עברית

circa 800–400 BC

The Hebrew Prophets

God speaks through Isaiah, Jeremiah, and the minor prophets—calling Israel to repentance and foretelling the coming Messiah.

3,706 פסוקים · 14 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. יִרְמְיָהוּ ט״ז:י״טבערך תר״ה לפנה״ס

    יהוה עזי ומעזי ומנוסי ביום צרה אליך גוים יבאו מאפסי ארץ ויאמרו אך שקר נחלו אבותינו הבל ואין בם מועיל׃

  2. יִרְמְיָהוּ ט״ז:כ׳בערך תר״ה לפנה״ס

    היעשה לו אדם אלהים והמה לא אלהים׃

  3. יִרְמְיָהוּ ט״ז:כ״אבערך תר״ה לפנה״ס

    לכן הנני מודיעם בפעם הזאת אודיעם את ידי ואת גבורתי וידעו כי שמי יהוה׃

  4. יִרְמְיָהוּ י״ז:א׳

    ¶ חטאת יהודה כתובה בעט ברזל בצפרן שמיר חרושה על לוח לבם ולקרנות מזבחותיכם׃

  5. יִרְמְיָהוּ י״ז:ב׳

    כזכר בניהם מזבחותם ואשריהם על עץ רענן על גבעות הגבהות׃

  6. יִרְמְיָהוּ י״ז:ג׳

    הררי בשדה חילך כל אוצרותיך לבז אתן במתיך בחטאת בכל גבוליך׃

  7. יִרְמְיָהוּ י״ז:ד׳

    ושמטתה ובך מנחלתך אשר נתתי לך והעבדתיך את איביך בארץ אשר לא ידעת כי אש קדחתם באפי עד עולם תוקד׃

  8. יִרְמְיָהוּ י״ז:ה׳

    כה אמר יהוה ארור הגבר אשר יבטח באדם ושם בשר זרעו ומן יהוה יסור לבו׃

  9. יִרְמְיָהוּ י״ז:ו׳

    והיה כערער בערבה ולא יראה כי יבוא טוב ושכן חררים במדבר ארץ מלחה ולא תשב׃

  10. יִרְמְיָהוּ י״ז:ז׳

    ברוך הגבר אשר יבטח ביהוה והיה יהוה מבטחו׃

  11. יִרְמְיָהוּ י״ז:ח׳

    והיה כעץ שתול על מים ועל יובל ישלח שרשיו ולא ירא כי יבא חם והיה עלהו רענן ובשנת בצרת לא ידאג ולא ימיש מעשות פרי׃

  12. יִרְמְיָהוּ י״ז:ט׳

    עקב הלב מכל ואנש הוא מי ידענו׃

  13. יִרְמְיָהוּ י״ז:י׳

    אני יהוה חקר לב בחן כליות ולתת לאיש כדרכו כפרי מעלליו׃

  14. יִרְמְיָהוּ י״ז:י״א

    קרא דגר ולא ילד עשה עשר ולא במשפט בחצי ימו יעזבנו ובאחריתו יהיה נבל׃

  15. יִרְמְיָהוּ י״ז:י״ב

    כסא כבוד מרום מראשון מקום מקדשנו׃

  16. יִרְמְיָהוּ י״ז:י״ג

    מקוה ישראל יהוה כל עזביך יבשו יסורי בארץ יכתבו כי עזבו מקור מים חיים את יהוה׃

  17. יִרְמְיָהוּ י״ז:י״ד

    רפאני יהוה וארפא הושיעני ואושעה כי תהלתי אתה׃

  18. יִרְמְיָהוּ י״ז:ט״ו

    הנה המה אמרים אלי איה דבר יהוה יבוא נא׃

  19. יִרְמְיָהוּ י״ז:ט״ז

    ואני לא אצתי מרעה אחריך ויום אנוש לא התאויתי אתה ידעת מוצא שפתי נכח פניך היה׃

  20. יִרְמְיָהוּ י״ז:י״ז

    אל תהיה לי למחתה מחסי אתה ביום רעה׃

  21. יִרְמְיָהוּ י״ז:י״ח

    יבשו רדפי ואל אבשה אני יחתו המה ואל אחתה אני הביא עליהם יום רעה ומשנה שברון שברם׃

  22. יִרְמְיָהוּ י״ז:י״טבערך תרי״א לפנה״ס

    כה אמר יהוה אלי הלך ועמדת בשער בני עם אשר יבאו בו מלכי יהודה ואשר יצאו בו ובכל שערי ירושלם׃

  23. יִרְמְיָהוּ י״ז:כ׳בערך תרי״א לפנה״ס

    ואמרת אליהם שמעו דבר יהוה מלכי יהודה וכל יהודה וכל ישבי ירושלם הבאים בשערים האלה׃

  24. יִרְמְיָהוּ י״ז:כ״אבערך תרי״א לפנה״ס

    כה אמר יהוה השמרו בנפשותיכם ואל תשאו משא ביום השבת והבאתם בשערי ירושלם׃

  25. יִרְמְיָהוּ י״ז:כ״בבערך תרי״א לפנה״ס

    ולא תוציאו משא מבתיכם ביום השבת וכל מלאכה לא תעשו וקדשתם את יום השבת כאשר צויתי את אבותיכם׃