TRV
circa 800–400 BC
The Hebrew Prophets
God speaks through Isaiah, Jeremiah, and the minor prophets—calling Israel to repentance and foretelling the coming Messiah.
פסוקים מתקופה זו
- יִרְמְיָהוּ כ״ב:כ״ובערך תקצ״ח לפנה״ס
והטלתי אתך ואת אמך אשר ילדתך על הארץ אחרת אשר לא ילדתם שם ושם תמותו׃
- יִרְמְיָהוּ כ״ב:כ״זבערך תקצ״ח לפנה״ס
ועל הארץ אשר הם מנשאים את נפשם לשוב שם שמה לא ישובו׃
- יִרְמְיָהוּ כ״ב:כ״חבערך תקצ״ח לפנה״ס
העצב נבזה נפוץ האיש הזה כניהו אם כלי אין חפץ בו מדוע הוטלו הוא וזרעו והשלכו על הארץ אשר לא ידעו׃
- יִרְמְיָהוּ כ״ב:כ״טבערך תקצ״ח לפנה״ס
ארץ ארץ ארץ שמעי דבר יהוה׃
- יִרְמְיָהוּ כ״ב:ל׳בערך תקצ״ח לפנה״ס
כה אמר יהוה כתבו את האיש הזה ערירי גבר לא יצלח בימיו כי לא יצלח מזרעו איש ישב על כסא דוד ומשל עוד ביהודה׃
¶ הוי רעים מאבדים ומפצים את צאן מרעיתי נאם יהוה׃
לכן כה אמר יהוה אלהי ישראל על הרעים הרעים את עמי אתם הפצתם את צאני ותדחום ולא פקדתם אתם הנני פקד עליכם את רע מעלליכם נאם יהוה׃
ואני אקבץ את שארית צאני מכל הארצות אשר הדחתי אתם שם והשבתי אתהן על נוהן ופרו ורבו׃
והקמתי עליהם רעים ורעום ולא ייראו עוד ולא יחתו ולא יפקדו נאם יהוה׃
הנה ימים באים נאם יהוה והקמתי לדוד צמח צדיק ומלך מלך והשכיל ועשה משפט וצדקה בארץ׃
בימיו תושע יהודה וישראל ישכן לבטח וזה שמו אשר יקראו יהוה צדקנו׃
לכן הנה ימים באים נאם יהוה ולא יאמרו עוד חי יהוה אשר העלה את בני ישראל מארץ מצרים׃
כי אם חי יהוה אשר העלה ואשר הביא את זרע בית ישראל מארץ צפונה ומכל הארצות אשר הדחתים שם וישבו על אדמתם׃
- יִרְמְיָהוּ כ״ג:ט׳בערך תר״ה לפנה״ס
לנבאים נשבר לבי בקרבי רחפו כל עצמותי הייתי כאיש שכור וכגבר עברו יין מפני יהוה ומפני דברי קדשו׃
- יִרְמְיָהוּ כ״ג:י׳בערך תר״ה לפנה״ס
כי מנאפים מלאה הארץ כי מפני אלה אבלה הארץ יבשו נאות מדבר ותהי מרוצתם רעה וגבורתם לא כן׃
- יִרְמְיָהוּ כ״ג:י״אבערך תר״ה לפנה״ס
כי גם נביא גם כהן חנפו גם בביתי מצאתי רעתם נאם יהוה׃
- יִרְמְיָהוּ כ״ג:י״בבערך תר״ה לפנה״ס
לכן יהיה דרכם להם כחלקלקות באפלה ידחו ונפלו בה כי אביא עליהם רעה שנת פקדתם נאם יהוה׃
- יִרְמְיָהוּ כ״ג:י״גבערך תר״ה לפנה״ס
ובנביאי שמרון ראיתי תפלה הנבאו בבעל ויתעו את עמי את ישראל׃
- יִרְמְיָהוּ כ״ג:י״דבערך תר״ה לפנה״ס
ובנבאי ירושלם ראיתי שערורה נאוף והלך בשקר וחזקו ידי מרעים לבלתי שבו איש מרעתו היו לי כלם כסדם וישביה כעמרה׃
- יִרְמְיָהוּ כ״ג:ט״ובערך תר״ה לפנה״ס
לכן כה אמר יהוה צבאות על הנבאים הנני מאכיל אותם לענה והשקתים מי ראש כי מאת נביאי ירושלם יצאה חנפה לכל הארץ׃
- יִרְמְיָהוּ כ״ג:ט״זבערך תר״ה לפנה״ס
כה אמר יהוה צבאות אל תשמעו על דברי הנבאים הנבאים לכם מהבלים המה אתכם חזון לבם ידברו לא מפי יהוה׃
- יִרְמְיָהוּ כ״ג:י״זבערך תר״ה לפנה״ס
אמרים אמור למנאצי דבר יהוה שלום יהיה לכם וכל הלך בשררות לבו אמרו לא תבוא עליכם רעה׃
- יִרְמְיָהוּ כ״ג:י״חבערך תר״ה לפנה״ס
כי מי עמד בסוד יהוה וירא וישמע את דברו מי הקשיב דברי וישמע׃
- יִרְמְיָהוּ כ״ג:י״טבערך תר״ה לפנה״ס
הנה סערת יהוה חמה יצאה וסער מתחולל על ראש רשעים יחול׃
- יִרְמְיָהוּ כ״ג:כ׳בערך תר״ה לפנה״ס
לא ישוב אף יהוה עד עשתו ועד הקימו מזמות לבו באחרית הימים תתבוננו בה בינה׃