TRV
circa 800–400 BC
The Hebrew Prophets
God speaks through Isaiah, Jeremiah, and the minor prophets—calling Israel to repentance and foretelling the coming Messiah.
פסוקים מתקופה זו
- יִרְמְיָהוּ ל״ב:כ״דבערך תקפ״ט לפנה״ס
הנה הסללות באו העיר ללכדה והעיר נתנה ביד הכשדים הנלחמים עליה מפני החרב והרעב והדבר ואשר דברת היה והנך ראה׃
- יִרְמְיָהוּ ל״ב:כ״הבערך תקפ״ט לפנה״ס
ואתה אמרת אלי אדני יהוה קנה לך השדה בכסף והעד עדים והעיר נתנה ביד הכשדים׃
- יִרְמְיָהוּ ל״ב:כ״ובערך תקפ״ט לפנה״ס
ויהי דבר יהוה אל ירמיהו לאמר׃
- יִרְמְיָהוּ ל״ב:כ״זבערך תקפ״ט לפנה״ס
הנה אני יהוה אלהי כל בשר הממני יפלא כל דבר׃
- יִרְמְיָהוּ ל״ב:כ״חבערך תקפ״ט לפנה״ס
לכן כה אמר יהוה הנני נתן את העיר הזאת ביד הכשדים וביד נבוכדראצר מלך בבל ולכדה׃
- יִרְמְיָהוּ ל״ב:כ״טבערך תקפ״ט לפנה״ס
ובאו הכשדים הנלחמים על העיר הזאת והציתו את העיר הזאת באש ושרפוה ואת הבתים אשר קטרו על גגותיהם לבעל והסכו נסכים לאלהים אחרים למען הכעסני׃
- יִרְמְיָהוּ ל״ב:ל׳בערך תקפ״ט לפנה״ס
כי היו בני ישראל ובני יהודה אך עשים הרע בעיני מנערתיהם כי בני ישראל אך מכעסים אתי במעשה ידיהם נאם יהוה׃
- יִרְמְיָהוּ ל״ב:ל״אבערך תקפ״ט לפנה״ס
כי על אפי ועל חמתי היתה לי העיר הזאת למן היום אשר בנו אותה ועד היום הזה להסירה מעל פני׃
- יִרְמְיָהוּ ל״ב:ל״בבערך תקפ״ט לפנה״ס
על כל רעת בני ישראל ובני יהודה אשר עשו להכעסני המה מלכיהם שריהם כהניהם ונביאיהם ואיש יהודה וישבי ירושלם׃
- יִרְמְיָהוּ ל״ב:ל״גבערך תקפ״ט לפנה״ס
ויפנו אלי ערף ולא פנים ולמד אתם השכם ולמד ואינם שמעים לקחת מוסר׃
- יִרְמְיָהוּ ל״ב:ל״דבערך תקפ״ט לפנה״ס
וישימו שקוציהם בבית אשר נקרא שמי עליו לטמאו׃
- יִרְמְיָהוּ ל״ב:ל״הבערך תקפ״ט לפנה״ס
ויבנו את במות הבעל אשר בגיא בן הנם להעביר את בניהם ואת בנותיהם למלך אשר לא צויתים ולא עלתה על לבי לעשות התועבה הזאת למען החטי את יהודה׃
- יִרְמְיָהוּ ל״ב:ל״ובערך תקפ״ט לפנה״ס
ועתה לכן כה אמר יהוה אלהי ישראל אל העיר הזאת אשר אתם אמרים נתנה ביד מלך בבל בחרב וברעב ובדבר׃
- יִרְמְיָהוּ ל״ב:ל״זבערך תקפ״ט לפנה״ס
הנני מקבצם מכל הארצות אשר הדחתים שם באפי ובחמתי ובקצף גדול והשבתים אל המקום הזה והשבתים לבטח׃
- יִרְמְיָהוּ ל״ב:ל״חבערך תקפ״ט לפנה״ס
והיו לי לעם ואני אהיה להם לאלהים׃
- יִרְמְיָהוּ ל״ב:ל״טבערך תקפ״ט לפנה״ס
ונתתי להם לב אחד ודרך אחד ליראה אותי כל הימים לטוב להם ולבניהם אחריהם׃
- יִרְמְיָהוּ ל״ב:מ׳בערך תקפ״ט לפנה״ס
וכרתי להם ברית עולם אשר לא אשוב מאחריהם להיטיבי אותם ואת יראתי אתן בלבבם לבלתי סור מעלי׃
- יִרְמְיָהוּ ל״ב:מ״אבערך תקפ״ט לפנה״ס
וששתי עליהם להטיב אותם ונטעתים בארץ הזאת באמת בכל לבי ובכל נפשי׃
- יִרְמְיָהוּ ל״ב:מ״בבערך תקפ״ט לפנה״ס
כי כה אמר יהוה כאשר הבאתי אל העם הזה את כל הרעה הגדולה הזאת כן אנכי מביא עליהם את כל הטובה אשר אנכי דבר עליהם׃
- יִרְמְיָהוּ ל״ב:מ״גבערך תקפ״ט לפנה״ס
ונקנה השדה בארץ הזאת אשר אתם אמרים שממה היא מאין אדם ובהמה נתנה ביד הכשדים׃
- יִרְמְיָהוּ ל״ב:מ״דבערך תקפ״ט לפנה״ס
שדות בכסף יקנו וכתוב בספר וחתום והעד עדים בארץ בנימן ובסביבי ירושלם ובערי יהודה ובערי ההר ובערי השפלה ובערי הנגב כי אשיב את שבותם נאם יהוה׃
- יִרְמְיָהוּ ל״ג:א׳בערך תקפ״ח לפנה״ס
¶ ויהי דבר יהוה אל ירמיהו שנית והוא עודנו עצור בחצר המטרה לאמר׃
- יִרְמְיָהוּ ל״ג:ב׳בערך תקפ״ח לפנה״ס
כה אמר יהוה עשה יהוה יוצר אותה להכינה יהוה שמו׃
- יִרְמְיָהוּ ל״ג:ג׳בערך תקפ״ח לפנה״ס
קרא אלי ואענך ואגידה לך גדלות ובצרות לא ידעתם׃
- יִרְמְיָהוּ ל״ג:ד׳בערך תקפ״ח לפנה״ס
כי כה אמר יהוה אלהי ישראל על בתי העיר הזאת ועל בתי מלכי יהודה הנתצים אל הסללות ואל החרב׃