פסוקים על Ammonites

135 פסוקים · 11 היבטים

פסוקי מפתח

סינון לפי ספר
  1. 1 שְׁמוּאֵל י״א:ג׳

    ויאמרו אליו זקני יביש הרף לנו שבעת ימים ונשלחה מלאכים בכל גבול ישראל ואם אין מושיע אתנו ויצאנו אליך׃

  2. 1 שְׁמוּאֵל י״א:ד׳

    ויבאו המלאכים גבעת שאול וידברו הדברים באזני העם וישאו כל העם את קולם ויבכו׃

  3. 1 שְׁמוּאֵל י״א:ה׳

    והנה שאול בא אחרי הבקר מן השדה ויאמר שאול מה לעם כי יבכו ויספרו לו את דברי אנשי יביש׃

  4. 1 שְׁמוּאֵל י״א:ו׳

    ותצלח רוח אלהים על שאול בשמעו את הדברים האלה ויחר אפו מאד׃

  5. 1 שְׁמוּאֵל י״א:ז׳

    ויקח צמד בקר וינתחהו וישלח בכל גבול ישראל ביד המלאכים לאמר אשר איננו יצא אחרי שאול ואחר שמואל כה יעשה לבקרו ויפל פחד יהוה על העם ויצאו כאיש אחד׃

  6. 1 שְׁמוּאֵל י״א:ח׳

    ויפקדם בבזק ויהיו בני ישראל שלש מאות אלף ואיש יהודה שלשים אלף׃

  7. 1 שְׁמוּאֵל י״א:ט׳

    ויאמרו למלאכים הבאים כה תאמרון לאיש יביש גלעד מחר תהיה לכם תשועה בחם השמש ויבאו המלאכים ויגידו לאנשי יביש וישמחו׃

  8. 1 שְׁמוּאֵל י״א:י׳

    ויאמרו אנשי יביש מחר נצא אליכם ועשיתם לנו ככל הטוב בעיניכם׃

  9. 1 שְׁמוּאֵל י״א:י״א

    ויהי ממחרת וישם שאול את העם שלשה ראשים ויבאו בתוך המחנה באשמרת הבקר ויכו את עמון עד חם היום ויהי הנשארים ויפצו ולא נשארו בם שנים יחד׃

  10. 1 שְׁמוּאֵל י״א:י״ב

    ויאמר העם אל שמואל מי האמר שאול ימלך עלינו תנו האנשים ונמיתם׃

  11. 1 שְׁמוּאֵל י״א:י״ג

    ויאמר שאול לא יומת איש ביום הזה כי היום עשה יהוה תשועה בישראל׃

  12. 1 שְׁמוּאֵל י״א:י״ד

    ויאמר שמואל אל העם לכו ונלכה הגלגל ונחדש שם המלוכה׃

  13. 1 שְׁמוּאֵל י״א:ט״ו

    וילכו כל העם הגלגל וימלכו שם את שאול לפני יהוה בגלגל ויזבחו שם זבחים שלמים לפני יהוה וישמח שם שאול וכל אנשי ישראל עד מאד׃

  14. 2 שְׁמוּאֵל י״ב:כ״ו

    וילחם יואב ברבת בני עמון וילכד את עיר המלוכה׃

  15. 2 שְׁמוּאֵל י״ב:כ״ז

    וישלח יואב מלאכים אל דוד ויאמר נלחמתי ברבה גם לכדתי את עיר המים׃

  16. 2 שְׁמוּאֵל י״ב:כ״ח

    ועתה אסף את יתר העם וחנה על העיר ולכדה פן אלכד אני את העיר ונקרא שמי עליה׃

  17. 2 שְׁמוּאֵל י״ב:כ״ט

    ויאסף דוד את כל העם וילך רבתה וילחם בה וילכדה׃

  18. 2 שְׁמוּאֵל י״ב:ל׳

    ויקח את עטרת מלכם מעל ראשו ומשקלה ככר זהב ואבן יקרה ותהי על ראש דוד ושלל העיר הוציא הרבה מאד׃

  19. 2 שְׁמוּאֵל י״ב:ל״א

    ואת העם אשר בה הוציא וישם במגרה ובחרצי הברזל ובמגזרת הברזל והעביר אותם במלכן וכן יעשה לכל ערי בני עמון וישב דוד וכל העם ירושלם׃

  20. 1 דִּבְרֵי הַיָּמִים כ׳:א׳

    ¶ ויהי לעת תשובת השנה לעת צאת המלכים וינהג יואב את חיל הצבא וישחת את ארץ בני עמון ויבא ויצר את רבה ודויד ישב בירושלם ויך יואב את רבה ויהרסה׃

  21. 1 דִּבְרֵי הַיָּמִים כ׳:ב׳

    ויקח דויד את עטרת מלכם מעל ראשו וימצאה משקל ככר זהב ובה אבן יקרה ותהי על ראש דויד ושלל העיר הוציא הרבה מאד׃

  22. 1 דִּבְרֵי הַיָּמִים כ׳:ג׳

    ואת העם אשר בה הוציא וישר במגרה ובחריצי הברזל ובמגרות וכן יעשה דויד לכל ערי בני עמון וישב דויד וכל העם ירושלם׃

  23. 2 דִּבְרֵי הַיָּמִים כ״ו:ז׳

    ויעזרהו האלהים על פלשתים ועל הערביים הישבים בגור בעל והמעונים׃

  24. 2 דִּבְרֵי הַיָּמִים כ״ו:ח׳

    ויתנו העמונים מנחה לעזיהו וילך שמו עד לבוא מצרים כי החזיק עד למעלה׃

  25. עֶזְרָא י׳:י׳

    ויקם עזרא הכהן ויאמר אלהם אתם מעלתם ותשיבו נשים נכריות להוסיף על אשמת ישראל׃