TRV
circa 800–400 BC
The Hebrew Prophets
God speaks through Isaiah, Jeremiah, and the minor prophets—calling Israel to repentance and foretelling the coming Messiah.
פסוקים מתקופה זו
- יִרְמְיָהוּ ל׳:י״גבערך תר״ו לפנה״ס
אין דן דינך למזור רפאות תעלה אין לך׃
- יִרְמְיָהוּ ל׳:י״דבערך תר״ו לפנה״ס
כל מאהביך שכחוך אותך לא ידרשו כי מכת אויב הכיתיך מוסר אכזרי על רב עונך עצמו חטאתיך׃
- יִרְמְיָהוּ ל׳:ט״ובערך תר״ו לפנה״ס
מה תזעק על שברך אנוש מכאבך על רב עונך עצמו חטאתיך עשיתי אלה לך׃
- יִרְמְיָהוּ ל׳:ט״זבערך תר״ו לפנה״ס
לכן כל אכליך יאכלו וכל צריך כלם בשבי ילכו והיו שאסיך למשסה וכל בזזיך אתן לבז׃
- יִרְמְיָהוּ ל׳:י״זבערך תר״ו לפנה״ס
כי אעלה ארכה לך וממכותיך ארפאך נאם יהוה כי נדחה קראו לך ציון היא דרש אין לה׃
- יִרְמְיָהוּ ל׳:י״חבערך תר״ו לפנה״ס
כה אמר יהוה הנני שב שבות אהלי יעקוב ומשכנתיו ארחם ונבנתה עיר על תלה וארמון על משפטו ישב׃
- יִרְמְיָהוּ ל׳:י״טבערך תר״ו לפנה״ס
ויצא מהם תודה וקול משחקים והרבתים ולא ימעטו והכבדתים ולא יצערו׃
- יִרְמְיָהוּ ל׳:כ׳בערך תר״ו לפנה״ס
והיו בניו כקדם ועדתו לפני תכון ופקדתי על כל לחציו׃
- יִרְמְיָהוּ ל׳:כ״אבערך תר״ו לפנה״ס
והיה אדירו ממנו ומשלו מקרבו יצא והקרבתיו ונגש אלי כי מי הוא זה ערב את לבו לגשת אלי נאם יהוה׃
- יִרְמְיָהוּ ל׳:כ״בבערך תר״ו לפנה״ס
והייתם לי לעם ואנכי אהיה לכם לאלהים׃
- יִרְמְיָהוּ ל׳:כ״גבערך תר״ו לפנה״ס
הנה סערת יהוה חמה יצאה סער מתגורר על ראש רשעים יחול׃
- יִרְמְיָהוּ ל׳:כ״דבערך תר״ו לפנה״ס
לא ישוב חרון אף יהוה עד עשתו ועד הקימו מזמות לבו באחרית הימים תתבוננו בה׃
- יִרְמְיָהוּ ל״א:א׳בערך תר״ו לפנה״ס
¶ בעת ההיא נאם יהוה אהיה לאלהים לכל משפחות ישראל והמה יהיו לי לעם׃
- יִרְמְיָהוּ ל״א:ב׳בערך תר״ו לפנה״ס
כה אמר יהוה מצא חן במדבר עם שרידי חרב הלוך להרגיעו ישראל׃
- יִרְמְיָהוּ ל״א:ג׳בערך תר״ו לפנה״ס
מרחוק יהוה נראה לי ואהבת עולם אהבתיך על כן משכתיך חסד׃
- יִרְמְיָהוּ ל״א:ד׳בערך תר״ו לפנה״ס
עוד אבנך ונבנית בתולת ישראל עוד תעדי תפיך ויצאת במחול משחקים׃
- יִרְמְיָהוּ ל״א:ה׳בערך תר״ו לפנה״ס
עוד תטעי כרמים בהרי שמרון נטעו נטעים וחללו׃
- יִרְמְיָהוּ ל״א:ו׳בערך תר״ו לפנה״ס
כי יש יום קראו נצרים בהר אפרים קומו ונעלה ציון אל יהוה אלהינו׃
- יִרְמְיָהוּ ל״א:ז׳בערך תר״ו לפנה״ס
כי כה אמר יהוה רנו ליעקב שמחה וצהלו בראש הגוים השמיעו הללו ואמרו הושע יהוה את עמך את שארית ישראל׃
- יִרְמְיָהוּ ל״א:ח׳בערך תר״ו לפנה״ס
הנני מביא אותם מארץ צפון וקבצתים מירכתי ארץ בם עור ופסח הרה וילדת יחדו קהל גדול ישובו הנה׃
- יִרְמְיָהוּ ל״א:ט׳בערך תר״ו לפנה״ס
בבכי יבאו ובתחנונים אובילם אוליכם אל נחלי מים בדרך ישר לא יכשלו בה כי הייתי לישראל לאב ואפרים בכרי הוא׃
- יִרְמְיָהוּ ל״א:י׳בערך תר״ו לפנה״ס
שמעו דבר יהוה גוים והגידו באיים ממרחק ואמרו מזרה ישראל יקבצנו ושמרו כרעה עדרו׃
- יִרְמְיָהוּ ל״א:י״אבערך תר״ו לפנה״ס
כי פדה יהוה את יעקב וגאלו מיד חזק ממנו׃
- יִרְמְיָהוּ ל״א:י״בבערך תר״ו לפנה״ס
ובאו ורננו במרום ציון ונהרו אל טוב יהוה על דגן ועל תירש ועל יצהר ועל בני צאן ובקר והיתה נפשם כגן רוה ולא יוסיפו לדאבה עוד׃
- יִרְמְיָהוּ ל״א:י״גבערך תר״ו לפנה״ס
אז תשמח בתולה במחול ובחרים וזקנים יחדו והפכתי אבלם לששון ונחמתים ושמחתים מיגונם׃