פסוקים על Young Men

347 פסוקים · 1 היבט

פסוקי מפתח

סינון לפי ספר
  1. מִשְׁלֵי א׳:ט׳

    כי לוית חן הם לראשך וענקים לגרגרתיך׃

  2. מִשְׁלֵי א׳:י׳

    בני אם יפתוך חטאים אל תבא׃

  3. מִשְׁלֵי א׳:י״א

    אם יאמרו לכה אתנו נארבה לדם נצפנה לנקי חנם׃

  4. מִשְׁלֵי א׳:י״ב

    נבלעם כשאול חיים ותמימים כיורדי בור׃

  5. מִשְׁלֵי א׳:י״ג

    כל הון יקר נמצא נמלא בתינו שלל׃

  6. מִשְׁלֵי א׳:י״ד

    גורלך תפיל בתוכנו כיס אחד יהיה לכלנו׃

  7. מִשְׁלֵי א׳:ט״ו

    בני אל תלך בדרך אתם מנע רגלך מנתיבתם׃

  8. מִשְׁלֵי א׳:ט״ז

    כי רגליהם לרע ירוצו וימהרו לשפך דם׃

  9. מִשְׁלֵי א׳:י״ז

    כי חנם מזרה הרשת בעיני כל בעל כנף׃

  10. מִשְׁלֵי א׳:י״ח

    והם לדמם יארבו יצפנו לנפשתם׃

  11. מִשְׁלֵי א׳:י״ט

    כן ארחות כל בצע בצע את נפש בעליו יקח׃

  12. מִשְׁלֵי א׳:כ׳

    חכמות בחוץ תרנה ברחבות תתן קולה׃

  13. מִשְׁלֵי א׳:כ״א

    בראש המיות תקרא בפתחי שערים בעיר אמריה תאמר׃

  14. מִשְׁלֵי א׳:כ״ב

    עד מתי פתים תאהבו פתי ולצים לצון חמדו להם וכסילים ישנאו דעת׃

  15. מִשְׁלֵי א׳:כ״ג

    תשובו לתוכחתי הנה אביעה לכם רוחי אודיעה דברי אתכם׃

  16. מִשְׁלֵי א׳:כ״ד

    יען קראתי ותמאנו נטיתי ידי ואין מקשיב׃

  17. מִשְׁלֵי א׳:כ״ה

    ותפרעו כל עצתי ותוכחתי לא אביתם׃

  18. מִשְׁלֵי א׳:כ״ו

    גם אני באידכם אשחק אלעג בבא פחדכם׃

  19. מִשְׁלֵי א׳:כ״ז

    בבא כשאוה פחדכם ואידכם כסופה יאתה בבא עליכם צרה וצוקה׃

  20. מִשְׁלֵי א׳:כ״ח

    אז יקראנני ולא אענה ישחרנני ולא ימצאנני׃

  21. מִשְׁלֵי א׳:כ״ט

    תחת כי שנאו דעת ויראת יהוה לא בחרו׃

  22. מִשְׁלֵי א׳:ל׳

    לא אבו לעצתי נאצו כל תוכחתי׃

  23. מִשְׁלֵי א׳:ל״א

    ויאכלו מפרי דרכם וממעצתיהם ישבעו׃

  24. מִשְׁלֵי א׳:ל״ב

    כי משובת פתים תהרגם ושלות כסילים תאבדם׃

  25. מִשְׁלֵי א׳:ל״ג

    ושמע לי ישכן בטח ושאנן מפחד רעה׃