TRV
circa 800–400 BC
The Hebrew Prophets
God speaks through Isaiah, Jeremiah, and the minor prophets—calling Israel to repentance and foretelling the coming Messiah.
פסוקים מתקופה זו
- יִרְמְיָהוּ כ״ט:כ׳בערך תקצ״ט לפנה״ס
ואתם שמעו דבר יהוה כל הגולה אשר שלחתי מירושלם בבלה׃
- יִרְמְיָהוּ כ״ט:כ״אבערך תקצ״ט לפנה״ס
כה אמר יהוה צבאות אלהי ישראל אל אחאב בן קוליה ואל צדקיהו בן מעשיה הנבאים לכם בשמי שקר הנני נתן אתם ביד נבוכדראצר מלך בבל והכם לעיניכם׃
- יִרְמְיָהוּ כ״ט:כ״בבערך תקצ״ט לפנה״ס
ולקח מהם קללה לכל גלות יהודה אשר בבבל לאמר ישמך יהוה כצדקיהו וכאחב אשר קלם מלך בבל באש׃
- יִרְמְיָהוּ כ״ט:כ״גבערך תקצ״ט לפנה״ס
יען אשר עשו נבלה בישראל וינאפו את נשי רעיהם וידברו דבר בשמי שקר אשר לוא צויתם ואנכי הוידע ועד נאם יהוה׃
- יִרְמְיָהוּ כ״ט:כ״דבערך תקצ״ט לפנה״ס
ואל שמעיהו הנחלמי תאמר לאמר׃
- יִרְמְיָהוּ כ״ט:כ״הבערך תקצ״ט לפנה״ס
כה אמר יהוה צבאות אלהי ישראל לאמר יען אשר אתה שלחת בשמכה ספרים אל כל העם אשר בירושלם ואל צפניה בן מעשיה הכהן ואל כל הכהנים לאמר׃
- יִרְמְיָהוּ כ״ט:כ״ובערך תקצ״ט לפנה״ס
יהוה נתנך כהן תחת יהוידע הכהן להיות פקדים בית יהוה לכל איש משגע ומתנבא ונתתה אתו אל המהפכת ואל הצינק׃
- יִרְמְיָהוּ כ״ט:כ״זבערך תקצ״ט לפנה״ס
ועתה למה לא גערת בירמיהו הענתתי המתנבא לכם׃
- יִרְמְיָהוּ כ״ט:כ״חבערך תקצ״ט לפנה״ס
כי על כן שלח אלינו בבל לאמר ארכה היא בנו בתים ושבו ונטעו גנות ואכלו את פריהן׃
- יִרְמְיָהוּ כ״ט:כ״טבערך תקצ״ט לפנה״ס
ויקרא צפניה הכהן את הספר הזה באזני ירמיהו הנביא׃
- יִרְמְיָהוּ כ״ט:ל׳בערך תקצ״ט לפנה״ס
ויהי דבר יהוה אל ירמיהו לאמר׃
- יִרְמְיָהוּ כ״ט:ל״אבערך תקצ״ט לפנה״ס
שלח על כל הגולה לאמר כה אמר יהוה אל שמעיה הנחלמי יען אשר נבא לכם שמעיה ואני לא שלחתיו ויבטח אתכם על שקר׃
- יִרְמְיָהוּ כ״ט:ל״בבערך תקצ״ט לפנה״ס
לכן כה אמר יהוה הנני פקד על שמעיה הנחלמי ועל זרעו לא יהיה לו איש יושב בתוך העם הזה ולא יראה בטוב אשר אני עשה לעמי נאם יהוה כי סרה דבר על יהוה׃
- יִרְמְיָהוּ ל׳:א׳בערך תר״ו לפנה״ס
¶ הדבר אשר היה אל ירמיהו מאת יהוה לאמר׃
- יִרְמְיָהוּ ל׳:ב׳בערך תר״ו לפנה״ס
כה אמר יהוה אלהי ישראל לאמר כתב לך את כל הדברים אשר דברתי אליך אל ספר׃
- יִרְמְיָהוּ ל׳:ג׳בערך תר״ו לפנה״ס
כי הנה ימים באים נאם יהוה ושבתי את שבות עמי ישראל ויהודה אמר יהוה והשבתים אל הארץ אשר נתתי לאבותם וירשוה׃
- יִרְמְיָהוּ ל׳:ד׳בערך תר״ו לפנה״ס
ואלה הדברים אשר דבר יהוה אל ישראל ואל יהודה׃
- יִרְמְיָהוּ ל׳:ה׳בערך תר״ו לפנה״ס
כי כה אמר יהוה קול חרדה שמענו פחד ואין שלום׃
- יִרְמְיָהוּ ל׳:ו׳בערך תר״ו לפנה״ס
שאלו נא וראו אם ילד זכר מדוע ראיתי כל גבר ידיו על חלציו כיולדה ונהפכו כל פנים לירקון׃
- יִרְמְיָהוּ ל׳:ז׳בערך תר״ו לפנה״ס
הוי כי גדול היום ההוא מאין כמהו ועת צרה היא ליעקב וממנה יושע׃
- יִרְמְיָהוּ ל׳:ח׳בערך תר״ו לפנה״ס
והיה ביום ההוא נאם יהוה צבאות אשבר עלו מעל צוארך ומוסרותיך אנתק ולא יעבדו בו עוד זרים׃
- יִרְמְיָהוּ ל׳:ט׳בערך תר״ו לפנה״ס
ועבדו את יהוה אלהיהם ואת דוד מלכם אשר אקים להם׃
- יִרְמְיָהוּ ל׳:י׳בערך תר״ו לפנה״ס
ואתה אל תירא עבדי יעקב נאם יהוה ואל תחת ישראל כי הנני מושיעך מרחוק ואת זרעך מארץ שבים ושב יעקב ושקט ושאנן ואין מחריד׃
- יִרְמְיָהוּ ל׳:י״אבערך תר״ו לפנה״ס
כי אתך אני נאם יהוה להושיעך כי אעשה כלה בכל הגוים אשר הפצותיך שם אך אתך לא אעשה כלה ויסרתיך למשפט ונקה לא אנקך׃
- יִרְמְיָהוּ ל׳:י״בבערך תר״ו לפנה״ס
כי כה אמר יהוה אנוש לשברך נחלה מכתך׃