פסוקים על Afflictions: Tempered with mercy

15 פסוקים · 21 היבטים

פסוקים על Tempered with mercy

תְהִלִּים ע״ח:ל״ח
והוא רחום יכפר עון ולא ישחית והרבה להשיב אפו ולא יעיר כל חמתו׃
תְהִלִּים ע״ח:ל״ט
ויזכר כי בשר המה רוח הולך ולא ישוב׃
תְהִלִּים ק״ו:מ״ג
פעמים רבות יצילם והמה ימרו בעצתם וימכו בעונם׃
תְהִלִּים ק״ו:מ״ד
וירא בצר להם בשמעו את רנתם׃
תְהִלִּים ק״ו:מ״ה
ויזכר להם בריתו וינחם כרב חסדו׃
תְהִלִּים ק״ו:מ״ו
ויתן אותם לרחמים לפני כל שוביהם׃
יְשַׁעְיָהוּ ל׳:י״ח
ולכן יחכה יהוה לחננכם ולכן ירום לרחמכם כי אלהי משפט יהוה אשרי כל חוכי לו׃
יְשַׁעְיָהוּ ל׳:י״ט
כי עם בציון ישב בירושלם בכו לא תבכה חנון יחנך לקול זעקך כשמעתו ענך׃
יְשַׁעְיָהוּ ל׳:כ׳
ונתן לכם אדני לחם צר ומים לחץ ולא יכנף עוד מוריך והיו עיניך ראות את מוריך׃
יְשַׁעְיָהוּ ל׳:כ״א
ואזניך תשמענה דבר מאחריך לאמר זה הדרך לכו בו כי תאמינו וכי תשמאילו׃
אֵיכָה ג׳:ל״ב
כי אם הוגה ורחם כרב חסדו׃
מִיכָה ז׳:ז׳
ואני ביהוה אצפה אוחילה לאלהי ישעי ישמעני אלהי׃
מִיכָה ז׳:ח׳
אל תשמחי איבתי לי כי נפלתי קמתי כי אשב בחשך יהוה אור לי׃
מִיכָה ז׳:ט׳
זעף יהוה אשא כי חטאתי לו עד אשר יריב ריבי ועשה משפטי יוציאני לאור אראה בצדקתו׃
נַחוּם א׳:י״ב
כה אמר יהוה אם שלמים וכן רבים וכן נגזו ועבר וענתך לא אענך עוד׃