פסוקים על Young Men

347 פסוקים · 1 היבט

פסוקי מפתח

סינון לפי ספר
  1. מִשְׁלֵי ג׳:כ״ט

    אל תחרש על רעך רעה והוא יושב לבטח אתך׃

  2. מִשְׁלֵי ג׳:ל׳

    אל תרוב עם אדם חנם אם לא גמלך רעה׃

  3. מִשְׁלֵי ג׳:ל״א

    אל תקנא באיש חמס ואל תבחר בכל דרכיו׃

  4. מִשְׁלֵי ג׳:ל״ב

    כי תועבת יהוה נלוז ואת ישרים סודו׃

  5. מִשְׁלֵי ג׳:ל״ג

    מארת יהוה בבית רשע ונוה צדיקים יברך׃

  6. מִשְׁלֵי ג׳:ל״ד

    אם ללצים הוא יליץ ולעניים יתן חן׃

  7. מִשְׁלֵי ג׳:ל״ה

    כבוד חכמים ינחלו וכסילים מרים קלון׃

  8. מִשְׁלֵי ד׳:א׳

    ¶ שמעו בנים מוסר אב והקשיבו לדעת בינה׃

  9. מִשְׁלֵי ד׳:ב׳

    כי לקח טוב נתתי לכם תורתי אל תעזבו׃

  10. מִשְׁלֵי ד׳:ג׳

    כי בן הייתי לאבי רך ויחיד לפני אמי׃

  11. מִשְׁלֵי ד׳:ד׳

    וירני ויאמר לי יתמך דברי לבך שמר מצותי וחיה׃

  12. מִשְׁלֵי ד׳:ה׳

    קנה חכמה קנה בינה אל תשכח ואל תט מאמרי פי׃

  13. מִשְׁלֵי ד׳:ו׳

    אל תעזבה ותשמרך אהבה ותצרך׃

  14. מִשְׁלֵי ד׳:ז׳

    ראשית חכמה קנה חכמה ובכל קנינך קנה בינה׃

  15. מִשְׁלֵי ד׳:ח׳

    סלסלה ותרוממך תכבדך כי תחבקנה׃

  16. מִשְׁלֵי ד׳:ט׳

    תתן לראשך לוית חן עטרת תפארת תמגנך׃

  17. מִשְׁלֵי ד׳:י׳

    שמע בני וקח אמרי וירבו לך שנות חיים׃

  18. מִשְׁלֵי ד׳:י״א

    בדרך חכמה הרתיך הדרכתיך במעגלי ישר׃

  19. מִשְׁלֵי ד׳:י״ב

    בלכתך לא יצר צעדך ואם תרוץ לא תכשל׃

  20. מִשְׁלֵי ד׳:י״ג

    החזק במוסר אל תרף נצרה כי היא חייך׃

  21. מִשְׁלֵי ד׳:י״ד

    בארח רשעים אל תבא ואל תאשר בדרך רעים׃

  22. מִשְׁלֵי ד׳:ט״ו

    פרעהו אל תעבר בו שטה מעליו ועבור׃

  23. מִשְׁלֵי ד׳:ט״ז

    כי לא ישנו אם לא ירעו ונגזלה שנתם אם לא יכשולו׃

  24. מִשְׁלֵי ד׳:י״ז

    כי לחמו לחם רשע ויין חמסים ישתו׃

  25. מִשְׁלֵי ד׳:י״ח

    וארח צדיקים כאור נגה הולך ואור עד נכון היום׃