פסוקים על Afflictions

פערו עלי בפיהם בחרפה הכו לחיי יחד עלי יתמלאון׃

יסגירני אל אל עויל ועל ידי רשעים ירטני׃

שלו הייתי ויפרפרני ואחז בערפי ויפצפצני ויקימני לו למטרה׃

יסבו עלי רביו יפלח כליותי ולא יחמול ישפך לארץ מררתי׃

יפרצני פרץ על פני פרץ ירץ עלי כגבור׃

שק תפרתי עלי גלדי ועללתי בעפר קרני׃

פני חמרמרה מני בכי ועל עפעפי צלמות׃

עצמותיו מלאו עלומו ועמו על עפר תשכב׃

כי רגע באפו חיים ברצונו בערב ילין בכי ולבקר רנה׃

תהום אל תהום קורא לקול צנוריך כל משבריך וגליך עלי עברו׃

הבאתנו במצודה שמת מועקה במתנינו׃

הרכבת אנוש לראשנו באנו באש ובמים ותוציאנו לרויה׃

והוא רחום יכפר עון ולא ישחית והרבה להשיב אפו ולא יעיר כל חמתו׃

ויזכר כי בשר המה רוח הולך ולא ישוב׃

האכלתם לחם דמעה ותשקמו בדמעות שליש׃

אם יעזבו בניו תורתי ובמשפטי לא ילכון׃

אם חקתי יחללו ומצותי לא ישמרו׃

ופקדתי בשבט פשעם ובנגעים עונם׃

לא לנצח יריב ולא לעולם יטור׃

לא כחטאינו עשה לנו ולא כעונתינו גמל עלינו׃

פעמים רבות יצילם והמה ימרו בעצתם וימכו בעונם׃

וירא בצר להם בשמעו את רנתם׃

ויזכר להם בריתו וינחם כרב חסדו׃

ויתן אותם לרחמים לפני כל שוביהם׃

ידעתי יהוה כי צדק משפטיך ואמונה עניתני׃