פסוקים על Young Men

347 פסוקים · 1 היבט

פסוקי מפתח

סינון לפי ספר
  1. שְׁמֹות כ״ד:ג׳

    ויבא משה ויספר לעם את כל דברי יהוה ואת כל המשפטים ויען כל העם קול אחד ויאמרו כל הדברים אשר דבר יהוה נעשה׃

  2. שְׁמֹות כ״ד:ד׳

    ויכתב משה את כל דברי יהוה וישכם בבקר ויבן מזבח תחת ההר ושתים עשרה מצבה לשנים עשר שבטי ישראל׃

  3. שְׁמֹות כ״ד:ה׳

    וישלח את נערי בני ישראל ויעלו עלת ויזבחו זבחים שלמים ליהוה פרים׃

  4. 1 מְלָכִים י״ב:ו׳

    ויועץ המלך רחבעם את הזקנים אשר היו עמדים את פני שלמה אביו בהיתו חי לאמר איך אתם נועצים להשיב את העם הזה דבר׃

  5. 1 מְלָכִים י״ב:ז׳

    וידבר אליו לאמר אם היום תהיה עבד לעם הזה ועבדתם ועניתם ודברת אליהם דברים טובים והיו לך עבדים כל הימים׃

  6. 1 מְלָכִים י״ב:ח׳

    ויעזב את עצת הזקנים אשר יעצהו ויועץ את הילדים אשר גדלו אתו אשר העמדים לפניו׃

  7. 1 מְלָכִים י״ב:ט׳

    ויאמר אליהם מה אתם נועצים ונשיב דבר את העם הזה אשר דברו אלי לאמר הקל מן העל אשר נתן אביך עלינו׃

  8. 1 מְלָכִים י״ב:י׳

    וידברו אליו הילדים אשר גדלו אתו לאמר כה תאמר לעם הזה אשר דברו אליך לאמר אביך הכביד את עלנו ואתה הקל מעלינו כה תדבר אליהם קטני עבה ממתני אבי׃

  9. 1 מְלָכִים י״ב:י״א

    ועתה אבי העמיס עליכם על כבד ואני אוסיף על עלכם אבי יסר אתכם בשוטים ואני איסר אתכם בעקרבים׃

  10. 1 מְלָכִים י״ב:י״ב

    ויבו ירבעם וכל העם אל רחבעם ביום השלישי כאשר דבר המלך לאמר שובו אלי ביום השלישי׃

  11. 1 מְלָכִים י״ב:י״ג

    ויען המלך את העם קשה ויעזב את עצת הזקנים אשר יעצהו׃

  12. 1 מְלָכִים י״ב:י״ד

    וידבר אליהם כעצת הילדים לאמר אבי הכביד את עלכם ואני אסיף על עלכם אבי יסר אתכם בשוטים ואני איסר אתכם בעקרבים׃

  13. 1 מְלָכִים י״ב:ט״ו

    ולא שמע המלך אל העם כי היתה סבה מעם יהוה למען הקים את דברו אשר דבר יהוה ביד אחיה השילני אל ירבעם בן נבט׃

  14. 2 דִּבְרֵי הַיָּמִים י׳:ח׳

    ויעזב את עצת הזקנים אשר יעצהו ויועץ את הילדים אשר גדלו אתו העמדים לפניו׃

  15. תְהִלִּים קי״ט:ט׳

    במה יזכה נער את ארחו לשמר כדברך׃

  16. תְהִלִּים קמ״ח:י״ב

    בחורים וגם בתולות זקנים עם נערים׃

  17. תְהִלִּים קמ״ח:י״ג

    יהללו את שם יהוה כי נשגב שמו לבדו הודו על ארץ ושמים׃

  18. מִשְׁלֵי א׳:א׳

    ¶ משלי שלמה בן דוד מלך ישראל׃

  19. מִשְׁלֵי א׳:ב׳

    לדעת חכמה ומוסר להבין אמרי בינה׃

  20. מִשְׁלֵי א׳:ג׳

    לקחת מוסר השכל צדק ומשפט ומישרים׃

  21. מִשְׁלֵי א׳:ד׳

    לתת לפתאים ערמה לנער דעת ומזמה׃

  22. מִשְׁלֵי א׳:ה׳

    ישמע חכם ויוסף לקח ונבון תחבלות יקנה׃

  23. מִשְׁלֵי א׳:ו׳

    להבין משל ומליצה דברי חכמים וחידתם׃

  24. מִשְׁלֵי א׳:ז׳

    יראת יהוה ראשית דעת חכמה ומוסר אוילים בזו׃

  25. מִשְׁלֵי א׳:ח׳

    שמע בני מוסר אביך ואל תטש תורת אמך׃