פסוקים על Young Men

347 פסוקים · 1 היבט

פסוקי מפתח

סינון לפי ספר
  1. מִשְׁלֵי ג׳:ד׳

    ומצא חן ושכל טוב בעיני אלהים ואדם׃

  2. מִשְׁלֵי ג׳:ה׳

    בטח אל יהוה בכל לבך ואל בינתך אל תשען׃

  3. מִשְׁלֵי ג׳:ו׳

    בכל דרכיך דעהו והוא יישר ארחתיך׃

  4. מִשְׁלֵי ג׳:ז׳

    אל תהי חכם בעיניך ירא את יהוה וסור מרע׃

  5. מִשְׁלֵי ג׳:ח׳

    רפאות תהי לשרך ושקוי לעצמותיך׃

  6. מִשְׁלֵי ג׳:ט׳

    כבד את יהוה מהונך ומראשית כל תבואתך׃

  7. מִשְׁלֵי ג׳:י׳

    וימלאו אסמיך שבע ותירוש יקביך יפרצו׃

  8. מִשְׁלֵי ג׳:י״א

    מוסר יהוה בני אל תמאס ואל תקץ בתוכחתו׃

  9. מִשְׁלֵי ג׳:י״ב

    כי את אשר יאהב יהוה יוכיח וכאב את בן ירצה׃

  10. מִשְׁלֵי ג׳:י״ג

    אשרי אדם מצא חכמה ואדם יפיק תבונה׃

  11. מִשְׁלֵי ג׳:י״ד

    כי טוב סחרה מסחר כסף ומחרוץ תבואתה׃

  12. מִשְׁלֵי ג׳:ט״ו

    יקרה היא מפניים וכל חפציך לא ישוו בה׃

  13. מִשְׁלֵי ג׳:ט״ז

    ארך ימים בימינה בשמאולה עשר וכבוד׃

  14. מִשְׁלֵי ג׳:י״ז

    דרכיה דרכי נעם וכל נתיבותיה שלום׃

  15. מִשְׁלֵי ג׳:י״ח

    עץ חיים היא למחזיקים בה ותמכיה מאשר׃

  16. מִשְׁלֵי ג׳:י״ט

    יהוה בחכמה יסד ארץ כונן שמים בתבונה׃

  17. מִשְׁלֵי ג׳:כ׳

    בדעתו תהומות נבקעו ושחקים ירעפו טל׃

  18. מִשְׁלֵי ג׳:כ״א

    בני אל ילזו מעיניך נצר תשיה ומזמה׃

  19. מִשְׁלֵי ג׳:כ״ב

    ויהיו חיים לנפשך וחן לגרגרתיך׃

  20. מִשְׁלֵי ג׳:כ״ג

    אז תלך לבטח דרכך ורגלך לא תגוף׃

  21. מִשְׁלֵי ג׳:כ״ד

    אם תשכב לא תפחד ושכבת וערבה שנתך׃

  22. מִשְׁלֵי ג׳:כ״ה

    אל תירא מפחד פתאם ומשאת רשעים כי תבא׃

  23. מִשְׁלֵי ג׳:כ״ו

    כי יהוה יהיה בכסלך ושמר רגלך מלכד׃

  24. מִשְׁלֵי ג׳:כ״ז

    אל תמנע טוב מבעליו בהיות לאל ידיך לעשות׃

  25. מִשְׁלֵי ג׳:כ״ח

    אל תאמר לרעיך לך ושוב ומחר אתן ויש אתך׃