פסוקים על Young Men

347 פסוקים · 1 היבט

פסוקי מפתח

סינון לפי ספר
  1. מִשְׁלֵי ז׳:ט׳

    בנשף בערב יום באישון לילה ואפלה׃

  2. מִשְׁלֵי ז׳:י׳

    והנה אשה לקראתו שית זונה ונצרת לב׃

  3. מִשְׁלֵי ז׳:י״א

    המיה היא וסררת בביתה לא ישכנו רגליה׃

  4. מִשְׁלֵי ז׳:י״ב

    פעם בחוץ פעם ברחבות ואצל כל פנה תארב׃

  5. מִשְׁלֵי ז׳:י״ג

    והחזיקה בו ונשקה לו העזה פניה ותאמר לו׃

  6. מִשְׁלֵי ז׳:י״ד

    זבחי שלמים עלי היום שלמתי נדרי׃

  7. מִשְׁלֵי ז׳:ט״ו

    על כן יצאתי לקראתך לשחר פניך ואמצאך׃

  8. מִשְׁלֵי ז׳:ט״ז

    מרבדים רבדתי ערשי חטבות אטון מצרים׃

  9. מִשְׁלֵי ז׳:י״ז

    נפתי משכבי מר אהלים וקנמון׃

  10. מִשְׁלֵי ז׳:י״ח

    לכה נרוה דדים עד הבקר נתעלסה באהבים׃

  11. מִשְׁלֵי ז׳:י״ט

    כי אין האיש בביתו הלך בדרך מרחוק׃

  12. מִשְׁלֵי ז׳:כ׳

    צרור הכסף לקח בידו ליום הכסא יבא ביתו׃

  13. מִשְׁלֵי ז׳:כ״א

    הטתו ברב לקחה בחלק שפתיה תדיחנו׃

  14. מִשְׁלֵי ז׳:כ״ב

    הולך אחריה פתאם כשור אל טבח יבוא וכעכס אל מוסר אויל׃

  15. מִשְׁלֵי ז׳:כ״ג

    עד יפלח חץ כבדו כמהר צפור אל פח ולא ידע כי בנפשו הוא׃

  16. מִשְׁלֵי ז׳:כ״ד

    ועתה בנים שמעו לי והקשיבו לאמרי פי׃

  17. מִשְׁלֵי ז׳:כ״ה

    אל ישט אל דרכיה לבך אל תתע בנתיבותיה׃

  18. מִשְׁלֵי ז׳:כ״ו

    כי רבים חללים הפילה ועצמים כל הרגיה׃

  19. מִשְׁלֵי ז׳:כ״ז

    דרכי שאול ביתה ירדות אל חדרי מות׃

  20. מִשְׁלֵי י׳:א׳

    ¶ משלי שלמה בן חכם ישמח אב ובן כסיל תוגת אמו׃

  21. מִשְׁלֵי י״ג:א׳

    ¶ בן חכם מוסר אב ולץ לא שמע גערה׃

  22. מִשְׁלֵי ט״ו:ה׳

    אויל ינאץ מוסר אביו ושמר תוכחת יערם׃

  23. מִשְׁלֵי ט״ו:כ׳

    בן חכם ישמח אב וכסיל אדם בוזה אמו׃

  24. מִשְׁלֵי י״ז:ב׳

    עבד משכיל ימשל בבן מביש ובתוך אחים יחלק נחלה׃

  25. מִשְׁלֵי י״ז:כ״ה

    כעס לאביו בן כסיל וממר ליולדתו׃