה ושבע תועבות נפשו׃

  24. מִשְׁלֵי ו׳:י״ז

    עינים רמות לשון שקר וידים שפכות דם נקי׃

  25. מִשְׁלֵי ו׳:י״ח

    לב חרש מחשבות און רגלים ממהרות לרוץ לרעה׃