TRV
circa 800–400 BC
The Hebrew Prophets
God speaks through Isaiah, Jeremiah, and the minor prophets—calling Israel to repentance and foretelling the coming Messiah.
פסוקים מתקופה זו
- יִרְמְיָהוּ ח׳:ב׳בערך תר״י לפנה״ס
ושטחום לשמש ולירח ולכל צבא השמים אשר אהבום ואשר עבדום ואשר הלכו אחריהם ואשר דרשום ואשר השתחוו להם לא יאספו ולא יקברו לדמן על פני האדמה יהיו׃
- יִרְמְיָהוּ ח׳:ג׳בערך תר״י לפנה״ס
ונבחר מות מחיים לכל השארית הנשארים מן המשפחה הרעה הזאת בכל המקמות הנשארים אשר הדחתים שם נאם יהוה צבאות׃
- יִרְמְיָהוּ ח׳:ד׳בערך תר״י לפנה״ס
ואמרת אליהם כה אמר יהוה היפלו ולא יקומו אם ישוב ולא ישוב׃
- יִרְמְיָהוּ ח׳:ה׳בערך תר״י לפנה״ס
מדוע שובבה העם הזה ירושלם משבה נצחת החזיקו בתרמית מאנו לשוב׃
- יִרְמְיָהוּ ח׳:ו׳בערך תר״י לפנה״ס
הקשבתי ואשמע לוא כן ידברו אין איש נחם על רעתו לאמר מה עשיתי כלה שב במרצותם כסוס שוטף במלחמה׃
- יִרְמְיָהוּ ח׳:ז׳בערך תר״י לפנה״ס
גם חסידה בשמים ידעה מועדיה ותר וסוס ועגור שמרו את עת באנה ועמי לא ידעו את משפט יהוה׃
- יִרְמְיָהוּ ח׳:ח׳בערך תר״י לפנה״ס
איכה תאמרו חכמים אנחנו ותורת יהוה אתנו אכן הנה לשקר עשה עט שקר ספרים׃
- יִרְמְיָהוּ ח׳:ט׳בערך תר״י לפנה״ס
הבישו חכמים חתו וילכדו הנה בדבר יהוה מאסו וחכמת מה להם׃
- יִרְמְיָהוּ ח׳:י׳בערך תר״י לפנה״ס
לכן אתן את נשיהם לאחרים שדותיהם ליורשים כי מקטן ועד גדול כלה בצע בצע מנביא ועד כהן כלה עשה שקר׃
- יִרְמְיָהוּ ח׳:י״אבערך תר״י לפנה״ס
וירפו את שבר בת עמי על נקלה לאמר שלום שלום ואין שלום׃
- יִרְמְיָהוּ ח׳:י״בבערך תר״י לפנה״ס
הבשו כי תועבה עשו גם בוש לא יבשו והכלם לא ידעו לכן יפלו בנפלים בעת פקדתם יכשלו אמר יהוה׃
- יִרְמְיָהוּ ח׳:י״גבערך תר״י לפנה״ס
אסף אסיפם נאם יהוה אין ענבים בגפן ואין תאנים בתאנה והעלה נבל ואתן להם יעברום׃
- יִרְמְיָהוּ ח׳:י״דבערך תר״י לפנה״ס
על מה אנחנו ישבים האספו ונבוא אל ערי המבצר ונדמה שם כי יהוה אלהינו הדמנו וישקנו מי ראש כי חטאנו ליהוה׃
- יִרְמְיָהוּ ח׳:ט״ובערך תר״י לפנה״ס
קוה לשלום ואין טוב לעת מרפה והנה בעתה׃
- יִרְמְיָהוּ ח׳:ט״זבערך תר״י לפנה״ס
מדן נשמע נחרת סוסיו מקול מצהלות אביריו רעשה כל הארץ ויבואו ויאכלו ארץ ומלואה עיר וישבי בה׃
- יִרְמְיָהוּ ח׳:י״זבערך תר״י לפנה״ס
כי הנני משלח בכם נחשים צפענים אשר אין להם לחש ונשכו אתכם נאם יהוה׃
- יִרְמְיָהוּ ח׳:י״חבערך תר״י לפנה״ס
מבליגיתי עלי יגון עלי לבי דוי׃
- יִרְמְיָהוּ ח׳:י״טבערך תר״י לפנה״ס
הנה קול שועת בת עמי מארץ מרחקים היהוה אין בציון אם מלכה אין בה מדוע הכעסוני בפסליהם בהבלי נכר׃
- יִרְמְיָהוּ ח׳:כ׳בערך תר״י לפנה״ס
עבר קציר כלה קיץ ואנחנו לוא נושענו׃
- יִרְמְיָהוּ ח׳:כ״אבערך תר״י לפנה״ס
על שבר בת עמי השברתי קדרתי שמה החזקתני׃
- יִרְמְיָהוּ ח׳:כ״בבערך תר״י לפנה״ס
הצרי אין בגלעד אם רפא אין שם כי מדוע לא עלתה ארכת בת עמי׃
- יִרְמְיָהוּ ט׳:א׳בערך תר״י לפנה״ס
¶ מי יתן ראשי מים ועיני מקור דמעה ואבכה יומם ולילה את חללי בת עמי׃
- יִרְמְיָהוּ ט׳:ב׳בערך תר״י לפנה״ס
מי יתנני במדבר מלון ארחים ואעזבה את עמי ואלכה מאתם כי כלם מנאפים עצרת בגדים׃
- יִרְמְיָהוּ ט׳:ג׳בערך תר״י לפנה״ס
וידרכו את לשונם קשתם שקר ולא לאמונה גברו בארץ כי מרעה אל רעה יצאו ואתי לא ידעו נאם יהוה׃
- יִרְמְיָהוּ ט׳:ד׳בערך תר״י לפנה״ס
איש מרעהו השמרו ועל כל אח אל תבטחו כי כל אח עקוב יעקב וכל רע רכיל יהלך׃