TRV
circa 800–400 BC
The Hebrew Prophets
God speaks through Isaiah, Jeremiah, and the minor prophets—calling Israel to repentance and foretelling the coming Messiah.
פסוקים מתקופה זו
כי גם אחיך ובית אביך גם המה בגדו בך גם המה קראו אחריך מלא אל תאמן בם כי ידברו אליך טובות׃
עזבתי את ביתי נטשתי את נחלתי נתתי את ידדות נפשי בכף איביה׃
היתה לי נחלתי כאריה ביער נתנה עלי בקולה על כן שנאתיה׃
העיט צבוע נחלתי לי העיט סביב עליה לכו אספו כל חית השדה התיו לאכלה׃
רעים רבים שחתו כרמי בססו את חלקתי נתנו את חלקת חמדתי למדבר שממה׃
שמה לשממה אבלה עלי שממה נשמה כל הארץ כי אין איש שם על לב׃
על כל שפים במדבר באו שדדים כי חרב ליהוה אכלה מקצה ארץ ועד קצה הארץ אין שלום לכל בשר׃
זרעו חטים וקצים קצרו נחלו לא יועלו ובשו מתבואתיכם מחרון אף יהוה׃
- יִרְמְיָהוּ י״ב:י״דבערך תר״ג לפנה״ס
כה אמר יהוה על כל שכני הרעים הנגעים בנחלה אשר הנחלתי את עמי את ישראל הנני נתשם מעל אדמתם ואת בית יהודה אתוש מתוכם׃
- יִרְמְיָהוּ י״ב:ט״ובערך תר״ג לפנה״ס
והיה אחרי נתשי אותם אשוב ורחמתים והשבתים איש לנחלתו ואיש לארצו׃
- יִרְמְיָהוּ י״ב:ט״זבערך תר״ג לפנה״ס
והיה אם למד ילמדו את דרכי עמי להשבע בשמי חי יהוה כאשר למדו את עמי להשבע בבעל ונבנו בתוך עמי׃
- יִרְמְיָהוּ י״ב:י״זבערך תר״ג לפנה״ס
ואם לא ישמעו ונתשתי את הגוי ההוא נתוש ואבד נאם יהוה׃
- יִרְמְיָהוּ י״ג:א׳בערך תקצ״ט לפנה״ס
¶ כה אמר יהוה אלי הלוך וקנית לך אזור פשתים ושמתו על מתניך ובמים לא תבאהו׃
- יִרְמְיָהוּ י״ג:ב׳בערך תקצ״ט לפנה״ס
ואקנה את האזור כדבר יהוה ואשם על מתני׃
- יִרְמְיָהוּ י״ג:ג׳בערך תקצ״ט לפנה״ס
ויהי דבר יהוה אלי שנית לאמר׃
- יִרְמְיָהוּ י״ג:ד׳בערך תקצ״ט לפנה״ס
קח את האזור אשר קנית אשר על מתניך וקום לך פרתה וטמנהו שם בנקיק הסלע׃
- יִרְמְיָהוּ י״ג:ה׳בערך תקצ״ט לפנה״ס
ואלך ואטמנהו בפרת כאשר צוה יהוה אותי׃
- יִרְמְיָהוּ י״ג:ו׳בערך תקצ״ט לפנה״ס
ויהי מקץ ימים רבים ויאמר יהוה אלי קום לך פרתה וקח משם את האזור אשר צויתיך לטמנו שם׃
- יִרְמְיָהוּ י״ג:ז׳בערך תקצ״ט לפנה״ס
ואלך פרתה ואחפר ואקח את האזור מן המקום אשר טמנתיו שמה והנה נשחת האזור לא יצלח לכל׃
- יִרְמְיָהוּ י״ג:ח׳בערך תקצ״ט לפנה״ס
ויהי דבר יהוה אלי לאמר׃
- יִרְמְיָהוּ י״ג:ט׳בערך תקצ״ט לפנה״ס
כה אמר יהוה ככה אשחית את גאון יהודה ואת גאון ירושלם הרב׃
- יִרְמְיָהוּ י״ג:י׳בערך תקצ״ט לפנה״ס
העם הזה הרע המאנים לשמוע את דברי ההלכים בשררות לבם וילכו אחרי אלהים אחרים לעבדם ולהשתחות להם ויהי כאזור הזה אשר לא יצלח לכל׃
- יִרְמְיָהוּ י״ג:י״אבערך תקצ״ט לפנה״ס
כי כאשר ידבק האזור אל מתני איש כן הדבקתי אלי את כל בית ישראל ואת כל בית יהודה נאם יהוה להיות לי לעם ולשם ולתהלה ולתפארת ולא שמעו׃
- יִרְמְיָהוּ י״ג:י״בבערך תקצ״ט לפנה״ס
ואמרת אליהם את הדבר הזה כה אמר יהוה אלהי ישראל כל נבל ימלא יין ואמרו אליך הידע לא נדע כי כל נבל ימלא יין׃
- יִרְמְיָהוּ י״ג:י״גבערך תקצ״ט לפנה״ס
ואמרת אליהם כה אמר יהוה הנני ממלא את כל ישבי הארץ הזאת ואת המלכים הישבים לדוד על כסאו ואת הכהנים ואת הנביאים ואת כל ישבי ירושלם שכרון׃