TRV
circa 800–400 BC
The Hebrew Prophets
God speaks through Isaiah, Jeremiah, and the minor prophets—calling Israel to repentance and foretelling the coming Messiah.
פסוקים מתקופה זו
- יִרְמְיָהוּ כ׳:ח׳בערך תר״ז לפנה״ס
כי מדי אדבר אזעק חמס ושד אקרא כי היה דבר יהוה לי לחרפה ולקלס כל היום׃
- יִרְמְיָהוּ כ׳:ט׳בערך תר״ז לפנה״ס
ואמרתי לא אזכרנו ולא אדבר עוד בשמו והיה בלבי כאש בערת עצר בעצמתי ונלאיתי כלכל ולא אוכל׃
- יִרְמְיָהוּ כ׳:י׳בערך תר״ז לפנה״ס
כי שמעתי דבת רבים מגור מסביב הגידו ונגידנו כל אנוש שלומי שמרי צלעי אולי יפתה ונוכלה לו ונקחה נקמתנו ממנו׃
- יִרְמְיָהוּ כ׳:י״אבערך תר״ז לפנה״ס
ויהוה אותי כגבור עריץ על כן רדפי יכשלו ולא יכלו בשו מאד כי לא השכילו כלמת עולם לא תשכח׃
- יִרְמְיָהוּ כ׳:י״בבערך תר״ז לפנה״ס
ויהוה צבאות בחן צדיק ראה כליות ולב אראה נקמתך מהם כי אליך גליתי את ריבי׃
- יִרְמְיָהוּ כ׳:י״גבערך תר״ז לפנה״ס
שירו ליהוה הללו את יהוה כי הציל את נפש אביון מיד מרעים׃
- יִרְמְיָהוּ כ׳:י״דבערך תר״ז לפנה״ס
ארור היום אשר ילדתי בו יום אשר ילדתני אמי אל יהי ברוך׃
- יִרְמְיָהוּ כ׳:ט״ובערך תר״ז לפנה״ס
ארור האיש אשר בשר את אבי לאמר ילד לך בן זכר שמח שמחהו׃
- יִרְמְיָהוּ כ׳:ט״זבערך תר״ז לפנה״ס
והיה האיש ההוא כערים אשר הפך יהוה ולא נחם ושמע זעקה בבקר ותרועה בעת צהרים׃
- יִרְמְיָהוּ כ׳:י״זבערך תר״ז לפנה״ס
אשר לא מותתני מרחם ותהי לי אמי קברי ורחמה הרת עולם׃
- יִרְמְיָהוּ כ׳:י״חבערך תר״ז לפנה״ס
למה זה מרחם יצאתי לראות עמל ויגון ויכלו בבשת ימי׃
- יִרְמְיָהוּ כ״א:א׳בערך תקפ״ט לפנה״ס
¶ הדבר אשר היה אל ירמיהו מאת יהוה בשלח אליו המלך צדקיהו את פשחור בן מלכיה ואת צפניה בן מעשיה הכהן לאמר׃
- יִרְמְיָהוּ כ״א:ב׳בערך תקפ״ט לפנה״ס
דרש נא בעדנו את יהוה כי נבוכדראצר מלך בבל נלחם עלינו אולי יעשה יהוה אותנו ככל נפלאתיו ויעלה מעלינו׃
- יִרְמְיָהוּ כ״א:ג׳בערך תקפ״ט לפנה״ס
ויאמר ירמיהו אליהם כה תאמרן אל צדקיהו׃
- יִרְמְיָהוּ כ״א:ד׳בערך תקפ״ט לפנה״ס
כה אמר יהוה אלהי ישראל הנני מסב את כלי המלחמה אשר בידכם אשר אתם נלחמים בם את מלך בבל ואת הכשדים הצרים עליכם מחוץ לחומה ואספתי אותם אל תוך העיר הזאת׃
- יִרְמְיָהוּ כ״א:ה׳בערך תקפ״ט לפנה״ס
ונלחמתי אני אתכם ביד נטויה ובזרוע חזקה ובאף ובחמה ובקצף גדול׃
- יִרְמְיָהוּ כ״א:ו׳בערך תקפ״ט לפנה״ס
והכיתי את יושבי העיר הזאת ואת האדם ואת הבהמה בדבר גדול ימתו׃
- יִרְמְיָהוּ כ״א:ז׳בערך תקפ״ט לפנה״ס
ואחרי כן נאם יהוה אתן את צדקיהו מלך יהודה ואת עבדיו ואת העם ואת הנשארים בעיר הזאת מן הדבר מן החרב ומן הרעב ביד נבוכדראצר מלך בבל וביד איביהם וביד מבקשי נפשם והכם לפי חרב לא יחוס עליהם ולא יחמל ולא ירחם׃
- יִרְמְיָהוּ כ״א:ח׳בערך תקפ״ט לפנה״ס
ואל העם הזה תאמר כה אמר יהוה הנני נתן לפניכם את דרך החיים ואת דרך המות׃
- יִרְמְיָהוּ כ״א:ט׳בערך תקפ״ט לפנה״ס
הישב בעיר הזאת ימות בחרב וברעב ובדבר והיוצא ונפל על הכשדים הצרים עליכם יחיה והיתה לו נפשו לשלל׃
- יִרְמְיָהוּ כ״א:י׳בערך תקפ״ט לפנה״ס
כי שמתי פני בעיר הזאת לרעה ולא לטובה נאם יהוה ביד מלך בבל תנתן ושרפה באש׃
- יִרְמְיָהוּ כ״א:י״אבערך תקפ״ט לפנה״ס
ולבית מלך יהודה שמעו דבר יהוה׃
- יִרְמְיָהוּ כ״א:י״בבערך תקפ״ט לפנה״ס
בית דוד כה אמר יהוה דינו לבקר משפט והצילו גזול מיד עושק פן תצא כאש חמתי ובערה ואין מכבה מפני רע מעלליהם׃
- יִרְמְיָהוּ כ״א:י״גבערך תקפ״ט לפנה״ס
הנני אליך ישבת העמק צור המישר נאם יהוה האמרים מי יחת עלינו ומי יבוא במעונותינו׃
- יִרְמְיָהוּ כ״א:י״דבערך תקפ״ט לפנה״ס
ופקדתי עליכם כפרי מעלליכם נאם יהוה והצתי אש ביערה ואכלה כל סביביה׃