TRV
circa 800–400 BC
The Hebrew Prophets
God speaks through Isaiah, Jeremiah, and the minor prophets—calling Israel to repentance and foretelling the coming Messiah.
פסוקים מתקופה זו
- יִרְמְיָהוּ י״ג:י״דבערך תקצ״ט לפנה״ס
ונפצתים איש אל אחיו והאבות והבנים יחדו נאם יהוה לא אחמול ולא אחוס ולא ארחם מהשחיתם׃
- יִרְמְיָהוּ י״ג:ט״ובערך תקצ״ט לפנה״ס
שמעו והאזינו אל תגבהו כי יהוה דבר׃
- יִרְמְיָהוּ י״ג:ט״זבערך תקצ״ט לפנה״ס
תנו ליהוה אלהיכם כבוד בטרם יחשך ובטרם יתנגפו רגליכם על הרי נשף וקויתם לאור ושמה לצלמות ישית לערפל׃
- יִרְמְיָהוּ י״ג:י״זבערך תקצ״ט לפנה״ס
ואם לא תשמעוה במסתרים תבכה נפשי מפני גוה ודמע תדמע ותרד עיני דמעה כי נשבה עדר יהוה׃
- יִרְמְיָהוּ י״ג:י״חבערך תקצ״ט לפנה״ס
אמר למלך ולגבירה השפילו שבו כי ירד מראשותיכם עטרת תפארתכם׃
- יִרְמְיָהוּ י״ג:י״טבערך תקצ״ט לפנה״ס
ערי הנגב סגרו ואין פתח הגלת יהודה כלה הגלת שלומים׃
- יִרְמְיָהוּ י״ג:כ׳בערך תקצ״ט לפנה״ס
שאי עיניכם וראי הבאים מצפון איה העדר נתן לך צאן תפארתך׃
- יִרְמְיָהוּ י״ג:כ״אבערך תקצ״ט לפנה״ס
מה תאמרי כי יפקד עליך ואת למדת אתם עליך אלפים לראש הלוא חבלים יאחזוך כמו אשת לדה׃
- יִרְמְיָהוּ י״ג:כ״בבערך תקצ״ט לפנה״ס
וכי תאמרי בלבבך מדוע קראני אלה ברב עונך נגלו שוליך נחמסו עקביך׃
- יִרְמְיָהוּ י״ג:כ״גבערך תקצ״ט לפנה״ס
היהפך כושי עורו ונמר חברברתיו גם אתם תוכלו להיטיב למדי הרע׃
- יִרְמְיָהוּ י״ג:כ״דבערך תקצ״ט לפנה״ס
ואפיצם כקש עובר לרוח מדבר׃
- יִרְמְיָהוּ י״ג:כ״הבערך תקצ״ט לפנה״ס
זה גורלך מנת מדיך מאתי נאם יהוה אשר שכחת אותי ותבטחי בשקר׃
- יִרְמְיָהוּ י״ג:כ״ובערך תקצ״ט לפנה״ס
וגם אני חשפתי שוליך על פניך ונראה קלונך׃
- יִרְמְיָהוּ י״ג:כ״זבערך תקצ״ט לפנה״ס
נאפיך ומצהלותיך זמת זנותך על גבעות בשדה ראיתי שקוציך אוי לך ירושלם לא תטהרי אחרי מתי עד׃
- יִרְמְיָהוּ י״ד:א׳בערך תר״ה לפנה״ס
¶ אשר היה דבר יהוה אל ירמיהו על דברי הבצרות׃
- יִרְמְיָהוּ י״ד:ב׳בערך תר״ה לפנה״ס
אבלה יהודה ושעריה אמללו קדרו לארץ וצוחת ירושלם עלתה׃
- יִרְמְיָהוּ י״ד:ג׳בערך תר״ה לפנה״ס
ואדריהם שלחו צעוריהם למים באו על גבים לא מצאו מים שבו כליהם ריקם בשו והכלמו וחפו ראשם׃
- יִרְמְיָהוּ י״ד:ד׳בערך תר״ה לפנה״ס
בעבור האדמה חתה כי לא היה גשם בארץ בשו אכרים חפו ראשם׃
- יִרְמְיָהוּ י״ד:ה׳בערך תר״ה לפנה״ס
כי גם אילת בשדה ילדה ועזוב כי לא היה דשא׃
- יִרְמְיָהוּ י״ד:ו׳בערך תר״ה לפנה״ס
ופראים עמדו על שפים שאפו רוח כתנים כלו עיניהם כי אין עשב׃
- יִרְמְיָהוּ י״ד:ז׳בערך תר״ה לפנה״ס
אם עונינו ענו בנו יהוה עשה למען שמך כי רבו משובתינו לך חטאנו׃
- יִרְמְיָהוּ י״ד:ח׳בערך תר״ה לפנה״ס
מקוה ישראל מושיעו בעת צרה למה תהיה כגר בארץ וכארח נטה ללון׃
- יִרְמְיָהוּ י״ד:ט׳בערך תר״ה לפנה״ס
למה תהיה כאיש נדהם כגבור לא יוכל להושיע ואתה בקרבנו יהוה ושמך עלינו נקרא אל תנחנו׃
- יִרְמְיָהוּ י״ד:י׳בערך תר״ה לפנה״ס
כה אמר יהוה לעם הזה כן אהבו לנוע רגליהם לא חשכו ויהוה לא רצם עתה יזכר עונם ויפקד חטאתם׃
- יִרְמְיָהוּ י״ד:י״אבערך תר״ה לפנה״ס
ויאמר יהוה אלי אל תתפלל בעד העם הזה לטובה׃