TRV
circa 800–400 BC
The Hebrew Prophets
God speaks through Isaiah, Jeremiah, and the minor prophets—calling Israel to repentance and foretelling the coming Messiah.
פסוקים מתקופה זו
- יִרְמְיָהוּ י״ד:י״בבערך תר״ה לפנה״ס
כי יצמו אינני שמע אל רנתם וכי יעלו עלה ומנחה אינני רצם כי בחרב וברעב ובדבר אנכי מכלה אותם׃
- יִרְמְיָהוּ י״ד:י״גבערך תר״ה לפנה״ס
ואמר אהה אדני יהוה הנה הנבאים אמרים להם לא תראו חרב ורעב לא יהיה לכם כי שלום אמת אתן לכם במקום הזה׃
- יִרְמְיָהוּ י״ד:י״דבערך תר״ה לפנה״ס
ויאמר יהוה אלי שקר הנבאים נבאים בשמי לא שלחתים ולא צויתים ולא דברתי אליהם חזון שקר וקסם ואלול ותרמות לבם המה מתנבאים לכם׃
- יִרְמְיָהוּ י״ד:ט״ובערך תר״ה לפנה״ס
לכן כה אמר יהוה על הנבאים הנבאים בשמי ואני לא שלחתים והמה אמרים חרב ורעב לא יהיה בארץ הזאת בחרב וברעב יתמו הנבאים ההמה׃
- יִרְמְיָהוּ י״ד:ט״זבערך תר״ה לפנה״ס
והעם אשר המה נבאים להם יהיו משלכים בחצות ירושלם מפני הרעב והחרב ואין מקבר להמה המה נשיהם ובניהם ובנתיהם ושפכתי עליהם את רעתם׃
- יִרְמְיָהוּ י״ד:י״זבערך תר״ה לפנה״ס
ואמרת אליהם את הדבר הזה תרדנה עיני דמעה לילה ויומם ואל תדמינה כי שבר גדול נשברה בתולת בת עמי מכה נחלה מאד׃
- יִרְמְיָהוּ י״ד:י״חבערך תר״ה לפנה״ס
אם יצאתי השדה והנה חללי חרב ואם באתי העיר והנה תחלואי רעב כי גם נביא גם כהן סחרו אל ארץ ולא ידעו׃
- יִרְמְיָהוּ י״ד:י״טבערך תר״ה לפנה״ס
המאס מאסת את יהודה אם בציון געלה נפשך מדוע הכיתנו ואין לנו מרפא קוה לשלום ואין טוב ולעת מרפא והנה בעתה׃
- יִרְמְיָהוּ י״ד:כ׳בערך תר״ה לפנה״ס
ידענו יהוה רשענו עון אבותינו כי חטאנו לך׃
- יִרְמְיָהוּ י״ד:כ״אבערך תר״ה לפנה״ס
אל תנאץ למען שמך אל תנבל כסא כבודך זכר אל תפר בריתך אתנו׃
- יִרְמְיָהוּ י״ד:כ״בבערך תר״ה לפנה״ס
היש בהבלי הגוים מגשמים ואם השמים יתנו רבבים הלא אתה הוא יהוה אלהינו ונקוה לך כי אתה עשית את כל אלה׃
- יִרְמְיָהוּ ט״ו:א׳בערך תר״ה לפנה״ס
¶ ויאמר יהוה אלי אם יעמד משה ושמואל לפני אין נפשי אל העם הזה שלח מעל פני ויצאו׃
- יִרְמְיָהוּ ט״ו:ב׳בערך תר״ה לפנה״ס
והיה כי יאמרו אליך אנה נצא ואמרת אליהם כה אמר יהוה אשר למות למות ואשר לחרב לחרב ואשר לרעב לרעב ואשר לשבי לשבי׃
- יִרְמְיָהוּ ט״ו:ג׳בערך תר״ה לפנה״ס
ופקדתי עליהם ארבע משפחות נאם יהוה את החרב להרג ואת הכלבים לסחב ואת עוף השמים ואת בהמת הארץ לאכל ולהשחית׃
- יִרְמְיָהוּ ט״ו:ד׳בערך תר״ה לפנה״ס
ונתתים לזועה לכל ממלכות הארץ בגלל מנשה בן יחזקיהו מלך יהודה על אשר עשה בירושלם׃
- יִרְמְיָהוּ ט״ו:ה׳בערך תר״ה לפנה״ס
כי מי יחמל עליך ירושלם ומי ינוד לך ומי יסור לשאל לשלם לך׃
- יִרְמְיָהוּ ט״ו:ו׳בערך תר״ה לפנה״ס
את נטשת אתי נאם יהוה אחור תלכי ואט את ידי עליך ואשחיתך נלאיתי הנחם׃
- יִרְמְיָהוּ ט״ו:ז׳בערך תר״ה לפנה״ס
ואזרם במזרה בשערי הארץ שכלתי אבדתי את עמי מדרכיהם לוא שבו׃
- יִרְמְיָהוּ ט״ו:ח׳בערך תר״ה לפנה״ס
עצמו לי אלמנתו מחול ימים הבאתי להם על אם בחור שדד בצהרים הפלתי עליה פתאם עיר ובהלות׃
- יִרְמְיָהוּ ט״ו:ט׳בערך תר״ה לפנה״ס
אמללה ילדת השבעה נפחה נפשה באה שמשה בעד יומם בושה וחפרה ושאריתם לחרב אתן לפני איביהם נאם יהוה׃
- יִרְמְיָהוּ ט״ו:י׳בערך תר״ה לפנה״ס
אוי לי אמי כי ילדתני איש ריב ואיש מדון לכל הארץ לא נשיתי ולא נשו בי כלה מקללוני׃
- יִרְמְיָהוּ ט״ו:י״אבערך תר״ה לפנה״ס
אמר יהוה אם לא שרותך לטוב אם לוא הפגעתי בך בעת רעה ובעת צרה את האיב׃
- יִרְמְיָהוּ ט״ו:י״בבערך תר״ה לפנה״ס
הירע ברזל ברזל מצפון ונחשת׃
- יִרְמְיָהוּ ט״ו:י״גבערך תר״ה לפנה״ס
חילך ואוצרותיך לבז אתן לא במחיר ובכל חטאותיך ובכל גבוליך׃
- יִרְמְיָהוּ ט״ו:י״דבערך תר״ה לפנה״ס
והעברתי את איביך בארץ לא ידעת כי אש קדחה באפי עליכם תוקד׃