פסוקים על Ammonites: Defeated by the Israelites

43 פסוקים · 11 היבטים

פסוקים על Defeated by the Israelites

סינון לפי ספר
  1. שֹׁפְטִים י׳:ז׳

    ויחר אף יהוה בישראל וימכרם ביד פלשתים וביד בני עמון׃

  2. שֹׁפְטִים י׳:ח׳

    וירעצו וירצצו את בני ישראל בשנה ההיא שמנה עשרה שנה את כל בני ישראל אשר בעבר הירדן בארץ האמרי אשר בגלעד׃

  3. שֹׁפְטִים י׳:ט׳

    ויעברו בני עמון את הירדן להלחם גם ביהודה ובבנימין ובבית אפרים ותצר לישראל מאד׃

  4. שֹׁפְטִים י׳:י׳

    ויזעקו בני ישראל אל יהוה לאמר חטאנו לך וכי עזבנו את אלהינו ונעבד את הבעלים׃

  5. שֹׁפְטִים י׳:י״א

    ויאמר יהוה אל בני ישראל הלא ממצרים ומן האמרי ומן בני עמון ומן פלשתים׃

  6. שֹׁפְטִים י׳:י״ב

    וצידונים ועמלק ומעון לחצו אתכם ותצעקו אלי ואושיעה אתכם מידם׃

  7. שֹׁפְטִים י׳:י״ג

    ואתם עזבתם אותי ותעבדו אלהים אחרים לכן לא אוסיף להושיע אתכם׃

  8. שֹׁפְטִים י׳:י״ד

    לכו וזעקו אל האלהים אשר בחרתם בם המה יושיעו לכם בעת צרתכם׃

  9. שֹׁפְטִים י׳:ט״ו

    ויאמרו בני ישראל אל יהוה חטאנו עשה אתה לנו ככל הטוב בעיניך אך הצילנו נא היום הזה׃

  10. שֹׁפְטִים י׳:ט״ז

    ויסירו את אלהי הנכר מקרבם ויעבדו את יהוה ותקצר נפשו בעמל ישראל׃

  11. שֹׁפְטִים י׳:י״ז

    ויצעקו בני עמון ויחנו בגלעד ויאספו בני ישראל ויחנו במצפה׃

  12. שֹׁפְטִים י׳:י״ח

    ויאמרו העם שרי גלעד איש אל רעהו מי האיש אשר יחל להלחם בבני עמון יהיה לראש לכל ישבי גלעד׃

  13. שֹׁפְטִים י״א:ל״ב

    ויעבר יפתח אל בני עמון להלחם בם ויתנם יהוה בידו׃

  14. שֹׁפְטִים י״א:ל״ג

    ויכם מערוער ועד בואך מנית עשרים עיר ועד אבל כרמים מכה גדולה מאד ויכנעו בני עמון מפני בני ישראל׃

  15. שֹׁפְטִים י״ב:א׳

    ¶ ויצעק איש אפרים ויעבר צפונה ויאמרו ליפתח מדוע עברת להלחם בבני עמון ולנו לא קראת ללכת עמך ביתך נשרף עליך באש׃

  16. שֹׁפְטִים י״ב:ב׳

    ויאמר יפתח אליהם איש ריב הייתי אני ועמי ובני עמון מאד ואזעק אתכם ולא הושעתם אותי מידם׃

  17. שֹׁפְטִים י״ב:ג׳

    ואראה כי אינך מושיע ואשימה נפשי בכפי ואעברה אל בני עמון ויתנם יהוה בידי ולמה עליתם אלי היום הזה להלחם בי׃

  18. 1 שְׁמוּאֵל י״א:א׳

    ¶ ויעל נחש העמוני ויחן על יבש גלעד ויאמרו כל אנשי יביש אל נחש כרת לנו ברית ונעבדך׃

  19. 1 שְׁמוּאֵל י״א:ב׳

    ויאמר אליהם נחש העמוני בזאת אכרת לכם בנקור לכם כל עין ימין ושמתיה חרפה על כל ישראל׃

  20. 1 שְׁמוּאֵל י״א:ג׳

    ויאמרו אליו זקני יביש הרף לנו שבעת ימים ונשלחה מלאכים בכל גבול ישראל ואם אין מושיע אתנו ויצאנו אליך׃

  21. 1 שְׁמוּאֵל י״א:ד׳

    ויבאו המלאכים גבעת שאול וידברו הדברים באזני העם וישאו כל העם את קולם ויבכו׃

  22. 1 שְׁמוּאֵל י״א:ה׳

    והנה שאול בא אחרי הבקר מן השדה ויאמר שאול מה לעם כי יבכו ויספרו לו את דברי אנשי יביש׃

  23. 1 שְׁמוּאֵל י״א:ו׳

    ותצלח רוח אלהים על שאול בשמעו את הדברים האלה ויחר אפו מאד׃

  24. 1 שְׁמוּאֵל י״א:ז׳

    ויקח צמד בקר וינתחהו וישלח בכל גבול ישראל ביד המלאכים לאמר אשר איננו יצא אחרי שאול ואחר שמואל כה יעשה לבקרו ויפל פחד יהוה על העם ויצאו כאיש אחד׃

  25. 1 שְׁמוּאֵל י״א:ח׳

    ויפקדם בבזק ויהיו בני ישראל שלש מאות אלף ואיש יהודה שלשים אלף׃