TRV
circa 800–400 BC
The Hebrew Prophets
God speaks through Isaiah, Jeremiah, and the minor prophets—calling Israel to repentance and foretelling the coming Messiah.
פסוקים מתקופה זו
- יִרְמְיָהוּ ל״א:ל״טבערך תר״ו לפנה״ס
ויצא עוד קוה המדה נגדו על גבעת גרב ונסב געתה׃
- יִרְמְיָהוּ ל״א:מ׳בערך תר״ו לפנה״ס
וכל העמק הפגרים והדשן וכל השרמות עד נחל קדרון עד פנת שער הסוסים מזרחה קדש ליהוה לא ינתש ולא יהרס עוד לעולם׃
- יִרְמְיָהוּ ל״ב:א׳בערך תקפ״ט לפנה״ס
¶ הדבר אשר היה אל ירמיהו מאת יהוה בשנת העשרית לצדקיהו מלך יהודה היא השנה שמנה עשרה שנה לנבוכדראצר׃
- יִרְמְיָהוּ ל״ב:ב׳בערך תקפ״ט לפנה״ס
ואז חיל מלך בבל צרים על ירושלם וירמיהו הנביא היה כלוא בחצר המטרה אשר בית מלך יהודה׃
- יִרְמְיָהוּ ל״ב:ג׳בערך תקפ״ט לפנה״ס
אשר כלאו צדקיהו מלך יהודה לאמר מדוע אתה נבא לאמר כה אמר יהוה הנני נתן את העיר הזאת ביד מלך בבל ולכדה׃
- יִרְמְיָהוּ ל״ב:ד׳בערך תקפ״ט לפנה״ס
וצדקיהו מלך יהודה לא ימלט מיד הכשדים כי הנתן ינתן ביד מלך בבל ודבר פיו עם פיו ועיניו את עינו תראינה׃
- יִרְמְיָהוּ ל״ב:ה׳בערך תקפ״ט לפנה״ס
ובבל יולך את צדקיהו ושם יהיה עד פקדי אתו נאם יהוה כי תלחמו את הכשדים לא תצליחו׃
- יִרְמְיָהוּ ל״ב:ו׳בערך תקפ״ט לפנה״ס
ויאמר ירמיהו היה דבר יהוה אלי לאמר׃
- יִרְמְיָהוּ ל״ב:ז׳בערך תקפ״ט לפנה״ס
הנה חנמאל בן שלם דדך בא אליך לאמר קנה לך את שדי אשר בענתות כי לך משפט הגאלה לקנות׃
- יִרְמְיָהוּ ל״ב:ח׳בערך תקפ״ט לפנה״ס
ויבא אלי חנמאל בן דדי כדבר יהוה אל חצר המטרה ויאמר אלי קנה נא את שדי אשר בענתות אשר בארץ בנימין כי לך משפט הירשה ולך הגאלה קנה לך ואדע כי דבר יהוה הוא׃
- יִרְמְיָהוּ ל״ב:ט׳בערך תקפ״ט לפנה״ס
ואקנה את השדה מאת חנמאל בן דדי אשר בענתות ואשקלה לו את הכסף שבעה שקלים ועשרה הכסף׃
- יִרְמְיָהוּ ל״ב:י׳בערך תקפ״ט לפנה״ס
ואכתב בספר ואחתם ואעד עדים ואשקל הכסף במאזנים׃
- יִרְמְיָהוּ ל״ב:י״אבערך תקפ״ט לפנה״ס
ואקח את ספר המקנה את החתום המצוה והחקים ואת הגלוי׃
- יִרְמְיָהוּ ל״ב:י״בבערך תקפ״ט לפנה״ס
ואתן את הספר המקנה אל ברוך בן נריה בן מחסיה לעיני חנמאל דדי ולעיני העדים הכתבים בספר המקנה לעיני כל היהודים הישבים בחצר המטרה׃
- יִרְמְיָהוּ ל״ב:י״גבערך תקפ״ט לפנה״ס
ואצוה את ברוך לעיניהם לאמר׃
- יִרְמְיָהוּ ל״ב:י״דבערך תקפ״ט לפנה״ס
כה אמר יהוה צבאות אלהי ישראל לקוח את הספרים האלה את ספר המקנה הזה ואת החתום ואת ספר הגלוי הזה ונתתם בכלי חרש למען יעמדו ימים רבים׃
- יִרְמְיָהוּ ל״ב:ט״ובערך תקפ״ט לפנה״ס
כי כה אמר יהוה צבאות אלהי ישראל עוד יקנו בתים ושדות וכרמים בארץ הזאת׃
- יִרְמְיָהוּ ל״ב:ט״זבערך תקפ״ט לפנה״ס
ואתפלל אל יהוה אחרי תתי את ספר המקנה אל ברוך בן נריה לאמר׃
- יִרְמְיָהוּ ל״ב:י״זבערך תקפ״ט לפנה״ס
אהה אדני יהוה הנה אתה עשית את השמים ואת הארץ בכחך הגדול ובזרעך הנטויה לא יפלא ממך כל דבר׃
- יִרְמְיָהוּ ל״ב:י״חבערך תקפ״ט לפנה״ס
עשה חסד לאלפים ומשלם עון אבות אל חיק בניהם אחריהם האל הגדול הגבור יהוה צבאות שמו׃
- יִרְמְיָהוּ ל״ב:י״טבערך תקפ״ט לפנה״ס
גדל העצה ורב העליליה אשר עיניך פקחות על כל דרכי בני אדם לתת לאיש כדרכיו וכפרי מעלליו׃
- יִרְמְיָהוּ ל״ב:כ׳בערך תקפ״ט לפנה״ס
אשר שמת אתות ומפתים בארץ מצרים עד היום הזה ובישראל ובאדם ותעשה לך שם כיום הזה׃
- יִרְמְיָהוּ ל״ב:כ״אבערך תקפ״ט לפנה״ס
ותצא את עמך את ישראל מארץ מצרים באתות ובמופתים וביד חזקה ובאזרוע נטויה ובמורא גדול׃
- יִרְמְיָהוּ ל״ב:כ״בבערך תקפ״ט לפנה״ס
ותתן להם את הארץ הזאת אשר נשבעת לאבותם לתת להם ארץ זבת חלב ודבש׃
- יִרְמְיָהוּ ל״ב:כ״גבערך תקפ״ט לפנה״ס
ויבאו וירשו אתה ולא שמעו בקולך ובתרותך לא הלכו את כל אשר צויתה להם לעשות לא עשו ותקרא אתם את כל הרעה הזאת׃