TRV
circa 800–400 BC
The Hebrew Prophets
God speaks through Isaiah, Jeremiah, and the minor prophets—calling Israel to repentance and foretelling the coming Messiah.
פסוקים מתקופה זו
- יִרְמְיָהוּ י״ז:כ״גבערך תרי״א לפנה״ס
ולא שמעו ולא הטו את אזנם ויקשו את ערפם לבלתי שומע ולבלתי קחת מוסר׃
- יִרְמְיָהוּ י״ז:כ״דבערך תרי״א לפנה״ס
והיה אם שמע תשמעון אלי נאם יהוה לבלתי הביא משא בשערי העיר הזאת ביום השבת ולקדש את יום השבת לבלתי עשות בה כל מלאכה׃
- יִרְמְיָהוּ י״ז:כ״הבערך תרי״א לפנה״ס
ובאו בשערי העיר הזאת מלכים ושרים ישבים על כסא דוד רכבים ברכב ובסוסים המה ושריהם איש יהודה וישבי ירושלם וישבה העיר הזאת לעולם׃
- יִרְמְיָהוּ י״ז:כ״ובערך תרי״א לפנה״ס
ובאו מערי יהודה ומסביבות ירושלם ומארץ בנימן ומן השפלה ומן ההר ומן הנגב מבאים עולה וזבח ומנחה ולבונה ומבאי תודה בית יהוה׃
- יִרְמְיָהוּ י״ז:כ״זבערך תרי״א לפנה״ס
ואם לא תשמעו אלי לקדש את יום השבת ולבלתי שאת משא ובא בשערי ירושלם ביום השבת והצתי אש בשעריה ואכלה ארמנות ירושלם ולא תכבה׃
¶ הדבר אשר היה אל ירמיהו מאת יהוה לאמר׃
- יִרְמְיָהוּ י״ח:ב׳בערך תר״ח לפנה״ס
קום וירדת בית היוצר ושמה אשמיעך את דברי׃
- יִרְמְיָהוּ י״ח:ג׳בערך תר״ח לפנה״ס
וארד בית היוצר והנהו עשה מלאכה על האבנים׃
- יִרְמְיָהוּ י״ח:ד׳בערך תר״ח לפנה״ס
ונשחת הכלי אשר הוא עשה בחמר ביד היוצר ושב ויעשהו כלי אחר כאשר ישר בעיני היוצר לעשות׃
- יִרְמְיָהוּ י״ח:ה׳בערך תר״ח לפנה״ס
ויהי דבר יהוה אלי לאמור׃
- יִרְמְיָהוּ י״ח:ו׳בערך תר״ח לפנה״ס
הכיוצר הזה לא אוכל לעשות לכם בית ישראל נאם יהוה הנה כחמר ביד היוצר כן אתם בידי בית ישראל׃
- יִרְמְיָהוּ י״ח:ז׳בערך תר״ח לפנה״ס
רגע אדבר על גוי ועל ממלכה לנתוש ולנתוץ ולהאביד׃
- יִרְמְיָהוּ י״ח:ח׳בערך תר״ח לפנה״ס
ושב הגוי ההוא מרעתו אשר דברתי עליו ונחמתי על הרעה אשר חשבתי לעשות לו׃
- יִרְמְיָהוּ י״ח:ט׳בערך תר״ח לפנה״ס
ורגע אדבר על גוי ועל ממלכה לבנת ולנטע׃
- יִרְמְיָהוּ י״ח:י׳בערך תר״ח לפנה״ס
ועשה הרעה בעיני לבלתי שמע בקולי ונחמתי על הטובה אשר אמרתי להיטיב אותו׃
- יִרְמְיָהוּ י״ח:י״אבערך תר״ח לפנה״ס
ועתה אמר נא אל איש יהודה ועל יושבי ירושלם לאמר כה אמר יהוה הנה אנכי יוצר עליכם רעה וחשב עליכם מחשבה שובו נא איש מדרכו הרעה והיטיבו דרכיכם ומעלליכם׃
- יִרְמְיָהוּ י״ח:י״בבערך תר״ח לפנה״ס
ואמרו נואש כי אחרי מחשבותינו נלך ואיש שררות לבו הרע נעשה׃
- יִרְמְיָהוּ י״ח:י״גבערך תר״ח לפנה״ס
לכן כה אמר יהוה שאלו נא בגוים מי שמע כאלה שעררת עשתה מאד בתולת ישראל׃
- יִרְמְיָהוּ י״ח:י״דבערך תר״ח לפנה״ס
היעזב מצור שדי שלג לבנון אם ינתשו מים זרים קרים נוזלים׃
- יִרְמְיָהוּ י״ח:ט״ובערך תר״ח לפנה״ס
כי שכחני עמי לשוא יקטרו ויכשלום בדרכיהם שבילי עולם ללכת נתיבות דרך לא סלולה׃
- יִרְמְיָהוּ י״ח:ט״זבערך תר״ח לפנה״ס
לשום ארצם לשמה שרוקת עולם כל עובר עליה ישם ויניד בראשו׃
- יִרְמְיָהוּ י״ח:י״זבערך תר״ח לפנה״ס
כרוח קדים אפיצם לפני אויב ערף ולא פנים אראם ביום אידם׃
- יִרְמְיָהוּ י״ח:י״חבערך תר״ח לפנה״ס
ויאמרו לכו ונחשבה על ירמיהו מחשבות כי לא תאבד תורה מכהן ועצה מחכם ודבר מנביא לכו ונכהו בלשון ואל נקשיבה אל כל דבריו׃
- יִרְמְיָהוּ י״ח:י״טבערך תר״ח לפנה״ס
הקשיבה יהוה אלי ושמע לקול יריבי׃
- יִרְמְיָהוּ י״ח:כ׳בערך תר״ח לפנה״ס
הישלם תחת טובה רעה כי כרו שוחה לנפשי זכר עמדי לפניך לדבר עליהם טובה להשיב את חמתך מהם׃