פסוקים על Afflictions: Frequently terminate in good

8 פסוקים · 21 היבטים

פסוקים על Frequently terminate in good

בְּרֵאשִׁית נ׳:כ׳
ואתם חשבתם עלי רעה אלהים חשבה לטבה למען עשה כיום הזה להחית עם רב׃
שְׁמֹות א׳:י״א
וישימו עליו שרי מסים למען ענתו בסבלתם ויבן ערי מסכנות לפרעה את פתם ואת רעמסס׃
שְׁמֹות א׳:י״ב
וכאשר יענו אתו כן ירבה וכן יפרץ ויקצו מפני בני ישראל׃
דְּבָרִים ח׳:ט״ו
המוליכך במדבר הגדל והנורא נחש שרף ועקרב וצמאון אשר אין מים המוציא לך מים מצור החלמיש׃
דְּבָרִים ח׳:ט״ז
המאכלך מן במדבר אשר לא ידעון אבתיך למען ענתך ולמען נסתך להיטבך באחריתך׃
יִרְמְיָהוּ כ״ד:ה׳
כה אמר יהוה אלהי ישראל כתאנים הטבות האלה כן אכיר את גלות יהודה אשר שלחתי מן המקום הזה ארץ כשדים לטובה׃
יִרְמְיָהוּ כ״ד:ו׳
ושמתי עיני עליהם לטובה והשבתים על הארץ הזאת ובניתים ולא אהרס ונטעתים ולא אתוש׃
יְחֶזְקֵאל כ׳:ל״ז
והעברתי אתכם תחת השבט והבאתי אתכם במסרת הברית׃