TRV
circa 800–400 BC
The Hebrew Prophets
God speaks through Isaiah, Jeremiah, and the minor prophets—calling Israel to repentance and foretelling the coming Messiah.
פסוקים מתקופה זו
- יִרְמְיָהוּ כ״ו:ח׳בערך תר״י לפנה״ס
ויהי ככלות ירמיהו לדבר את כל אשר צוה יהוה לדבר אל כל העם ויתפשו אתו הכהנים והנבאים וכל העם לאמר מות תמות׃
- יִרְמְיָהוּ כ״ו:ט׳בערך תר״י לפנה״ס
מדוע נבית בשם יהוה לאמר כשלו יהיה הבית הזה והעיר הזאת תחרב מאין יושב ויקהל כל העם אל ירמיהו בבית יהוה׃
- יִרְמְיָהוּ כ״ו:י׳בערך תר״י לפנה״ס
וישמעו שרי יהודה את הדברים האלה ויעלו מבית המלך בית יהוה וישבו בפתח שער יהוה החדש׃
- יִרְמְיָהוּ כ״ו:י״אבערך תר״י לפנה״ס
ויאמרו הכהנים והנבאים אל השרים ואל כל העם לאמר משפט מות לאיש הזה כי נבא אל העיר הזאת כאשר שמעתם באזניכם׃
- יִרְמְיָהוּ כ״ו:י״בבערך תר״י לפנה״ס
ויאמר ירמיהו אל כל השרים ואל כל העם לאמר יהוה שלחני להנבא אל הבית הזה ואל העיר הזאת את כל הדברים אשר שמעתם׃
- יִרְמְיָהוּ כ״ו:י״גבערך תר״י לפנה״ס
ועתה היטיבו דרכיכם ומעלליכם ושמעו בקול יהוה אלהיכם וינחם יהוה אל הרעה אשר דבר עליכם׃
- יִרְמְיָהוּ כ״ו:י״דבערך תר״י לפנה״ס
ואני הנני בידכם עשו לי כטוב וכישר בעיניכם׃
- יִרְמְיָהוּ כ״ו:ט״ובערך תר״י לפנה״ס
אך ידע תדעו כי אם ממתים אתם אתי כי דם נקי אתם נתנים עליכם ואל העיר הזאת ואל ישביה כי באמת שלחני יהוה עליכם לדבר באזניכם את כל הדברים האלה׃
- יִרְמְיָהוּ כ״ו:ט״זבערך תר״י לפנה״ס
ויאמרו השרים וכל העם אל הכהנים ואל הנביאים אין לאיש הזה משפט מות כי בשם יהוה אלהינו דבר אלינו׃
- יִרְמְיָהוּ כ״ו:י״זבערך תר״י לפנה״ס
ויקמו אנשים מזקני הארץ ויאמרו אל כל קהל העם לאמר׃
- יִרְמְיָהוּ כ״ו:י״חבערך תר״י לפנה״ס
מיכיה המורשתי היה נבא בימי חזקיהו מלך יהודה ויאמר אל כל עם יהודה לאמר כה אמר יהוה צבאות ציון שדה תחרש וירושלים עיים תהיה והר הבית לבמות יער׃
- יִרְמְיָהוּ כ״ו:י״טבערך תר״י לפנה״ס
ההמת המתהו חזקיהו מלך יהודה וכל יהודה הלא ירא את יהוה ויחל את פני יהוה וינחם יהוה אל הרעה אשר דבר עליהם ואנחנו עשים רעה גדולה על נפשותינו׃
- יִרְמְיָהוּ כ״ו:כ׳בערך תר״י לפנה״ס
וגם איש היה מתנבא בשם יהוה אוריהו בן שמעיהו מקרית היערים וינבא על העיר הזאת ועל הארץ הזאת ככל דברי ירמיהו׃
- יִרְמְיָהוּ כ״ו:כ״אבערך תר״י לפנה״ס
וישמע המלך יהויקים וכל גבוריו וכל השרים את דבריו ויבקש המלך המיתו וישמע אוריהו וירא ויברח ויבא מצרים׃
- יִרְמְיָהוּ כ״ו:כ״בבערך תר״י לפנה״ס
וישלח המלך יהויקים אנשים מצרים את אלנתן בן עכבור ואנשים אתו אל מצרים׃
- יִרְמְיָהוּ כ״ו:כ״גבערך תר״י לפנה״ס
ויוציאו את אוריהו ממצרים ויבאהו אל המלך יהויקים ויכהו בחרב וישלך את נבלתו אל קברי בני העם׃
- יִרְמְיָהוּ כ״ו:כ״דבערך תר״י לפנה״ס
אך יד אחיקם בן שפן היתה את ירמיהו לבלתי תת אתו ביד העם להמיתו׃
- יִרְמְיָהוּ כ״ז:א׳בערך תקצ״ה לפנה״ס
¶ בראשית ממלכת יהויקם בן יאושיהו מלך יהודה היה הדבר הזה אל ירמיה מאת יהוה לאמר׃
- יִרְמְיָהוּ כ״ז:ב׳בערך תקצ״ה לפנה״ס
כה אמר יהוה אלי עשה לך מוסרות ומטות ונתתם על צוארך׃
- יִרְמְיָהוּ כ״ז:ג׳בערך תקצ״ה לפנה״ס
ושלחתם אל מלך אדום ואל מלך מואב ואל מלך בני עמון ואל מלך צר ואל מלך צידון ביד מלאכים הבאים ירושלם אל צדקיהו מלך יהודה׃
- יִרְמְיָהוּ כ״ז:ד׳בערך תקצ״ה לפנה״ס
וצוית אתם אל אדניהם לאמר כה אמר יהוה צבאות אלהי ישראל כה תאמרו אל אדניכם׃
- יִרְמְיָהוּ כ״ז:ה׳בערך תקצ״ה לפנה״ס
אנכי עשיתי את הארץ את האדם ואת הבהמה אשר על פני הארץ בכחי הגדול ובזרועי הנטויה ונתתיה לאשר ישר בעיני׃
- יִרְמְיָהוּ כ״ז:ו׳בערך תקצ״ה לפנה״ס
ועתה אנכי נתתי את כל הארצות האלה ביד נבוכדנאצר מלך בבל עבדי וגם את חית השדה נתתי לו לעבדו׃
- יִרְמְיָהוּ כ״ז:ז׳בערך תקצ״ה לפנה״ס
ועבדו אתו כל הגוים ואת בנו ואת בן בנו עד בא עת ארצו גם הוא ועבדו בו גוים רבים ומלכים גדלים׃
- יִרְמְיָהוּ כ״ז:ח׳בערך תקצ״ה לפנה״ס
והיה הגוי והממלכה אשר לא יעבדו אתו את נבוכדנאצר מלך בבל ואת אשר לא יתן את צוארו בעל מלך בבל בחרב וברעב ובדבר אפקד על הגוי ההוא נאם יהוה עד תמי אתם בידו׃