TRV
circa 800–400 BC
The Hebrew Prophets
God speaks through Isaiah, Jeremiah, and the minor prophets—calling Israel to repentance and foretelling the coming Messiah.
פסוקים מתקופה זו
- יִרְמְיָהוּ כ״ג:כ״אבערך תר״ה לפנה״ס
לא שלחתי את הנבאים והם רצו לא דברתי אליהם והם נבאו׃
- יִרְמְיָהוּ כ״ג:כ״בבערך תר״ה לפנה״ס
ואם עמדו בסודי וישמעו דברי את עמי וישבום מדרכם הרע ומרע מעלליהם׃
- יִרְמְיָהוּ כ״ג:כ״גבערך תר״ה לפנה״ס
האלהי מקרב אני נאם יהוה ולא אלהי מרחק׃
- יִרְמְיָהוּ כ״ג:כ״דבערך תר״ה לפנה״ס
אם יסתר איש במסתרים ואני לא אראנו נאם יהוה הלוא את השמים ואת הארץ אני מלא נאם יהוה׃
- יִרְמְיָהוּ כ״ג:כ״הבערך תר״ה לפנה״ס
שמעתי את אשר אמרו הנבאים הנבאים בשמי שקר לאמר חלמתי חלמתי׃
- יִרְמְיָהוּ כ״ג:כ״ובערך תר״ה לפנה״ס
עד מתי היש בלב הנבאים נבאי השקר ונביאי תרמת לבם׃
- יִרְמְיָהוּ כ״ג:כ״זבערך תר״ה לפנה״ס
החשבים להשכיח את עמי שמי בחלומתם אשר יספרו איש לרעהו כאשר שכחו אבותם את שמי בבעל׃
- יִרְמְיָהוּ כ״ג:כ״חבערך תר״ה לפנה״ס
הנביא אשר אתו חלום יספר חלום ואשר דברי אתו ידבר דברי אמת מה לתבן את הבר נאם יהוה׃
- יִרְמְיָהוּ כ״ג:כ״טבערך תר״ה לפנה״ס
הלוא כה דברי כאש נאם יהוה וכפטיש יפצץ סלע׃
- יִרְמְיָהוּ כ״ג:ל׳בערך תר״ה לפנה״ס
לכן הנני על הנבאים נאם יהוה מגנבי דברי איש מאת רעהו׃
- יִרְמְיָהוּ כ״ג:ל״אבערך תר״ה לפנה״ס
הנני על הנביאם נאם יהוה הלקחים לשונם וינאמו נאם׃
- יִרְמְיָהוּ כ״ג:ל״בבערך תר״ה לפנה״ס
הנני על נבאי חלמות שקר נאם יהוה ויספרום ויתעו את עמי בשקריהם ובפחזותם ואנכי לא שלחתים ולא צויתים והועיל לא יועילו לעם הזה נאם יהוה׃
- יִרְמְיָהוּ כ״ג:ל״גבערך תר״ה לפנה״ס
וכי ישאלך העם הזה או הנביא או כהן לאמר מה משא יהוה ואמרת אליהם את מה משא ונטשתי אתכם נאם יהוה׃
- יִרְמְיָהוּ כ״ג:ל״דבערך תר״ה לפנה״ס
והנביא והכהן והעם אשר יאמר משא יהוה ופקדתי על האיש ההוא ועל ביתו׃
- יִרְמְיָהוּ כ״ג:ל״הבערך תר״ה לפנה״ס
כה תאמרו איש על רעהו ואיש אל אחיו מה ענה יהוה ומה דבר יהוה׃
- יִרְמְיָהוּ כ״ג:ל״ובערך תר״ה לפנה״ס
ומשא יהוה לא תזכרו עוד כי המשא יהיה לאיש דברו והפכתם את דברי אלהים חיים יהוה צבאות אלהינו׃
- יִרְמְיָהוּ כ״ג:ל״זבערך תר״ה לפנה״ס
כה תאמר אל הנביא מה ענך יהוה ומה דבר יהוה׃
- יִרְמְיָהוּ כ״ג:ל״חבערך תר״ה לפנה״ס
ואם משא יהוה תאמרו לכן כה אמר יהוה יען אמרכם את הדבר הזה משא יהוה ואשלח אליכם לאמר לא תאמרו משא יהוה׃
- יִרְמְיָהוּ כ״ג:ל״טבערך תר״ה לפנה״ס
לכן הנני ונשיתי אתכם נשא ונטשתי אתכם ואת העיר אשר נתתי לכם ולאבותיכם מעל פני׃
- יִרְמְיָהוּ כ״ג:מ׳בערך תר״ה לפנה״ס
ונתתי עליכם חרפת עולם וכלמות עולם אשר לא תשכח׃
- יִרְמְיָהוּ כ״ד:א׳בערך תקצ״ח לפנה״ס
¶ הראני יהוה והנה שני דודאי תאנים מועדים לפני היכל יהוה אחרי הגלות נבוכדראצר מלך בבל את יכניהו בן יהויקים מלך יהודה ואת שרי יהודה ואת החרש ואת המסגר מירושלם ויבאם בבל׃
- יִרְמְיָהוּ כ״ד:ב׳בערך תקצ״ח לפנה״ס
הדוד אחד תאנים טבות מאד כתאני הבכרות והדוד אחד תאנים רעות מאד אשר לא תאכלנה מרע׃
- יִרְמְיָהוּ כ״ד:ג׳בערך תקצ״ח לפנה״ס
ויאמר יהוה אלי מה אתה ראה ירמיהו ואמר תאנים התאנים הטבות טבות מאד והרעות רעות מאד אשר לא תאכלנה מרע׃
- יִרְמְיָהוּ כ״ד:ד׳בערך תקצ״ח לפנה״ס
ויהי דבר יהוה אלי לאמר׃
- יִרְמְיָהוּ כ״ד:ה׳בערך תקצ״ח לפנה״ס
כה אמר יהוה אלהי ישראל כתאנים הטבות האלה כן אכיר את גלות יהודה אשר שלחתי מן המקום הזה ארץ כשדים לטובה׃