TRV
circa 800–400 BC
The Hebrew Prophets
God speaks through Isaiah, Jeremiah, and the minor prophets—calling Israel to repentance and foretelling the coming Messiah.
פסוקים מתקופה זו
- יִרְמְיָהוּ כ״ח:י״בבערך תקצ״ה לפנה״ס
ויהי דבר יהוה אל ירמיה אחרי שבור חנניה הנביא את המוטה מעל צואר ירמיה הנביא לאמר׃
- יִרְמְיָהוּ כ״ח:י״גבערך תקצ״ה לפנה״ס
הלוך ואמרת אל חנניה לאמר כה אמר יהוה מוטת עץ שברת ועשית תחתיהן מטות ברזל׃
- יִרְמְיָהוּ כ״ח:י״דבערך תקצ״ה לפנה״ס
כי כה אמר יהוה צבאות אלהי ישראל על ברזל נתתי על צואר כל הגוים האלה לעבד את נבכדנאצר מלך בבל ועבדהו וגם את חית השדה נתתי לו׃
- יִרְמְיָהוּ כ״ח:ט״ובערך תקצ״ה לפנה״ס
ויאמר ירמיה הנביא אל חנניה הנביא שמע נא חנניה לא שלחך יהוה ואתה הבטחת את העם הזה על שקר׃
- יִרְמְיָהוּ כ״ח:ט״זבערך תקצ״ה לפנה״ס
לכן כה אמר יהוה הנני משלחך מעל פני האדמה השנה אתה מת כי סרה דברת אל יהוה׃
- יִרְמְיָהוּ כ״ח:י״זבערך תקצ״ה לפנה״ס
וימת חנניה הנביא בשנה ההיא בחדש השביעי׃
- יִרְמְיָהוּ כ״ט:א׳בערך תקצ״ט לפנה״ס
¶ ואלה דברי הספר אשר שלח ירמיה הנביא מירושלם אל יתר זקני הגולה ואל הכהנים ואל הנביאים ואל כל העם אשר הגלה נבוכדנאצר מירושלם בבלה׃
- יִרְמְיָהוּ כ״ט:ב׳בערך תקצ״ט לפנה״ס
אחרי צאת יכניה המלך והגבירה והסריסים שרי יהודה וירושלם והחרש והמסגר מירושלם׃
- יִרְמְיָהוּ כ״ט:ג׳בערך תקצ״ט לפנה״ס
ביד אלעשה בן שפן וגמריה בן חלקיה אשר שלח צדקיה מלך יהודה אל נבוכדנאצר מלך בבל בבלה לאמר׃
- יִרְמְיָהוּ כ״ט:ד׳בערך תקצ״ט לפנה״ס
כה אמר יהוה צבאות אלהי ישראל לכל הגולה אשר הגליתי מירושלם בבלה׃
- יִרְמְיָהוּ כ״ט:ה׳בערך תקצ״ט לפנה״ס
בנו בתים ושבו ונטעו גנות ואכלו את פרין׃
- יִרְמְיָהוּ כ״ט:ו׳בערך תקצ״ט לפנה״ס
קחו נשים והולידו בנים ובנות וקחו לבניכם נשים ואת בנותיכם תנו לאנשים ותלדנה בנים ובנות ורבו שם ואל תמעטו׃
- יִרְמְיָהוּ כ״ט:ז׳בערך תקצ״ט לפנה״ס
ודרשו את שלום העיר אשר הגליתי אתכם שמה והתפללו בעדה אל יהוה כי בשלומה יהיה לכם שלום׃
- יִרְמְיָהוּ כ״ט:ח׳בערך תקצ״ט לפנה״ס
כי כה אמר יהוה צבאות אלהי ישראל אל ישיאו לכם נביאיכם אשר בקרבכם וקסמיכם ואל תשמעו אל חלמתיכם אשר אתם מחלמים׃
- יִרְמְיָהוּ כ״ט:ט׳בערך תקצ״ט לפנה״ס
כי בשקר הם נבאים לכם בשמי לא שלחתים נאם יהוה׃
- יִרְמְיָהוּ כ״ט:י׳בערך תקצ״ט לפנה״ס
כי כה אמר יהוה כי לפי מלאת לבבל שבעים שנה אפקד אתכם והקמתי עליכם את דברי הטוב להשיב אתכם אל המקום הזה׃
- יִרְמְיָהוּ כ״ט:י״אבערך תקצ״ט לפנה״ס
כי אנכי ידעתי את המחשבת אשר אנכי חשב עליכם נאם יהוה מחשבות שלום ולא לרעה לתת לכם אחרית ותקוה׃
- יִרְמְיָהוּ כ״ט:י״בבערך תקצ״ט לפנה״ס
וקראתם אתי והלכתם והתפללתם אלי ושמעתי אליכם׃
- יִרְמְיָהוּ כ״ט:י״גבערך תקצ״ט לפנה״ס
ובקשתם אתי ומצאתם כי תדרשני בכל לבבכם׃
- יִרְמְיָהוּ כ״ט:י״דבערך תקצ״ט לפנה״ס
ונמצאתי לכם נאם יהוה ושבתי את שביתכם וקבצתי אתכם מכל הגוים ומכל המקומות אשר הדחתי אתכם שם נאם יהוה והשבתי אתכם אל המקום אשר הגליתי אתכם משם׃
- יִרְמְיָהוּ כ״ט:ט״ובערך תקצ״ט לפנה״ס
כי אמרתם הקים לנו יהוה נבאים בבלה׃
- יִרְמְיָהוּ כ״ט:ט״זבערך תקצ״ט לפנה״ס
כי כה אמר יהוה אל המלך היושב אל כסא דוד ואל כל העם היושב בעיר הזאת אחיכם אשר לא יצאו אתכם בגולה׃
- יִרְמְיָהוּ כ״ט:י״זבערך תקצ״ט לפנה״ס
כה אמר יהוה צבאות הנני משלח בם את החרב את הרעב ואת הדבר ונתתי אותם כתאנים השערים אשר לא תאכלנה מרע׃
- יִרְמְיָהוּ כ״ט:י״חבערך תקצ״ט לפנה״ס
ורדפתי אחריהם בחרב ברעב ובדבר ונתתים לזועה לכל ממלכות הארץ לאלה ולשמה ולשרקה ולחרפה בכל הגוים אשר הדחתים שם׃
- יִרְמְיָהוּ כ״ט:י״טבערך תקצ״ט לפנה״ס
תחת אשר לא שמעו אל דברי נאם יהוה אשר שלחתי אליהם את עבדי הנבאים השכם ושלח ולא שמעתם נאם יהוה׃