TRV
circa 800–400 BC
The Hebrew Prophets
God speaks through Isaiah, Jeremiah, and the minor prophets—calling Israel to repentance and foretelling the coming Messiah.
פסוקים מתקופה זו
- יִרְמְיָהוּ ל״א:י״דבערך תר״ו לפנה״ס
ורויתי נפש הכהנים דשן ועמי את טובי ישבעו נאם יהוה׃
- יִרְמְיָהוּ ל״א:ט״ובערך תר״ו לפנה״ס
כה אמר יהוה קול ברמה נשמע נהי בכי תמרורים רחל מבכה על בניה מאנה להנחם על בניה כי איננו׃
- יִרְמְיָהוּ ל״א:ט״זבערך תר״ו לפנה״ס
כה אמר יהוה מנעי קולך מבכי ועיניך מדמעה כי יש שכר לפעלתך נאם יהוה ושבו מארץ אויב׃
- יִרְמְיָהוּ ל״א:י״זבערך תר״ו לפנה״ס
ויש תקוה לאחריתך נאם יהוה ושבו בנים לגבולם׃
- יִרְמְיָהוּ ל״א:י״חבערך תר״ו לפנה״ס
שמוע שמעתי אפרים מתנודד יסרתני ואוסר כעגל לא למד השבני ואשובה כי אתה יהוה אלהי׃
- יִרְמְיָהוּ ל״א:י״טבערך תר״ו לפנה״ס
כי אחרי שובי נחמתי ואחרי הודעי ספקתי על ירך בשתי וגם נכלמתי כי נשאתי חרפת נעורי׃
- יִרְמְיָהוּ ל״א:כ׳בערך תר״ו לפנה״ס
הבן יקיר לי אפרים אם ילד שעשועים כי מדי דברי בו זכר אזכרנו עוד על כן המו מעי לו רחם ארחמנו נאם יהוה׃
- יִרְמְיָהוּ ל״א:כ״אבערך תר״ו לפנה״ס
הציבי לך צינים שמי לך תמרורים שתי לבך למסלה דרך הלכתי שובי בתולת ישראל שבי אל עריך אלה׃
- יִרְמְיָהוּ ל״א:כ״בבערך תר״ו לפנה״ס
עד מתי תתחמקין הבת השובבה כי ברא יהוה חדשה בארץ נקבה תסובב גבר׃
- יִרְמְיָהוּ ל״א:כ״גבערך תר״ו לפנה״ס
כה אמר יהוה צבאות אלהי ישראל עוד יאמרו את הדבר הזה בארץ יהודה ובעריו בשובי את שבותם יברכך יהוה נוה צדק הר הקדש׃
- יִרְמְיָהוּ ל״א:כ״דבערך תר״ו לפנה״ס
וישבו בה יהודה וכל עריו יחדו אכרים ונסעו בעדר׃
- יִרְמְיָהוּ ל״א:כ״הבערך תר״ו לפנה״ס
כי הרויתי נפש עיפה וכל נפש דאבה מלאתי׃
- יִרְמְיָהוּ ל״א:כ״ובערך תר״ו לפנה״ס
על זאת הקיצתי ואראה ושנתי ערבה לי׃
- יִרְמְיָהוּ ל״א:כ״זבערך תר״ו לפנה״ס
הנה ימים באים נאם יהוה וזרעתי את בית ישראל ואת בית יהודה זרע אדם וזרע בהמה׃
- יִרְמְיָהוּ ל״א:כ״חבערך תר״ו לפנה״ס
והיה כאשר שקדתי עליהם לנתוש ולנתוץ ולהרס ולהאביד ולהרע כן אשקד עליהם לבנות ולנטוע נאם יהוה׃
- יִרְמְיָהוּ ל״א:כ״טבערך תר״ו לפנה״ס
בימים ההם לא יאמרו עוד אבות אכלו בסר ושני בנים תקהינה׃
- יִרְמְיָהוּ ל״א:ל׳בערך תר״ו לפנה״ס
כי אם איש בעונו ימות כל האדם האכל הבסר תקהינה שניו׃
- יִרְמְיָהוּ ל״א:ל״אבערך תר״ו לפנה״ס
הנה ימים באים נאם יהוה וכרתי את בית ישראל ואת בית יהודה ברית חדשה׃
- יִרְמְיָהוּ ל״א:ל״בבערך תר״ו לפנה״ס
לא כברית אשר כרתי את אבותם ביום החזיקי בידם להוציאם מארץ מצרים אשר המה הפרו את בריתי ואנכי בעלתי בם נאם יהוה׃
- יִרְמְיָהוּ ל״א:ל״גבערך תר״ו לפנה״ס
כי זאת הברית אשר אכרת את בית ישראל אחרי הימים ההם נאם יהוה נתתי את תורתי בקרבם ועל לבם אכתבנה והייתי להם לאלהים והמה יהיו לי לעם׃
- יִרְמְיָהוּ ל״א:ל״דבערך תר״ו לפנה״ס
ולא ילמדו עוד איש את רעהו ואיש את אחיו לאמר דעו את יהוה כי כולם ידעו אותי למקטנם ועד גדולם נאם יהוה כי אסלח לעונם ולחטאתם לא אזכר עוד׃
- יִרְמְיָהוּ ל״א:ל״הבערך תר״ו לפנה״ס
כה אמר יהוה נתן שמש לאור יומם חקת ירח וכוכבים לאור לילה רגע הים ויהמו גליו יהוה צבאות שמו׃
- יִרְמְיָהוּ ל״א:ל״ובערך תר״ו לפנה״ס
אם ימשו החקים האלה מלפני נאם יהוה גם זרע ישראל ישבתו מהיות גוי לפני כל הימים׃
- יִרְמְיָהוּ ל״א:ל״זבערך תר״ו לפנה״ס
כה אמר יהוה אם ימדו שמים מלמעלה ויחקרו מוסדי ארץ למטה גם אני אמאס בכל זרע ישראל על כל אשר עשו נאם יהוה׃
- יִרְמְיָהוּ ל״א:ל״חבערך תר״ו לפנה״ס
הנה ימים נאם יהוה ונבנתה העיר ליהוה ממגדל חננאל שער הפנה׃