TRV
circa 800–400 BC
The Hebrew Prophets
God speaks through Isaiah, Jeremiah, and the minor prophets—calling Israel to repentance and foretelling the coming Messiah.
פסוקים מתקופה זו
- יִרְמְיָהוּ ט׳:ה׳בערך תר״י לפנה״ס
ואיש ברעהו יהתלו ואמת לא ידברו למדו לשונם דבר שקר העוה נלאו׃
- יִרְמְיָהוּ ט׳:ו׳בערך תר״י לפנה״ס
שבתך בתוך מרמה במרמה מאנו דעת אותי נאם יהוה׃
- יִרְמְיָהוּ ט׳:ז׳בערך תר״י לפנה״ס
לכן כה אמר יהוה צבאות הנני צורפם ובחנתים כי איך אעשה מפני בת עמי׃
- יִרְמְיָהוּ ט׳:ח׳בערך תר״י לפנה״ס
חץ שוחט לשונם מרמה דבר בפיו שלום את רעהו ידבר ובקרבו ישים ארבו׃
- יִרְמְיָהוּ ט׳:ט׳בערך תר״י לפנה״ס
העל אלה לא אפקד בם נאם יהוה אם בגוי אשר כזה לא תתנקם נפשי׃
- יִרְמְיָהוּ ט׳:י׳בערך תר״י לפנה״ס
על ההרים אשא בכי ונהי ועל נאות מדבר קינה כי נצתו מבלי איש עבר ולא שמעו קול מקנה מעוף השמים ועד בהמה נדדו הלכו׃
- יִרְמְיָהוּ ט׳:י״אבערך תר״י לפנה״ס
ונתתי את ירושלם לגלים מעון תנים ואת ערי יהודה אתן שממה מבלי יושב׃
- יִרְמְיָהוּ ט׳:י״בבערך תר״י לפנה״ס
מי האיש החכם ויבן את זאת ואשר דבר פי יהוה אליו ויגדה על מה אבדה הארץ נצתה כמדבר מבלי עבר׃
- יִרְמְיָהוּ ט׳:י״גבערך תר״י לפנה״ס
ויאמר יהוה על עזבם את תורתי אשר נתתי לפניהם ולא שמעו בקולי ולא הלכו בה׃
- יִרְמְיָהוּ ט׳:י״דבערך תר״י לפנה״ס
וילכו אחרי שררות לבם ואחרי הבעלים אשר למדום אבותם׃
- יִרְמְיָהוּ ט׳:ט״ובערך תר״י לפנה״ס
לכן כה אמר יהוה צבאות אלהי ישראל הנני מאכילם את העם הזה לענה והשקיתים מי ראש׃
- יִרְמְיָהוּ ט׳:ט״זבערך תר״י לפנה״ס
והפצותים בגוים אשר לא ידעו המה ואבותם ושלחתי אחריהם את החרב עד כלותי אותם׃
- יִרְמְיָהוּ ט׳:י״זבערך תר״י לפנה״ס
כה אמר יהוה צבאות התבוננו וקראו למקוננות ותבואינה ואל החכמות שלחו ותבואנה׃
- יִרְמְיָהוּ ט׳:י״חבערך תר״י לפנה״ס
ותמהרנה ותשנה עלינו נהי ותרדנה עינינו דמעה ועפעפינו יזלו מים׃
- יִרְמְיָהוּ ט׳:י״טבערך תר״י לפנה״ס
כי קול נהי נשמע מציון איך שדדנו בשנו מאד כי עזבנו ארץ כי השליכו משכנותינו׃
- יִרְמְיָהוּ ט׳:כ׳בערך תר״י לפנה״ס
כי שמענה נשים דבר יהוה ותקח אזנכם דבר פיו ולמדנה בנותיכם נהי ואשה רעותה קינה׃
- יִרְמְיָהוּ ט׳:כ״אבערך תר״י לפנה״ס
כי עלה מות בחלונינו בא בארמנותינו להכרית עולל מחוץ בחורים מרחבות׃
- יִרְמְיָהוּ ט׳:כ״בבערך תר״י לפנה״ס
דבר כה נאם יהוה ונפלה נבלת האדם כדמן על פני השדה וכעמיר מאחרי הקצר ואין מאסף׃
- יִרְמְיָהוּ ט׳:כ״גבערך תר״י לפנה״ס
כה אמר יהוה אל יתהלל חכם בחכמתו ואל יתהלל הגבור בגבורתו אל יתהלל עשיר בעשרו׃
- יִרְמְיָהוּ ט׳:כ״דבערך תר״י לפנה״ס
כי אם בזאת יתהלל המתהלל השכל וידע אותי כי אני יהוה עשה חסד משפט וצדקה בארץ כי באלה חפצתי נאם יהוה׃
- יִרְמְיָהוּ ט׳:כ״הבערך תר״י לפנה״ס
הנה ימים באים נאם יהוה ופקדתי על כל מול בערלה׃
- יִרְמְיָהוּ ט׳:כ״ובערך תר״י לפנה״ס
על מצרים ועל יהודה ועל אדום ועל בני עמון ועל מואב ועל כל קצוצי פאה הישבים במדבר כי כל הגוים ערלים וכל בית ישראל ערלי לב׃
- יִרְמְיָהוּ י׳:א׳בערך תר״ז לפנה״ס
¶ שמעו את הדבר אשר דבר יהוה עליכם בית ישראל׃
- יִרְמְיָהוּ י׳:ב׳בערך תר״ז לפנה״ס
כה אמר יהוה אל דרך הגוים אל תלמדו ומאתות השמים אל תחתו כי יחתו הגוים מהמה׃
- יִרְמְיָהוּ י׳:ג׳בערך תר״ז לפנה״ס
כי חקות העמים הבל הוא כי עץ מיער כרתו מעשה ידי חרש במעצד׃