TRV
circa 800–400 BC
The Hebrew Prophets
God speaks through Isaiah, Jeremiah, and the minor prophets—calling Israel to repentance and foretelling the coming Messiah.
פסוקים מתקופה זו
- יִרְמְיָהוּ י׳:ד׳בערך תר״ז לפנה״ס
בכסף ובזהב ייפהו במסמרות ובמקבות יחזקום ולוא יפיק׃
- יִרְמְיָהוּ י׳:ה׳בערך תר״ז לפנה״ס
כתמר מקשה המה ולא ידברו נשוא ינשוא כי לא יצעדו אל תיראו מהם כי לא ירעו וגם היטיב אין אותם׃
- יִרְמְיָהוּ י׳:ו׳בערך תר״ז לפנה״ס
מאין כמוך יהוה גדול אתה וגדול שמך בגבורה׃
- יִרְמְיָהוּ י׳:ז׳בערך תר״ז לפנה״ס
מי לא יראך מלך הגוים כי לך יאתה כי בכל חכמי הגוים ובכל מלכותם מאין כמוך׃
- יִרְמְיָהוּ י׳:ח׳בערך תר״ז לפנה״ס
ובאחת יבערו ויכסלו מוסר הבלים עץ הוא׃
- יִרְמְיָהוּ י׳:ט׳בערך תר״ז לפנה״ס
כסף מרקע מתרשיש יובא וזהב מאופז מעשה חרש וידי צורף תכלת וארגמן לבושם מעשה חכמים כלם׃
- יִרְמְיָהוּ י׳:י׳בערך תר״ז לפנה״ס
ויהוה אלהים אמת הוא אלהים חיים ומלך עולם מקצפו תרעש הארץ ולא יכלו גוים זעמו׃
- יִרְמְיָהוּ י׳:י״אבערך תר״ז לפנה״ס
כדנה תאמרון להום אלהיא די שמיא וארקא לא עבדו יאבדו מארעא ומן תחות שמיא אלה׃
- יִרְמְיָהוּ י׳:י״בבערך תר״ז לפנה״ס
עשה ארץ בכחו מכין תבל בחכמתו ובתבונתו נטה שמים׃
- יִרְמְיָהוּ י׳:י״גבערך תר״ז לפנה״ס
לקול תתו המון מים בשמים ויעלה נשאים מקצה ארץ ברקים למטר עשה ויוצא רוח מאצרתיו׃
- יִרְמְיָהוּ י׳:י״דבערך תר״ז לפנה״ס
נבער כל אדם מדעת הביש כל צורף מפסל כי שקר נסכו ולא רוח בם׃
- יִרְמְיָהוּ י׳:ט״ובערך תר״ז לפנה״ס
הבל המה מעשה תעתעים בעת פקדתם יאבדו׃
- יִרְמְיָהוּ י׳:ט״זבערך תר״ז לפנה״ס
לא כאלה חלק יעקב כי יוצר הכל הוא וישראל שבט נחלתו יהוה צבאות שמו׃
- יִרְמְיָהוּ י׳:י״זבערך ת״ר לפנה״ס
אספי מארץ כנעתך ישבתי במצור׃
- יִרְמְיָהוּ י׳:י״חבערך ת״ר לפנה״ס
כי כה אמר יהוה הנני קולע את יושבי הארץ בפעם הזאת והצרותי להם למען ימצאו׃
- יִרְמְיָהוּ י׳:י״טבערך ת״ר לפנה״ס
אוי לי על שברי נחלה מכתי ואני אמרתי אך זה חלי ואשאנו׃
- יִרְמְיָהוּ י׳:כ׳בערך ת״ר לפנה״ס
אהלי שדד וכל מיתרי נתקו בני יצאני ואינם אין נטה עוד אהלי ומקים יריעותי׃
- יִרְמְיָהוּ י׳:כ״אבערך ת״ר לפנה״ס
כי נבערו הרעים ואת יהוה לא דרשו על כן לא השכילו וכל מרעיתם נפוצה׃
- יִרְמְיָהוּ י׳:כ״בבערך ת״ר לפנה״ס
קול שמועה הנה באה ורעש גדול מארץ צפון לשום את ערי יהודה שממה מעון תנים׃
- יִרְמְיָהוּ י׳:כ״גבערך ת״ר לפנה״ס
ידעתי יהוה כי לא לאדם דרכו לא לאיש הלך והכין את צעדו׃
- יִרְמְיָהוּ י׳:כ״דבערך ת״ר לפנה״ס
יסרני יהוה אך במשפט אל באפך פן תמעטני׃
- יִרְמְיָהוּ י׳:כ״הבערך ת״ר לפנה״ס
שפך חמתך על הגוים אשר לא ידעוך ועל משפחות אשר בשמך לא קראו כי אכלו את יעקב ואכלהו ויכלהו ואת נוהו השמו׃
¶ הדבר אשר היה אל ירמיהו מאת יהוה לאמר׃
- יִרְמְיָהוּ י״א:ב׳בערך תקצ״ח לפנה״ס
שמעו את דברי הברית הזאת ודברתם אל איש יהודה ועל ישבי ירושלם׃
- יִרְמְיָהוּ י״א:ג׳בערך תקצ״ח לפנה״ס
ואמרת אליהם כה אמר יהוה אלהי ישראל ארור האיש אשר לא ישמע את דברי הברית הזאת׃