TRV
circa 800–400 BC
The Hebrew Prophets
God speaks through Isaiah, Jeremiah, and the minor prophets—calling Israel to repentance and foretelling the coming Messiah.
פסוקים מתקופה זו
- יִרְמְיָהוּ כ״ד:ו׳בערך תקצ״ח לפנה״ס
ושמתי עיני עליהם לטובה והשבתים על הארץ הזאת ובניתים ולא אהרס ונטעתים ולא אתוש׃
- יִרְמְיָהוּ כ״ד:ז׳בערך תקצ״ח לפנה״ס
ונתתי להם לב לדעת אתי כי אני יהוה והיו לי לעם ואנכי אהיה להם לאלהים כי ישבו אלי בכל לבם׃
- יִרְמְיָהוּ כ״ד:ח׳בערך תקצ״ח לפנה״ס
וכתאנים הרעות אשר לא תאכלנה מרע כי כה אמר יהוה כן אתן את צדקיהו מלך יהודה ואת שריו ואת שארית ירושלם הנשארים בארץ הזאת והישבים בארץ מצרים׃
- יִרְמְיָהוּ כ״ד:ט׳בערך תקצ״ח לפנה״ס
ונתתים לזועה לרעה לכל ממלכות הארץ לחרפה ולמשל לשנינה ולקללה בכל המקמות אשר אדיחם שם׃
- יִרְמְיָהוּ כ״ד:י׳בערך תקצ״ח לפנה״ס
ושלחתי בם את החרב את הרעב ואת הדבר עד תמם מעל האדמה אשר נתתי להם ולאבותיהם׃
- יִרְמְיָהוּ כ״ה:א׳בערך תר״ו לפנה״ס
¶ הדבר אשר היה על ירמיהו על כל עם יהודה בשנה הרבעית ליהויקים בן יאשיהו מלך יהודה היא השנה הראשנית לנבוכדראצר מלך בבל׃
- יִרְמְיָהוּ כ״ה:ב׳בערך תר״ו לפנה״ס
אשר דבר ירמיהו הנביא על כל עם יהודה ואל כל ישבי ירושלם לאמר׃
- יִרְמְיָהוּ כ״ה:ג׳בערך תר״ו לפנה״ס
מן שלש עשרה שנה ליאשיהו בן אמון מלך יהודה ועד היום הזה זה שלש ועשרים שנה היה דבר יהוה אלי ואדבר אליכם אשכים ודבר ולא שמעתם׃
- יִרְמְיָהוּ כ״ה:ד׳בערך תר״ו לפנה״ס
ושלח יהוה אליכם את כל עבדיו הנבאים השכם ושלח ולא שמעתם ולא הטיתם את אזנכם לשמע׃
- יִרְמְיָהוּ כ״ה:ה׳בערך תר״ו לפנה״ס
לאמר שובו נא איש מדרכו הרעה ומרע מעלליכם ושבו על האדמה אשר נתן יהוה לכם ולאבותיכם למן עולם ועד עולם׃
- יִרְמְיָהוּ כ״ה:ו׳בערך תר״ו לפנה״ס
ואל תלכו אחרי אלהים אחרים לעבדם ולהשתחות להם ולא תכעיסו אותי במעשה ידיכם ולא ארע לכם׃
- יִרְמְיָהוּ כ״ה:ז׳בערך תר״ו לפנה״ס
ולא שמעתם אלי נאם יהוה למען הכעסוני במעשה ידיכם לרע לכם׃
- יִרְמְיָהוּ כ״ה:ח׳בערך תר״ו לפנה״ס
לכן כה אמר יהוה צבאות יען אשר לא שמעתם את דברי׃
- יִרְמְיָהוּ כ״ה:ט׳בערך תר״ו לפנה״ס
הנני שלח ולקחתי את כל משפחות צפון נאם יהוה ואל נבוכדראצר מלך בבל עבדי והבאתים על הארץ הזאת ועל ישביה ועל כל הגוים האלה סביב והחרמתים ושמתים לשמה ולשרקה ולחרבות עולם׃
- יִרְמְיָהוּ כ״ה:י׳בערך תר״ו לפנה״ס
והאבדתי מהם קול ששון וקול שמחה קול חתן וקול כלה קול רחים ואור נר׃
- יִרְמְיָהוּ כ״ה:י״אבערך תר״ו לפנה״ס
והיתה כל הארץ הזאת לחרבה לשמה ועבדו הגוים האלה את מלך בבל שבעים שנה׃
- יִרְמְיָהוּ כ״ה:י״בבערך תר״ו לפנה״ס
והיה כמלאות שבעים שנה אפקד על מלך בבל ועל הגוי ההוא נאם יהוה את עונם ועל ארץ כשדים ושמתי אתו לשממות עולם׃
- יִרְמְיָהוּ כ״ה:י״גבערך תר״ו לפנה״ס
והבאיתי על הארץ ההיא את כל דברי אשר דברתי עליה את כל הכתוב בספר הזה אשר נבא ירמיהו על כל הגוים׃
- יִרְמְיָהוּ כ״ה:י״דבערך תר״ו לפנה״ס
כי עבדו בם גם המה גוים רבים ומלכים גדולים ושלמתי להם כפעלם וכמעשה ידיהם׃
- יִרְמְיָהוּ כ״ה:ט״ובערך תר״ו לפנה״ס
כי כה אמר יהוה אלהי ישראל אלי קח את כוס היין החמה הזאת מידי והשקיתה אתו את כל הגוים אשר אנכי שלח אותך אליהם׃
- יִרְמְיָהוּ כ״ה:ט״זבערך תר״ו לפנה״ס
ושתו והתגעשו והתהללו מפני החרב אשר אנכי שלח בינתם׃
- יִרְמְיָהוּ כ״ה:י״זבערך תר״ו לפנה״ס
ואקח את הכוס מיד יהוה ואשקה את כל הגוים אשר שלחני יהוה אליהם׃
- יִרְמְיָהוּ כ״ה:י״חבערך תר״ו לפנה״ס
את ירושלם ואת ערי יהודה ואת מלכיה את שריה לתת אתם לחרבה לשמה לשרקה ולקללה כיום הזה׃
- יִרְמְיָהוּ כ״ה:י״טבערך תר״ו לפנה״ס
את פרעה מלך מצרים ואת עבדיו ואת שריו ואת כל עמו׃
- יִרְמְיָהוּ כ״ה:כ׳בערך תר״ו לפנה״ס
ואת כל הערב ואת כל מלכי ארץ העוץ ואת כל מלכי ארץ פלשתים ואת אשקלון ואת עזה ואת עקרון ואת שארית אשדוד׃