TRV
circa 800–400 BC
The Hebrew Prophets
God speaks through Isaiah, Jeremiah, and the minor prophets—calling Israel to repentance and foretelling the coming Messiah.
פסוקים מתקופה זו
- יִרְמְיָהוּ י״ח:כ״אבערך תר״ח לפנה״ס
לכן תן את בניהם לרעב והגרם על ידי חרב ותהינה נשיהם שכלות ואלמנות ואנשיהם יהיו הרגי מות בחוריהם מכי חרב במלחמה׃
- יִרְמְיָהוּ י״ח:כ״בבערך תר״ח לפנה״ס
תשמע זעקה מבתיהם כי תביא עליהם גדוד פתאם כי כרו שיחה ללכדני ופחים טמנו לרגלי׃
- יִרְמְיָהוּ י״ח:כ״גבערך תר״ח לפנה״ס
ואתה יהוה ידעת את כל עצתם עלי למות אל תכפר על עונם וחטאתם מלפניך אל תמחי והיו מכשלים לפניך בעת אפך עשה בהם׃
- יִרְמְיָהוּ י״ט:א׳בערך תר״ז לפנה״ס
¶ כה אמר יהוה הלוך וקנית בקבק יוצר חרש ומזקני העם ומזקני הכהנים׃
- יִרְמְיָהוּ י״ט:ב׳בערך תר״ז לפנה״ס
ויצאת אל גיא בן הנם אשר פתח שער החרסות וקראת שם את הדברים אשר אדבר אליך׃
- יִרְמְיָהוּ י״ט:ג׳בערך תר״ז לפנה״ס
ואמרת שמעו דבר יהוה מלכי יהודה וישבי ירושלם כה אמר יהוה צבאות אלהי ישראל הנני מביא רעה על המקום הזה אשר כל שמעה תצלנה אזניו׃
- יִרְמְיָהוּ י״ט:ד׳בערך תר״ז לפנה״ס
יען אשר עזבני וינכרו את המקום הזה ויקטרו בו לאלהים אחרים אשר לא ידעום המה ואבותיהם ומלכי יהודה ומלאו את המקום הזה דם נקים׃
- יִרְמְיָהוּ י״ט:ה׳בערך תר״ז לפנה״ס
ובנו את במות הבעל לשרף את בניהם באש עלות לבעל אשר לא צויתי ולא דברתי ולא עלתה על לבי׃
- יִרְמְיָהוּ י״ט:ו׳בערך תר״ז לפנה״ס
לכן הנה ימים באים נאם יהוה ולא יקרא למקום הזה עוד התפת וגיא בן הנם כי אם גיא ההרגה׃
- יִרְמְיָהוּ י״ט:ז׳בערך תר״ז לפנה״ס
ובקתי את עצת יהודה וירושלם במקום הזה והפלתים בחרב לפני איביהם וביד מבקשי נפשם ונתתי את נבלתם למאכל לעוף השמים ולבהמת הארץ׃
- יִרְמְיָהוּ י״ט:ח׳בערך תר״ז לפנה״ס
ושמתי את העיר הזאת לשמה ולשרקה כל עבר עליה ישם וישרק על כל מכתה׃
- יִרְמְיָהוּ י״ט:ט׳בערך תר״ז לפנה״ס
והאכלתים את בשר בניהם ואת בשר בנתיהם ואיש בשר רעהו יאכלו במצור ובמצוק אשר יציקו להם איביהם ומבקשי נפשם׃
- יִרְמְיָהוּ י״ט:י׳בערך תר״ז לפנה״ס
ושברת הבקבק לעיני האנשים ההלכים אותך׃
- יִרְמְיָהוּ י״ט:י״אבערך תר״ז לפנה״ס
ואמרת אליהם כה אמר יהוה צבאות ככה אשבר את העם הזה ואת העיר הזאת כאשר ישבר את כלי היוצר אשר לא יוכל להרפה עוד ובתפת יקברו מאין מקום לקבור׃
- יִרְמְיָהוּ י״ט:י״בבערך תר״ז לפנה״ס
כן אעשה למקום הזה נאם יהוה וליושביו ולתת את העיר הזאת כתפת׃
- יִרְמְיָהוּ י״ט:י״גבערך תר״ז לפנה״ס
והיו בתי ירושלם ובתי מלכי יהודה כמקום התפת הטמאים לכל הבתים אשר קטרו על גגתיהם לכל צבא השמים והסך נסכים לאלהים אחרים׃
- יִרְמְיָהוּ י״ט:י״דבערך תר״ז לפנה״ס
ויבא ירמיהו מהתפת אשר שלחו יהוה שם להנבא ויעמד בחצר בית יהוה ויאמר אל כל העם׃
- יִרְמְיָהוּ י״ט:ט״ובערך תר״ז לפנה״ס
כה אמר יהוה צבאות אלהי ישראל הנני מבי אל העיר הזאת ועל כל עריה את כל הרעה אשר דברתי עליה כי הקשו את ערפם לבלתי שמוע את דברי׃
- יִרְמְיָהוּ כ׳:א׳בערך תר״ז לפנה״ס
¶ וישמע פשחור בן אמר הכהן והוא פקיד נגיד בבית יהוה את ירמיהו נבא את הדברים האלה׃
- יִרְמְיָהוּ כ׳:ב׳בערך תר״ז לפנה״ס
ויכה פשחור את ירמיהו הנביא ויתן אתו על המהפכת אשר בשער בנימן העליון אשר בבית יהוה׃
- יִרְמְיָהוּ כ׳:ג׳בערך תר״ז לפנה״ס
ויהי ממחרת ויצא פשחור את ירמיהו מן המהפכת ויאמר אליו ירמיהו לא פשחור קרא יהוה שמך כי אם מגור מסביב׃
- יִרְמְיָהוּ כ׳:ד׳בערך תר״ז לפנה״ס
כי כה אמר יהוה הנני נתנך למגור לך ולכל אהביך ונפלו בחרב איביהם ועיניך ראות ואת כל יהודה אתן ביד מלך בבל והגלם בבלה והכם בחרב׃
- יִרְמְיָהוּ כ׳:ה׳בערך תר״ז לפנה״ס
ונתתי את כל חסן העיר הזאת ואת כל יגיעה ואת כל יקרה ואת כל אוצרות מלכי יהודה אתן ביד איביהם ובזזום ולקחום והביאום בבלה׃
- יִרְמְיָהוּ כ׳:ו׳בערך תר״ז לפנה״ס
ואתה פשחור וכל ישבי ביתך תלכו בשבי ובבל תבוא ושם תמות ושם תקבר אתה וכל אהביך אשר נבאת להם בשקר׃
- יִרְמְיָהוּ כ׳:ז׳בערך תר״ז לפנה״ס
פתיתני יהוה ואפת חזקתני ותוכל הייתי לשחוק כל היום כלה לעג לי׃