TRV
circa 800–400 BC
The Hebrew Prophets
God speaks through Isaiah, Jeremiah, and the minor prophets—calling Israel to repentance and foretelling the coming Messiah.
פסוקים מתקופה זו
- יִרְמְיָהוּ כ״ז:ט׳בערך תקצ״ה לפנה״ס
ואתם אל תשמעו אל נביאיכם ואל קסמיכם ואל חלמתיכם ואל ענניכם ואל כשפיכם אשר הם אמרים אליכם לאמר לא תעבדו את מלך בבל׃
- יִרְמְיָהוּ כ״ז:י׳בערך תקצ״ה לפנה״ס
כי שקר הם נבאים לכם למען הרחיק אתכם מעל אדמתכם והדחתי אתכם ואבדתם׃
- יִרְמְיָהוּ כ״ז:י״אבערך תקצ״ה לפנה״ס
והגוי אשר יביא את צוארו בעל מלך בבל ועבדו והנחתיו על אדמתו נאם יהוה ועבדה וישב בה׃
- יִרְמְיָהוּ כ״ז:י״בבערך תקצ״ה לפנה״ס
ואל צדקיה מלך יהודה דברתי ככל הדברים האלה לאמר הביאו את צואריכם בעל מלך בבל ועבדו אתו ועמו וחיו׃
- יִרְמְיָהוּ כ״ז:י״גבערך תקצ״ה לפנה״ס
למה תמותו אתה ועמך בחרב ברעב ובדבר כאשר דבר יהוה אל הגוי אשר לא יעבד את מלך בבל׃
- יִרְמְיָהוּ כ״ז:י״דבערך תקצ״ה לפנה״ס
ואל תשמעו אל דברי הנבאים האמרים אליכם לאמר לא תעבדו את מלך בבל כי שקר הם נבאים לכם׃
- יִרְמְיָהוּ כ״ז:ט״ובערך תקצ״ה לפנה״ס
כי לא שלחתים נאם יהוה והם נבאים בשמי לשקר למען הדיחי אתכם ואבדתם אתם והנבאים הנבאים לכם׃
- יִרְמְיָהוּ כ״ז:ט״זבערך תקצ״ה לפנה״ס
ואל הכהנים ואל כל העם הזה דברתי לאמר כה אמר יהוה אל תשמעו אל דברי נביאיכם הנבאים לכם לאמר הנה כלי בית יהוה מושבים מבבלה עתה מהרה כי שקר המה נבאים לכם׃
- יִרְמְיָהוּ כ״ז:י״זבערך תקצ״ה לפנה״ס
אל תשמעו אליהם עבדו את מלך בבל וחיו למה תהיה העיר הזאת חרבה׃
- יִרְמְיָהוּ כ״ז:י״חבערך תקצ״ה לפנה״ס
ואם נבאים הם ואם יש דבר יהוה אתם יפגעו נא ביהוה צבאות לבלתי באו הכלים הנותרים בבית יהוה ובית מלך יהודה ובירושלם בבלה׃
- יִרְמְיָהוּ כ״ז:י״טבערך תקצ״ה לפנה״ס
כי כה אמר יהוה צבאות אל העמדים ועל הים ועל המכנות ועל יתר הכלים הנותרים בעיר הזאת׃
- יִרְמְיָהוּ כ״ז:כ׳בערך תקצ״ה לפנה״ס
אשר לא לקחם נבוכדנאצר מלך בבל בגלותו את יכוניה בן יהויקים מלך יהודה מירושלם בבלה ואת כל חרי יהודה וירושלם׃
- יִרְמְיָהוּ כ״ז:כ״אבערך תקצ״ה לפנה״ס
כי כה אמר יהוה צבאות אלהי ישראל על הכלים הנותרים בית יהוה ובית מלך יהודה וירושלם׃
- יִרְמְיָהוּ כ״ז:כ״בבערך תקצ״ה לפנה״ס
בבלה יובאו ושמה יהיו עד יום פקדי אתם נאם יהוה והעליתים והשיבתים אל המקום הזה׃
- יִרְמְיָהוּ כ״ח:א׳בערך תקצ״ה לפנה״ס
¶ ויהי בשנה ההיא בראשית ממלכת צדקיה מלך יהודה בשנת הרבעית בחדש החמישי אמר אלי חנניה בן עזור הנביא אשר מגבעון בבית יהוה לעיני הכהנים וכל העם לאמר׃
- יִרְמְיָהוּ כ״ח:ב׳בערך תקצ״ה לפנה״ס
כה אמר יהוה צבאות אלהי ישראל לאמר שברתי את על מלך בבל׃
- יִרְמְיָהוּ כ״ח:ג׳בערך תקצ״ה לפנה״ס
בעוד שנתים ימים אני משיב אל המקום הזה את כל כלי בית יהוה אשר לקח נבוכדנאצר מלך בבל מן המקום הזה ויביאם בבל׃
- יִרְמְיָהוּ כ״ח:ד׳בערך תקצ״ה לפנה״ס
ואת יכניה בן יהויקים מלך יהודה ואת כל גלות יהודה הבאים בבלה אני משיב אל המקום הזה נאם יהוה כי אשבר את על מלך בבל׃
- יִרְמְיָהוּ כ״ח:ה׳בערך תקצ״ה לפנה״ס
ויאמר ירמיה הנביא אל חנניה הנביא לעיני הכהנים ולעיני כל העם העמדים בבית יהוה׃
- יִרְמְיָהוּ כ״ח:ו׳בערך תקצ״ה לפנה״ס
ויאמר ירמיה הנביא אמן כן יעשה יהוה יקם יהוה את דבריך אשר נבאת להשיב כלי בית יהוה וכל הגולה מבבל אל המקום הזה׃
- יִרְמְיָהוּ כ״ח:ז׳בערך תקצ״ה לפנה״ס
אך שמע נא הדבר הזה אשר אנכי דבר באזניך ובאזני כל העם׃
- יִרְמְיָהוּ כ״ח:ח׳בערך תקצ״ה לפנה״ס
הנביאים אשר היו לפני ולפניך מן העולם וינבאו אל ארצות רבות ועל ממלכות גדלות למלחמה ולרעה ולדבר׃
- יִרְמְיָהוּ כ״ח:ט׳בערך תקצ״ה לפנה״ס
הנביא אשר ינבא לשלום בבא דבר הנביא יודע הנביא אשר שלחו יהוה באמת׃
- יִרְמְיָהוּ כ״ח:י׳בערך תקצ״ה לפנה״ס
ויקח חנניה הנביא את המוטה מעל צואר ירמיה הנביא וישברהו׃
- יִרְמְיָהוּ כ״ח:י״אבערך תקצ״ה לפנה״ס
ויאמר חנניה לעיני כל העם לאמר כה אמר יהוה ככה אשבר את על נבכדנאצר מלך בבל בעוד שנתים ימים מעל צואר כל הגוים וילך ירמיה הנביא לדרכו׃