Adam

ויצר יהוה אלהים מן האדמה כל חית השדה ואת כל עוף השמים ויבא אל האדם לראות מה יקרא לו וכל אשר יקרא לו האדם נפש חיה הוא שמו׃

ויקרא האדם שמות לכל הבהמה ולעוף השמים ולכל חית השדה ולאדם לא מצא עזר כנגדו׃

ויפל יהוה אלהים תרדמה על האדם ויישן ויקח אחת מצלעתיו ויסגר בשר תחתנה׃

ויאמר האדם זאת הפעם עצם מעצמי ובשר מבשרי לזאת יקרא אשה כי מאיש לקחה זאת׃

וישמעו את קול יהוה אלהים מתהלך בגן לרוח היום ויתחבא האדם ואשתו מפני יהוה אלהים בתוך עץ הגן׃

ויקרא יהוה אלהים אל האדם ויאמר לו איכה׃

ולאדם אמר כי שמעת לקול אשתך ותאכל מן העץ אשר צויתיך לאמר לא תאכל ממנו ארורה האדמה בעבורך בעצבון תאכלנה כל ימי חייך׃

ויקרא האדם שם אשתו חוה כי הוא היתה אם כל חי׃

ויעש יהוה אלהים לאדם ולאשתו כתנות עור וילבשם׃

¶ והאדם ידע את חוה אשתו ותהר ותלד את קין ותאמר קניתי איש את יהוה׃

וידע אדם עוד את אשתו ותלד בן ותקרא את שמו שת כי שת לי אלהים זרע אחר תחת הבל כי הרגו קין׃

¶ זה ספר תולדת אדם ביום ברא אלהים אדם בדמות אלהים עשה אתו׃

זכר ונקבה בראם ויברך אתם ויקרא את שמם אדם ביום הבראם׃

ויחי אדם שלשים ומאת שנה ויולד בדמותו כצלמו ויקרא את שמו שת׃

ויהיו ימי אדם אחרי הולידו את שת שמנה מאת שנה ויולד בנים ובנות׃

ויהיו כל ימי אדם אשר חי תשע מאות שנה ושלשים שנה וימת׃

בהנחל עליון גוים בהפרידו בני אדם יצב גבלת עמים למספר בני ישראל׃

¶ אדם שת אנוש׃

אם כסיתי כאדם פשעי לטמון בחבי עוני׃

בן אנוש בן שת בן אדם בן אלהים׃

אולם המות מלך מאדם עד משה גם על אלה אשר לא חטאו בדמיון עברת אדם הראשון אשר הוא דמות העתיד לבוא׃

כי כאשר באדם מתים כלם כן גם יחיו כלם במשיח׃

כן גם כתוב ויהי האדם הוא אדם הראשון לנפש חיה אדם האחרון לרוח מחיה׃

כי אדם נוצר בראשונה ואחריו חוה׃

ואדם לא נפתה כי האשה שמעה לקול המשיא ותבא לידי עברה׃