TRV
circa 800–400 BC
The Hebrew Prophets
God speaks through Isaiah, Jeremiah, and the minor prophets—calling Israel to repentance and foretelling the coming Messiah.
פסוקים מתקופה זו
- יִרְמְיָהוּ כ״ב:א׳בערך תקצ״ח לפנה״ס
¶ כה אמר יהוה רד בית מלך יהודה ודברת שם את הדבר הזה׃
- יִרְמְיָהוּ כ״ב:ב׳בערך תקצ״ח לפנה״ס
ואמרת שמע דבר יהוה מלך יהודה הישב על כסא דוד אתה ועבדיך ועמך הבאים בשערים האלה׃
- יִרְמְיָהוּ כ״ב:ג׳בערך תקצ״ח לפנה״ס
כה אמר יהוה עשו משפט וצדקה והצילו גזול מיד עשוק וגר יתום ואלמנה אל תנו אל תחמסו ודם נקי אל תשפכו במקום הזה׃
- יִרְמְיָהוּ כ״ב:ד׳בערך תקצ״ח לפנה״ס
כי אם עשו תעשו את הדבר הזה ובאו בשערי הבית הזה מלכים ישבים לדוד על כסאו רכבים ברכב ובסוסים הוא ועבדו ועמו׃
- יִרְמְיָהוּ כ״ב:ה׳בערך תקצ״ח לפנה״ס
ואם לא תשמעו את הדברים האלה בי נשבעתי נאם יהוה כי לחרבה יהיה הבית הזה׃
- יִרְמְיָהוּ כ״ב:ו׳בערך תקצ״ח לפנה״ס
כי כה אמר יהוה על בית מלך יהודה גלעד אתה לי ראש הלבנון אם לא אשיתך מדבר ערים לא נושבה׃
- יִרְמְיָהוּ כ״ב:ז׳בערך תקצ״ח לפנה״ס
וקדשתי עליך משחתים איש וכליו וכרתו מבחר ארזיך והפילו על האש׃
- יִרְמְיָהוּ כ״ב:ח׳בערך תקצ״ח לפנה״ס
ועברו גוים רבים על העיר הזאת ואמרו איש אל רעהו על מה עשה יהוה ככה לעיר הגדולה הזאת׃
- יִרְמְיָהוּ כ״ב:ט׳בערך תקצ״ח לפנה״ס
ואמרו על אשר עזבו את ברית יהוה אלהיהם וישתחוו לאלהים אחרים ויעבדום׃
- יִרְמְיָהוּ כ״ב:י׳בערך תקצ״ח לפנה״ס
אל תבכו למת ואל תנדו לו בכו בכו להלך כי לא ישוב עוד וראה את ארץ מולדתו׃
- יִרְמְיָהוּ כ״ב:י״אבערך תקצ״ח לפנה״ס
כי כה אמר יהוה אל שלם בן יאשיהו מלך יהודה המלך תחת יאשיהו אביו אשר יצא מן המקום הזה לא ישוב שם עוד׃
- יִרְמְיָהוּ כ״ב:י״בבערך תקצ״ח לפנה״ס
כי במקום אשר הגלו אתו שם ימות ואת הארץ הזאת לא יראה עוד׃
- יִרְמְיָהוּ כ״ב:י״גבערך תקצ״ח לפנה״ס
הוי בנה ביתו בלא צדק ועליותיו בלא משפט ברעהו יעבד חנם ופעלו לא יתן לו׃
- יִרְמְיָהוּ כ״ב:י״דבערך תקצ״ח לפנה״ס
האמר אבנה לי בית מדות ועליות מרוחים וקרע לו חלוני וספון בארז ומשוח בששר׃
- יִרְמְיָהוּ כ״ב:ט״ובערך תקצ״ח לפנה״ס
התמלך כי אתה מתחרה בארז אביך הלוא אכל ושתה ועשה משפט וצדקה אז טוב לו׃
- יִרְמְיָהוּ כ״ב:ט״זבערך תקצ״ח לפנה״ס
דן דין עני ואביון אז טוב הלוא היא הדעת אתי נאם יהוה׃
- יִרְמְיָהוּ כ״ב:י״זבערך תקצ״ח לפנה״ס
כי אין עיניך ולבך כי אם על בצעך ועל דם הנקי לשפוך ועל העשק ועל המרוצה לעשות׃
- יִרְמְיָהוּ כ״ב:י״חבערך תקצ״ח לפנה״ס
לכן כה אמר יהוה אל יהויקים בן יאשיהו מלך יהודה לא יספדו לו הוי אחי והוי אחות לא יספדו לו הוי אדון והוי הדה׃
- יִרְמְיָהוּ כ״ב:י״טבערך תקצ״ח לפנה״ס
קבורת חמור יקבר סחוב והשלך מהלאה לשערי ירושלם׃
- יִרְמְיָהוּ כ״ב:כ׳בערך תקצ״ח לפנה״ס
עלי הלבנון וצעקי ובבשן תני קולך וצעקי מעברים כי נשברו כל מאהביך׃
- יִרְמְיָהוּ כ״ב:כ״אבערך תקצ״ח לפנה״ס
דברתי אליך בשלותיך אמרת לא אשמע זה דרכך מנעוריך כי לא שמעת בקולי׃
- יִרְמְיָהוּ כ״ב:כ״בבערך תקצ״ח לפנה״ס
כל רעיך תרעה רוח ומאהביך בשבי ילכו כי אז תבשי ונכלמת מכל רעתך׃
- יִרְמְיָהוּ כ״ב:כ״גבערך תקצ״ח לפנה״ס
ישבתי בלבנון מקננתי בארזים מה נחנת בבא לך חבלים חיל כילדה׃
- יִרְמְיָהוּ כ״ב:כ״דבערך תקצ״ח לפנה״ס
חי אני נאם יהוה כי אם יהיה כניהו בן יהויקים מלך יהודה חותם על יד ימיני כי משם אתקנך׃
- יִרְמְיָהוּ כ״ב:כ״הבערך תקצ״ח לפנה״ס
ונתתיך ביד מבקשי נפשך וביד אשר אתה יגור מפניהם וביד נבוכדראצר מלך בבל וביד הכשדים׃